【港式飲食再傳承】君蘭品牌秉承創新精神 旗下店鋪大改造！君蘭冰室EXPRESS進駐機場二號客運大樓

老字號品牌君蘭小小發展史｜全新改革：傳承創新港式味道

屹立香港逾20多年嘅君蘭餅店，一直都為提供最貼合港人口味為核心，致力將新舊飲食文化融合，並將獨一無二嘅民間美食延續長傳！堅持以香港人手製造去傳遞「港式味道」；仲特別選擇於GenZ及遊客們喜愛嘅地段開店，務求令更多人可以品嚐到擁有新元素嘅港式文化！可見品牌勇於創新及不斷求變嘅精神，努力為趕上時代嘅變遷而努力！

傳統創新兩兼備！君蘭麵包廠選址於Gen Z 熱門地區

喺2023年起，君蘭餅店品牌重塑為君蘭麵包廠先後於銅鑼灣及尖沙咀K11登場，並以全新概念店形式登場！麵包款式十分多元化，不但保留做傳統港式包點，仲研發令人驚喜滿滿滿嘅新產品，包括：「港式菠蘿牛」將香脆菠蘿包融合法式牛角包、「麻糬芝麻菠蘿包」煙靭QQ口感、日式風味滿滿嘅「抹茶紅豆菠蘿包」等。麵包造型亦十分精緻，啱晒打卡；而且口味百變，鹹甜兼備！

麵包店蛻變成茶記！君蘭冰室的誕生

講到港人最愛，當然唔少得茶記啦！君蘭冰室亦於2024年開業，打造傳統冰室、麵包店及兩餸飯，三合一嘅全新冰室，迎合市場嘅飲食需求！更定時推出創意食品，當中包括必食嘅「招牌爆芝西多士」、邪惡度爆表「菠蘿滑蛋油」等，全部都超吸引！

「快、靚、正！」君蘭冰室EXPRESS即將登場 承傳港人速食文化

品牌的創新步伐未有停下，今次更將「君蘭」精神延伸至機場，開設「君蘭冰室EXPRESS」！新店創立理念源標誌性的港人精神——快！既能擁有便利店嘅方便快捷，又同時具備茶餐廳嘅多元化選擇及人情味，讓唔同人都能體驗到香港速食文化！

另外，店內更新增咗港式手信專區，設計靈感來自於舊式報紙檔，令店舖增添一份懷舊港味；而且店舖更特別與本地藝術家合作，將更多本土文化嘅概念分享俾來自世界各地嘅旅客，希望為訪港旅客留低更深刻嘅印象！

新派創意美食率先睇！

君蘭冰室EXPRESS全日供應多款美食俾大家，為各位率先推介必試嘅「創意雪糕菠蘿包」系列！冰涼雪糕配上香脆菠蘿包，口感十足，層次感滿滿！仲有經典港式特飲黑白黃牛、烘培麵包、各款麵食，連接「港」效率餐飲文化最前線！

把握機會「嚐」盡新舊融合港式風味

立即mark低晒君蘭旗下嘅店鋪！為你改寫港式風味嘅全新滋味體驗啦～

君蘭麵包廠

銅鑼灣分店地址：銅鑼灣東角道 26 號怡東商場地下及 1 樓 6-8 號舖

尖沙咀分店地址：尖沙咀河內道 18 號 K11 購物藝術館 B2 樓 B224 號舖

大埔分店：港鐵大埔墟站 TAP 18 號舖

羅湖(入境)分店：羅湖港鐵羅湖站大樓入境大堂 2 樓 LOW K9 號舖

羅湖(出境)分店：羅湖港鐵羅湖站地下入閘區大堂 LOW 105 號舖

君蘭冰室

地址： 旺角朗豪坊 B2 樓 26-27 號舖

君蘭冰室EXPRESS

地址：香港國際機場二號客運大樓L3層3TL018及3TL159號舖

（Presented by Orchid by Padaria)