大坑民聲冰室即日起停業至4月中！招牌肉餅山最高峰日賣200個

大坑民聲冰室即日起停業至4月中！

大坑民聲冰室為區內老字號茶餐廳，其招牌肉餅山單是賣相已夠晒震憾，足料又多汁，配飯食一流，最高峰日賣200個，就連明星都是餐廳的常客，認真架勢！不過最近餐廳就傳出一個壞消息，餐廳於3月25日在社交平台發出告示，表示餐廳將會由即日起至4月中旬暫停營業，全文如下：「唔好意思係有點唐突，因為臨到好『抆水』先處理埋啲事情，然後先可抖抖慢慢去安排，將來民聲有可能發展嘅嘢。//我係一個慢熱及有拖延症嘅人，所以敬請大家唔好對我期望太大，有你哋嘅支持底下 我會盡做，多謝繼續支持民聲冰室」。

後來店主再出帖解釋休息的原因，向食客大派定心丸！店主表示餐廳其實每逢暑假都會休息一個月左右的時間，不過今年店主的母親想提早於復活節放長假期，因此才會臨時有此決定。

『溫馨澄清 詳文慎入』

可唔可以睇晒佢
當我今日公布咗放長假嘅時候，
可能我演繹得太過嚴肅
收到有史以來最多嘅電話訊息，
網上留言疑問，係度認真回覆大家。

其實民聲冰室每年暑假都會放一個長假期，
本身今年都係照樣暑假放一個月，
但係老母臨時決定咗想提早喺復活節放長假，
因為決定得好倉猝… 我本身仲安排緊搵Hazel
喺舖頭搞吓店長活動要喺復活節期間進行，
曾經諗住自己一個人都去繼續開舖，所以都打亂咗啲部署。

經過一晚嘅思考，終於決定咗呢個「任性」嘅安排，就係一齊提早長假，因為我真係在最後幾個小時內就要決定晒同執行所有嘢，所以先臨時臨急向大家公布休息，嚇親大家，真係唔好意。

好多謝同感激各位嘅關心，
令到大家擔心一場。I’m so sorry

估唔到連阿餅爸都打嚟問咩事

網民表示支持：見攰就抖！

消息傳出後，一眾街坊及食客都紛紛留言表示不捨及支持：「休息下⋯⋯繼續加油呀」、「抖夠就好開工啦！」、「休息為了走更遠的路」、「民聲方加！攪掂就好番來喇」、「見攰就抖」，同時期待餐廳重新營業的一天。

• 餐廳：民聲冰室
• 地址：大坑浣紗街16號地下