司棋姐深夜放毒教食海膽 高潮眼試勻5種刁鑽食法 ｜飲食熱話

5種海膽食法最鍾意食邊款 少女司棋食到瞇晒眼

司棋姐在IG深夜放毒上載自己食海膽的短片，問網民「我試咗幾個海膽食法，你哋最鍾意邊款呢？留言話畀我知，又或者仲有咩其他食法提供？」

大食司棋即席試勻5種刁鑽食法：成板海膽「舀一羹就咁食」、「紫菜包」、「配飯」、「帶子海膽burger」及「襯玉子豆腐」。為食鬼上身的司棋姐食到少女心爆發，雙眼閃閃發光地以少女腔同大家講「いただきます〜我唔客氣喇！」、「食呢個我一定要瞇埋眼～」、「真係好好食！你地都要試下啊～」，完全沉醉在食海膽快樂之中，百變的可愛表情被網民大讚「美食配美人」、「好想畀司棋食落肚」！

1.舀一羹就咁食

司棋姐深夜放毒教食海膽，成板海膽啪落肚前都不忘用少女腔同大家講「いただきます〜我唔客氣喇！」

2.紫菜包

司棋式海膽第二種食法就是用紫菜包住海膽。

3.配飯

大食司棋用海膽配飯，更窩心地將飯做成心型，食完只係得一句評語：真係好味！

4.帶子海膽burger

食到原粒帶子刺身加海膽的「帶子海膽Burger」，司棋姐直頭要望住粒帶子海膽，露出含羞答答的幸福笑容。

5.襯玉子豆腐

司棋姐第一次以玉子豆腐配海膽的食法，好食到要用少女聲推介：「真係好好食，你一定要試下吖～」