酸辣米線
酸辣米線

4大外賣酸辣米線實測!必食Ben哥五榖米線、魚米彈牙腐皮墨魚卷+送你 Uber Eats 優惠碼

飲食

廣告

有冇人一日唔食米線就覺得囉囉攣?堂食米線固然好味,不過而家疫情影響之下,想食得安心最好就梗係嗌外賣喺屋企慢慢歎啦~今次就特別用 Uber Eats 嗌外賣,為各位米線控做個酸辣米線外賣實測,睇吓以下4間餐廳嘅米線外賣質素如何,同場仲有Uber Eats優惠資訊,方便大家睇完即刻嗌外賣!

米線控必睇!4大外賣酸辣米線實測

1. 譚仔雲南米線

譚仔可以話係唔少人嘅至愛,皆因配料同湯底都有好多選擇,啱晒大家獨一無二嘅口味!雖然用App叫外賣無得聽譚仔姐姐落單時親切嘅口音,不過可以安坐家中歎譚仔都唔錯㗎~

酸辣米線 外賣送到嚟仲好靚仔~
外賣送到嚟仲好靚仔~
湖南酸辣米線配炸醬、雞肉、竹苼
湖南酸辣米線配炸醬、雞肉、竹苼 $62
酸辣米線 米線同湯會貼心地分開放,而其他配料就直接放喺湯入面吸盡湯底精華,但湯量略嫌唔夠多,食到一半湯都差唔多見底,有啲唔夠喉。至於炸醬亦係另上,啱晒鍾意一啖米線一啖炸醬咁食嘅朋友~
米線同湯會貼心地分開放,而其他配料就直接放喺湯入面吸盡湯底精華,但湯量略嫌唔夠多,食到一半湯都差唔多見底,有啲唔夠喉。至於炸醬亦係另上,啱晒鍾意一啖米線一啖炸醬咁食嘅朋友~
酸辣米線 米線比起堂食較硬身,如果鍾意軟身嘅朋友就要喺湯到浸返耐少少先食。
米線比起堂食較硬身,如果鍾意軟身嘅朋友就要喺湯到浸返耐少少先食。
酸辣米線 雞肉選用雞脾肉,口感嫩滑爽口。
雞肉選用雞脾肉,口感嫩滑爽口。
酸辣米線 100%全豬肉製造,肉味香濃,配埋彈牙米線簡直係絕配,大大提升成碗米線嘅風味。
100%全豬肉製造,肉味香濃,配埋彈牙米線簡直係絕配,大大提升成碗米線嘅風味。
酸辣米線 竹笙爽口嘅口感,加埋吸收晒湯底精華,一個字:正!
竹笙爽口嘅口感,加埋吸收晒湯底精華,一個字:正!
酸辣米線 湖南酸辣湯底清而不油膩,酸中帶微辣,食落非常開胃。
湖南酸辣湯底清而不油膩,酸中帶微辣,食落非常開胃。

Uber Eats優惠:
新用戶限定優惠!大家只要喺譚仔雲南米線首單外賣輸入優惠碼「TJMIXIAN」,即可享5折優惠,最多足足可以減$100,咁就可以一次過叫齊米線同小食啦!

*優惠期至2020年9月13日。 優惠只適用於新用戶,每位新用戶只限使用一次以上優惠。用戶須在付款前輸入優惠碼方可享有優惠。優惠只適用於訂購餐點,用戶須支付送餐費及其他有關費用。優惠只適用於譚仔雲南米線於 Uber Eats 之外賣訂單。不能與其他優惠碼同時使用。優惠受有關條款及細則約束。

2. 香港仔南記粉麵

近年紅到去韓國嘅南記,就知佢嘅吸引力有幾勁啦!雖然佢嘅配料選擇唔算多,但就憑佢哋嘅招牌春卷同酸辣米線都已經夠晒賣點,再加上佢性價比高,令到唔少人都忍唔到口食完又食~

酸辣米線 湯同米線打橫放,大大減低會倒瀉嘅機率。
湯同米線打橫放,大大減低會倒瀉嘅機率。
酸辣米線配招牌春卷、招牌辣豬肉、墨魚丸
酸辣米線配招牌春卷、招牌辣豬肉、墨魚丸 $55
酸辣米線 米線、招牌春卷同湯底分開放,唔使擔心米線同春卷送到嚟會浸到腍晒。
米線、招牌春卷同湯底分開放,唔使擔心米線同春卷送到嚟會浸到腍晒。
酸辣米線 米線幼滑而且口感煙韌,啱晒鍾意有咬口嘅朋友。
米線幼滑而且口感煙韌,啱晒鍾意有咬口嘅朋友。
酸辣米線 去南記必食嘅招牌春卷,日日新鮮製造夠晒彈牙又唔油膩,不過份量就得2條。
去南記必食嘅招牌春卷,日日新鮮製造夠晒彈牙又唔油膩,不過份量就得2條。
酸辣米線 招牌辣豬肉厚薄度適中,味道亦唔會話太咸,但略嫌韌咗少少。
招牌辣豬肉厚薄度適中,味道亦唔會話太咸,但略嫌韌咗少少。
酸辣米線 手打墨魚丸有魚嘅鮮甜味,仲會食到粒粒墨魚碎,口感十足。
手打墨魚丸有魚嘅鮮甜味,仲會食到粒粒墨魚碎,口感十足。
酸辣米線 湯底酸中帶甜,辣度亦好輕微,就算唔食得辣嘅朋友都一定無問題。
湯底酸中帶甜,辣度亦好輕微,就算唔食得辣嘅朋友都一定無問題。

Uber Eats 優惠:
而家只要喺 Uber Eats 嗌南記粉麵滿$150(其他費用不計算在內),即免費送你一份「辣爽爽大腸」!只要符合條件,優惠就會自動喺付款頁面生效,優惠期去到2020年10月13日㗎咋!

*優惠只適用於南記粉麵於 Uber Eats 之訂單。不能與其他優惠碼同時使用。優惠受有關條款及細則約束。

3. Ben哥米線
近年新冒起嘅Ben哥米線,憑住創新嘅五穀米線同多款新口味湯底,成功創出一片天地。除咗米線出色之外,佢哋嘅小食亦相當惹味,尤其係配上自家秘製麻辣醬嘅招牌麻辣墨魚頭,辣得嚟又夠爽口彈牙,真係會食到停唔到口!

酸辣米線 外賣拎到嚟啲湯亦無倒瀉,但份量睇落有啲少。
外賣拎到嚟啲湯亦無倒瀉,但份量睇落有啲少。
酸辣米線 酸辣五穀米線配蘿蔔、豬軟骨、墨魚頭
酸辣五穀米線配蘿蔔、豬軟骨、墨魚頭 $84
酸辣米線 所有米線、配料都會同湯分開放,而且湯份量亦好足,仲比埋荽茜同葱,簡直同堂食無分別!
所有米線、配料都會同湯分開放,而且湯份量亦好足,仲比埋荽茜同葱,簡直同堂食無分別!
酸辣米線 原味米線配以蕎麥、粟米、黑米、高梁製成嘅五穀米線,口感特別之餘仲可以食得健康啲~
原味米線配以蕎麥、粟米、黑米、高梁製成嘅五穀米線,口感特別之餘仲可以食得健康啲~
酸辣米線 墨魚頭係Ben哥米線嘅招牌配料,食落相當爽口。
墨魚頭係Ben哥米線嘅招牌配料,食落相當爽口。
酸辣米線 帶有脆骨嘅豬軟骨忟得夠腍又夠入味,脆骨亦有咬口,推介!
帶有脆骨嘅豬軟骨忟得夠腍又夠入味,脆骨亦有咬口,推介!
酸辣米線 蘿蔔雖然夠腍身,但吸唔到湯底嘅精華,食落相對淡口。
蘿蔔雖然夠腍身,但吸唔到湯底嘅精華,食落相對淡口。
酸辣米線 酸辣湯底有肉碎,相對其他湯底會比較油膩,但味道濃郁香口。
酸辣湯底有肉碎,相對其他湯底會比較油膩,但味道濃郁香口。

Uber Eats優惠:
由即日起至9月30日,用Uber Eats嗌Ben哥米線滿$100(其他費用不計算在內)即可減$20,喺付款頁面就會自動生效,唔使入優惠碼㗎!

*優惠只適用於Ben哥米線於 Uber Eats 之訂單。不能與其他優惠碼同時使用。優惠受有關條款及細則約束。

4. 魚米
主打「健康」嘅魚米所有湯底、米線同配料都冇添加味精,湯底更嚴選上等紅衫魚、大魚、豬骨等等上乘食材熬製,食落特別鮮甜。配料方面亦有近30款,最特別係仲有原條鮮魚比大家揀,其他米線舖比較少見。

酸辣米線 湯同米線分開放,隔住個膠袋都睇到份量好足!
湯同米線分開放,隔住個膠袋都睇到份量好足!
酸辣米線配腐皮墨魚卷、肉燕餃、腩肉
酸辣米線配腐皮墨魚卷、肉燕餃、腩肉 $56
酸辣米線 無論係米線定湯嘅份量都十足,就連免費嘅配料腐皮、酸菜都毫不手軟咁比勁多!
無論係米線定湯嘅份量都十足,就連免費嘅配料腐皮、酸菜都毫不手軟咁比勁多!
酸辣米線 米線幼身軟滑,軟硬適中。
米線幼身軟滑,軟硬適中。
酸辣米線 腩肉肥瘦均勻,亦唔會忟得過腍,食落依然有咬口。
腩肉肥瘦均勻,亦唔會忟得過腍,食落依然有咬口。
酸辣米線 肉燕餃餃皮夠滑,內餡飽滿充滿肉汁。
肉燕餃餃皮夠滑,內餡飽滿充滿肉汁。
酸辣米線 腐皮墨魚卷較為腍,食落口感一般。
腐皮墨魚卷較為腍,食落口感一般。
酸辣米線 湯底帶有魚湯鮮味,酸味重但缺乏辣味,鍾意食酸嘢嘅朋友就啱晒~
湯底帶有魚湯鮮味,酸味重但缺乏辣味,鍾意食酸嘢嘅朋友就啱晒~

Uber Eats優惠:
而家喺Uber Eats嗌魚米滿$150(其他費用不計算在內),即可減$30,姐係話用8折就可以歎到鮮甜魚湯米線,喺付款頁面優惠會自動生效,超方便!

*優惠期至2020年10月14日,優惠只適用於魚米於 Uber Eats 之訂單。不能與其他優惠碼同時使用。優惠受有關條款及細則約束。

(Presented by Uber Eats)

最新吃喝玩樂資訊