【自助餐放蛇起底組】自己落手炸! $168 炸物 +火鍋+高級版Dreyer’s雪糕放題

撰文、攝影：自助餐放蛇起底組

10多款蔬菜串物　零用腦超簡易自製完美 炸物

入座後先揀火鍋套餐，每款套餐都包自助炸物，其中按不同級數的肉類有不同收費，由$158-$368不等，可任食2小時。

炸爐放在自助區，全店只有一部，炸爐旁放了炸漿和米糠，行過少少便有十多款已經套上竹籤的食物，主要以蔬菜類為主，茄子、腸仔、魚餅等，海鮮只有1款生蝦串，如果會有多點肉類和海鮮類燒就perfect啦！

炸物造法好簡單，牆上有貼教學，不明白的可以隨手叫店員教你，不過超簡單，完全不用用腦。先把食物沾上炸漿，再平均把米糠蘸在串物表面，然後放入爐內，炸兩分鐘，完成。炸爐長開，不用調較任何設定，只需放入去便會開始炸，而牆上有計時器，按個製便開始倒數。過程零用腦，最多考你手眼協調把炸漿和米糠平均蘸在串物上。

食材新鮮　人人都能輕易炸到

地獄廚神的小編試炸幾次，串物都能炸到香口，簡直零失敗！一點難度也沒有。蝦串食落肉質彈牙；麻吉燒(即魚餅年糕)外面香脆，咬下去很煙韌，不錯！另外的炸芋頭魚餅亦很軟綿，魚味較出茄子亦大隻新鮮，幾OK！

不過全場只有一部炸爐，而且每次只能炸5串＋等2分鐘，多人排隊的便要等很久，所以大家看到無人用炸機就要立即出去試炸啦！而當日refill都頗快手，較熱門的蝦串被人清空幾次後亦有refill，幾好。

火鍋大路選擇

玩完炸爐可以食火鍋，小編當日選了$168的套餐，有美國牛肉、美國自然豚片和雞肉3款肉類可無限refill，湯底則是大路選擇，都是豬骨、麻辣等，試了沙嗲鍋，味道像喇沙湯底和沙嗲牛肉的混合體，但都非常香。

牛肉肉質都彈牙，不過牛味麻麻，完全被沙嗲味蓋過；豬肉爽口；雞肉大大件，無雪味，都唔錯。

自助配料區：菜、菇、丸

其他配料可到自助區拿，都是一般日式火鍋放題配料，有菜、丸類、菇類等等，無乜驚喜。

甜品有驚喜　高級版Dreyer’s任食

雖然吃完炸物和火鍋都已經夠飽肚，但記著要留肚吃甜品，因為這裡竟然有Dreyer’s D-Collection雪糕任食！還有4款味可以揀，有開心果味、三重朱古力、芒果和藍莓芝士餅味，好黐線！平時超市都差不多要$20/杯，食多幾杯都回本！飲品是大路選擇，有汽水、紙包果汁等。

總結：雖然火鍋選擇和平時的日式火鍋差不多，但炸物機可以自己炸串物又幾驚喜，而且操作簡單，零失手，食材亦很新鮮，大部份食物味道都不錯。環境樓底高，幾闊落；服務雖然店員都非常有禮，但報碟方邊較慢。$168可以吃2小時，比坊間的日式放題店多了半小時，都幾抵食！

一句到尾：可以翻啅！

稻八日式火鍋炸物放題

地址: 大埔舊墟直街4-20號美新大廈地下A2號舖(顯示地圖)
電話：3565 5031

火鍋炸物放題供應時間:
星期一至日 5:30pm-2am
收費：隨自選肉類而定，由$158-368不等
用餐時間:2小時
備註:收加一