Threads爆紅！唐記包點麻糬流心花生/芝麻包 朝早8點即售罄

Threads爆紅！唐記包點全新麻糬包系列

最近，人氣港式點心品牌「唐記包點」推出了兩款全新麻糬包系列——麻糬花生包和麻糬芝麻包（大約$9-10個，各分店價錢有不同），包點外皮柔軟，內餡加入Q彈的麻糬，層次豐富，一推出即引來大批threads友實試！短短數天全城瘋搶，小編早上10點走訪多間唐記包點分店都未能成功買到，有threads友更指早上8點已售罄，超誇張！

threads友激讚！似食流心湯圓＋口感好煙韌

成功買到的threads友都紛紛分享食後感，其中麻糬花生包花生餡香甜濃郁，咬落爆餡，麻糬份量充足且彈性十足，帶來黏滑柔軟的口感，又有細膩的顆粒感，不少threads友都形容做似食花生湯圓一樣，花生味超濃郁，口感豐富又不膩，加埋軟熟的包身，早餐來說非常之滿足！另一款麻糬芝麻包則以香濃的黑芝麻餡為主，包身質地軟熟，芝麻味好濃，甜度適中，搭配煙韌Q彈的麻糬，味道香甜回甘，令人一試難忘，喜歡食芝麻製品的一定鐘意。