櫻花蝦蒜香薯仔凍湯
櫻花蝦蒜香薯仔凍湯

夏日開胃減肥湯・櫻花蝦蒜香薯仔凍湯食譜@Hilda 梁雅琳

飲食

廣告

已經去到差不多5月了,已經再沒有藉口不減肥了!今日要介紹一個薯仔的食譜,係啊,你無聽錯,的確係普遍人減肥都怕食的「薯仔」。相信大家都聽過薯仔係好高澱粉質,而薯條、薯片、薯蓉等都係致肥黑星,咁可以用佢來減肥呢?

櫻花蝦蒜香薯仔凍湯製作方法

其實大家都誤解了可愛的薯仔啦,有研究指出,同等重量的薯仔跟番薯或麵飯來比併,澱粉質係較低的,而且佢鉀質豐富,有助心臟健康。只係因為薯仔本身味道淡,好多人都會用好多調味料去烹調薯仔,令到佢的熱量增加。所以要減肥的大家,不妨試吓用飽到得來又低脂的薯仔煮番餐啊。今次呢個凍湯會係一個唔錯的夏天減肥入門版~~

材料:

薯仔…………………..280克

櫻花蝦………………適量

洋葱………………….100克

蒜頭………………….2粒

低脂牛奶…………..300毫升

鹽……………………..適量

做法:

1)薯仔去皮,切粒;洋葱去皮,切粒;蒜頭去皮,拍扁。

2)小煲內下油加熱,爆香洋葱和蒜頭,以中火炒至洋葱軟身。

3)下薯仔略炒拌勻,注入低脂牛奶和鹽,以小火煮15-20分鐘,待薯仔軟身後,熄火待涼。

4)用手提攪拌機將煲內湯料攪拌成濃湯,盛起,放入雪櫃冷凍。

5)櫻花蝦放於白鑊內烘熱,放於薯仔濃湯表面,完成。



貼士:
*要積極減肥的你,可以嘗試用清水代替低脂牛奶。

最新吃喝玩樂資訊