和牛燒肉
和牛燒肉

|尖沙咀| 熊本 和牛燒肉 !! 超豐富6道菜 : 和牛油炒飯+士多啤梨抹茶奶凍

飲食

廣告

最近冇長假期,自然納悶,不如約朋友去食餐好的cheer up番,燒熊本A5和牛如何?最近Hello Pinkey周圍食,試了6道菜的 和牛燒肉 套餐,當中包括4款不同部位的和牛,還有2款日本豚肉,即使多飽都要食埋和牛炒飯,香到震又有鑊氣;甜品是熊本士多啤梨奶凍,好味到想1個人食2杯。至於午市$88就食到和牛小排套餐,抵呀~即睇介紹!

豐富6道菜! 熊本 和牛燒肉 套餐

此套餐一共6道菜,包括前菜燒帶子、雞泡魚乾和炸豆腐;2款刺身;熊本豚肉沙律;味噌湯;重頭戲當然是和牛+豚肉拼盤。之後多飽都要食埋和牛炒飯,還有熊本士多啤梨奶凍,豐富到捧住個肚走。

前菜是燒帶子鮮甜、雞泡魚煙韌和炸豆腐外脆內軟,味道簡單,吃其原汁原味。

食日本菜總是希望有刺身,此套餐有油甘魚和吞拿魚刺身,很新鮮,吞拿魚冇筋,兩者都甘香。

重頭戲: 和牛+豚肉拼盤

此店和牛是由日本直接入貨,質素有保證,當中包括A5的和牛西冷、A4的牛排肉和紅肉、牛舌和熊本Rindo腩肉和肉眼。

飽都要食 和牛油炒飯

食和牛都是貪其油香,用和牛油炒飯,每粒飯都被油緊緊包住,入口圓渾煙韌,師傅炒得又有鑊氣,非常好食!

超甜士多啤梨作結!

甜品是超甜熊本士多啤梨,配甘香抹菜奶凍,滑嘟嘟的,好味到食埋朋友那杯囉!

最平$88!午市套餐

若想先小試牛刀,可以去吃午市的套餐,最平$88有和牛小排,覺得質素好,再約埋朋友晚市去豪食套餐都未遲。

和牛燒肉.純
地址:尖沙咀東部加連威老道96號希爾頓大廈1樓3號舖 (顯示地圖
電話:2723 3868
備註:1. 設加一;
2. 另有分店設於:銅鑼灣恩平道42號亨利中心15樓/電話:2807 0103(以上晚市套餐刺身則改為燒牛肉刺身)

最新吃喝玩樂資訊