網民7大唔識欣賞名貴食物！第1名超越鮑參翅肚 被彈：成陣煤氣味

網民7大唔識欣賞名貴食物 倒數！

第7位.魚子醬：咁少邊夠食

魚子醬是由鱘科魚卵製成的醬，與松露、鵝肝並稱為「西方三大珍饈」，多產自俄羅斯和伊朗，多用在高級法國料理上。魚子醬被網友多次提名，但都沒有解釋為何不懂欣賞，留言提起劉德華於電影《門徒》中的金句：「攞走個磅」，原句是「你呢度咁少邊夠食，攞過黎！一人一罐！攞走佢呀，攞走個磅！」大概網民和戲中的劉德華身同感受，覺得小量的魚子醬如此貴，真的唔夠食。

第6位.花膠：有陣膠味

「鮑參翅肚」中的「肚」就是花膠了，是魚肚、魚鰾的製品，由大海魚的魚鰾曬乾而成。花膠含高黏性膠體蛋白和黏多糖物質，有助滋養皮膚，有養顏活血的功效，被譽為非常有益的養生食材，多用來煲湯、燉湯，或以炆扣等方法製成名貴小菜。但網民就大彈其口感及味道，覺得像吃膠一般，口感又黏稠，覺得好難頂：「花膠痴口好難頂」、「勁憎！有陣膠味又食到成口痴立立，好似俾D糖漿查滿個口咁」甚至受不了其氣味：「花膠要閉氣吞」。

第5位.鮑魚：同香口膠冇分別

大時大節總會吃到鮑魚，大概分為乾貨、鮮貨、冷凍、罐頭4種，當中以乾鮑最貴，怕因製成乾鮑之後，重量大約鮮貨的10％。另外，鮑魚越重越名貴，以「頭數」來辨別等級，即一斤有多少隻，四頭鮑即一斤4隻，三頭鮑即一斤3隻。不過網民似乎覺得最名貴的乾鮑多鬼餘：「乾鮑其實都好on x，幾十個步驟搞幾日先食得，但又唔係食隻鮑本身嘅味，搞咁多野都唔知做乜x， 搵隻鮮鮑蒸熟佢仲x好食啦！」覺得平平地蒸鮮飽更實際：「覺得蒸嗰啲cheap嘢仲好食」。有人更覺得幾頭等級也無用，口感似橡筋、香口膠：「幾頭鮑魚，食過1次，同香口膠冇分別」、「真心覺得食緊橡筋」。

第4位.鵝肝：太殘忍

鵝肝又香又滑，是高級法國菜常見菜式，在自助餐出現的話，更是必吃的「回本」菜！但不是人人都愛鵝肝的甘香味道，反而覺得很腥臭：「唔中意內臟既味」網民更生動地形容其味像「鴨屎」：「大家唔覺得鵝肝好x臭咩，鴨屎味」、「貴價鵝肝，嗰種鵝腥味真係唔識欣賞」就算有人覺得好吃，也有感鵝肝生產過程太殘忍，據聞鵝會被逼灌食，工人們會以金屬管把大量穀物、玉米和脂肪灌入鵝的胃裡，令牠們長出病態的脂肪肝，成為我們餐桌上矜貴的鵝肝。

第3位.魚翅：無味又腥

魚翅是飲宴中常見的菜式，其捕獵手法近年被環保組織、愛護動物團體所咎病，鯊魚被捕獵後，因其肉不值錢，只會被割魚鰭，再抛落海，鯊魚不會立即死亡，因失去魚鰭而不能游水而慢慢窒息而死，除了手法殘忍外，亦破壞生態。網民覺得魚翅根本無味，只得腥味：「又無味又腥」、「腥到嘔，次次食都要揀曬出黎淨係飲啲湯」食魚翅只靠高湯吊味：「魚翅=飲個高湯」．「魚翅其實只係食湯底」。

第2位.燕窩：淡茂茂無味

燕窩是燕子分泌出來的唾液，再混合其他物質所築成的巢穴，當中以金絲燕唾液的蛋白質純度和營養價值為最高。燕窩一直被譽為女士恩物，除了能滋陰調氣，更有滋養皮膚的功效。但網民覺得燕窩淡而無味：「淡茂茂無味，真係唔識欣賞」雖然有人覺得燕窩用來燉糖水幾好味：「燕窩落冰糖都幾好食，當甜品食」有人覺得其實燕窩無味：「其實整走咗啲燕窩就咁食冰糖就」、「燕窩=食D垃圾當寶 其實味道只係食緊糖水」。

第1位.黑松露：煤氣味

黑松露是眾望所歸的第一名，頻頻被網民大彈又貴又臭，不喜黑松露的網民覺得味道像極煤氣味、石油氣味：「石油氣味好關鍵」、「勁似鑊撈味」、「陣發酵極濃厚gas味真係臭到x街」有人雖然喜其香味，但新鮮黑松露又確實貴，好香但入口無味：「但係新鮮刨嗰啲就好x正！食過一碟意粉要成千銀就係即場刨，拎出黎果下係好香好衝擊嗅覺，但係食落就冇乜味」。有人覺得最重要還是醬汁：「其實個汁煮主要係用牛油煮，松露純粹係得個香味」。所謂「甲之熊掌 ，乙之砒霜」，黑松露就如榴槤、藍芝士一樣，有些人覺得好吃，有人覺得極臭，反應可以很極端。