土瓜灣小店炒蛋絕技！用足11隻蛋焦香流心＋懷舊燒雞小炒｜土瓜灣中菜｜

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

飲食

wwproofread01

Nov 9 2018

市場上有人推陳出新，創作fusion新菜；卻又有人力守老味道，以幾十年前師傅教落那套，傳承行將失落的廚藝。這間叫一鍋蜂的土瓜灣小炒店，有個老師傅，有道不是人人做得到的絕技炒蛋，食過人人讚！

土瓜灣小店秘技流心炒餅

「呢個炒蛋是50年前在廣州做學徒時偷睇師傅學返來的，咪以為用鑊兜兜吓好簡單，火候要時大時細，否則蛋就燶黑，又或者裡面太熟。無40年功力，都煎唔好。」今年72歲的螺仔哥輕描淡寫地說。

外形似一個圓形蛋餅，切開竟然是流心，蛋很香，既食到焦香的炒蛋，又有香滑的流心蛋漿，中間夾雜香香的松子和爽脆菜脯碎，味道很夾，很好下飯。

懷舊小炒陳皮牛河＋古法燒雞

2015年，螺仔哥身體轉差，原本決意收山。「退休嗰兩年，旅行都去到悶，西藏都去咗四次﹗」靜極思動，剛好有朋友工作的土瓜灣小菜館生意麻麻，游說螺仔哥出山坐鎮。「梗係開心，晚晚幾個鐘之嘛，打工好，唔使擔心生意，又有飲有食。」二話不說，答應下來，並重新整理自己的首本名菜。總之一提起食，就主意多多，從前和味館的老主顧喜聞他重出江湖，都來幫襯，原本寂寂無名的小店，就此火熱起來，尤其周末，都要提前幾日訂位。「大部分都是老友，好多已經跟咗我幾十年，帶埋孫仔來食。」就這樣，螺仔哥廚房、樓面兩邊走，炒炒菜，遇有熟客就出來打個招呼。歡笑聲、勸酒聲洋溢小店，中菜就是要吃得開心熱鬧﹗