即食麵配咩餸？連登「完美組合」＋蛋白／蛋黃分加＋最正煮法｜飲食熱話

Dec 2 2022

香港人講求效率，公仔麵快靚正，絕對是大家的主食之一。近來連登討論區就有師兄發問：「公仔麵要配咩餸？」立即引來各大網民發表意見，煎蛋和午餐肉大比數勝出，更有人分享煮公仔麵心得，包括午餐肉究竟薄切定厚切好？營多點煮先最好食？另外還有什麼新奇食法？更有一味配菜惹來大批負評，究竟是什麼呢？

第一名：煎蛋，最多人鍾意！

快靚正的公仔麵絕對稱得上是香港人的主食之一，時不時都吃，食法自然多花樣，各有心得，登討論區就有師兄發問：「公仔麵要配咩餸？」樓主開宗明義，自己最喜愛「辛辣麵 +煎蛋+芝士腸 +芝士，仲要有可樂」縱觀多個留言，煎蛋似乎是鐵膽，是公仔麵的No.1 配菜：「燶邊蛋一定係膽，不論辣唔辣湯定撈」、「午餐肉、孖脆邊蛋、加罐可樂，已經十分完美」無論是什麼配搭，都少不了煎蛋：「回鍋肉/五香肉丁 + 太陽蛋」、「辛辣麵肥牛煎蛋」或是不同形態的蛋，如流心蛋：「非油炸辛拉麵+泡菜+芝士+流心蛋+雪櫃事但一個配料例如蝦仁/魚蛋」

不過最講究的﹐莫過於有人將蛋白和蛋黃分開煮，好講究：「韓國薯仔麵 +蛋白 (煮到最後半分鐘打散做蛋花) + 生蛋黃 (煮完上碟先放喺面)」。

即食麵煎蛋和午餐肉是最多人提起的公仔麵配菜。 — 煎蛋和午餐肉是最多人提起的公仔麵配菜。（圖片來源：新假期編輯部）

即食麵樓主話加埋可樂就最正！ — 樓主話加埋可樂就最正！（圖片來源：unsplash@shche team）

即食麵煎蛋是鐵膽，無論是什麼配搭都少不了煎蛋。 — 煎蛋是鐵膽，無論是什麼配搭都少不了煎蛋。（圖片來源：新假期編輯部）

即食麵樓主心目中的最佳配搭。 — 樓主心目中的最佳配搭。（圖片來源：連登討論區）

第二名：午餐肉，薄切vs厚切

第二名則是午餐肉，煎蛋和午餐肉是大家心目中的絕配：「煎午餐肉，煎荷包蛋」、「餐蛋麵加葱粒」、「日版出前一丁配厚煎午餐肉+芝士」更引來網民發出靈魂一問：「大家鍾意煎午餐係厚切定薄切？」有人力撐薄切才夠香脆：「煎到佢好x薄變脆餅」厚切有時會有點膩：「見有啲人係會禁x實佢黎煎變脆餅咁，厚切食到一半好膩」更有人覺得煎到肉乾般先最正：「薄啦，煎到肉乾咁，正到癲」而且厚切會太鹹：「厚好x鹹，薄又可以煎脆啲」覺得最佳厚度是5－8mm：「5～8mm左右煎脆配隻燶邊流心蛋」。

不過都有人覺得厚切才夠啖啖肉：「好憎(薄切)，好無口感，配麵應該一啖麵一啖肉咁」亦有人分享終極食法：「厚切午餐肉唔落油煎，等佢出油變色就啱啱好；燶邊太陽蛋，食之前整穿佢等啲蛋黃MIX埋啲麵一齊食」。

即食麵午餐像榮登公仔麵最佳配菜NO.2。 — 午餐像榮登公仔麵最佳配菜NO.2。（圖片來源：新假期編輯部）

即食麵網民發出靈魂一問：「大家鍾意煎午餐係厚切定簿切？」 — 網民發出靈魂一問：「大家鍾意煎午餐肉係厚切定薄切？」（圖片來源：新假期編輯部）

即食麵有人喜歡簿切脆卜卜，有人喜歡厚切啖啖肉。 — 有人喜歡簿切脆卜卜，有人喜歡厚切啖啖肉。（圖片來源：連登討論區）

第三名：沙嗲牛肉，仲有咩新奇食法？

第三個最多人提及的配菜就是沙嗲牛肉：「沙爹牛肉加隻蛋」、「沙牛世一」、「沙嗲牛/五香肉丁」除了沙爹牛肉，還有很多不同的配搭，你又試過未呢？包括有「辣雞麵+五花腩，煎完五花腩迫出嚟啲油攞嚟撈麵」更有人非常識食，好花心機煮：「公仔麵識食一定咁食，叉燒韭黃韭菜豆芽香葱，熱鑊滾油快炒，比小小豉油糖鹽雞粉老抽吊味，上碟再撒少少芝麻」當中亦有不少新奇配搭：「不倒翁辣麵配納豆」、「辛辣麵緊係加花生醬啦」、「豆豉鯪魚」。

當中更有一味配菜連連惹來負評，就是三色豆啦！「燶邊蛋、餐肉、腸仔、沙牛，再加啲三色豆」、「第一次見人公仔麵會落三色豆」、「三色豆，真係好X難食」、「其他係咩我唔知，見到三色豆負評左先」，「三色豆，真係好X難食」。

營多麵多人讚，點煮先最正？

大家除了討論配菜外，更談及什麼公仔麵最好吃，當中營多麵的呼聲最高：「我覺得營多算係最完整既即食麵，即係唔另外加任何野都已經好好食，出前一丁/辛辣唔加餸食落會太寡，營多本身就夠油香，包蒜又叫做有少少口感」更紛紛分享最正的煮法：「營多+燶邊煎雙蛋+午餐肉+加多兩滴麻油」、「認真，加花生醬，仲要粗粒」煮完炒多幾下更正：「淥完個營多要炒下」．「炒炒佢等少少乾身正」或煮放煲中以餘溫烘乾：「我好懶，通常倒水後由佢喺個煲入面，等個煲嘅餘溫烘到佢乾身啲，同時可以得閒拋下啲麵，等水份蒸發快啲。」嗯，看來大家都好識食，食公仔麵也可以很講究。