南記 魚肉春卷 荃灣 南記下午茶優惠!$10蚊碗招牌魚肉春卷河連飲品+即睇優惠詳情|荃灣美食
南記 魚肉春卷 荃灣 南記下午茶優惠!$10蚊碗招牌魚肉春卷河連飲品+即睇優惠詳情|荃灣美食

南記下午茶優惠!$10蚊碗招牌魚肉春卷河連飲品+即睇優惠詳情|荃灣美食

飲食

廣告

以魚肉春卷為名物的南記,今次為慶祝新店開業,推出超值下午茶餐優惠,$10蚊就可以歎到一碗招牌河連一杯細豆漿或汽水,即睇優惠詳情,大家唔好同我爭啊!

撰文:素岐|圖片:南記粉麵

南記$10招牌魚肉春卷河

如果你是南記fans,就會知道南記出名食魚肉春卷粉麵及酸辣米線,今次荃灣街坊有口福!為慶祝荃灣新店開業,推出10蚊下午茶優惠。只要在10月29日至31日(星期一至星期三),每日3:30pm–5:30pm親臨荃灣新店,就可以用$10購買招牌河連細豆漿或汽水一杯。

南記$10招牌河

*只限荃灣分店
荃灣分店地址:荃灣千色匯1期1樓1040-1041號舖
電話:3619 0878

南記外賣火鍋包 湯底逐個睇

雖然南記出名食魚肉春卷粉麵及酸辣米線,但唔少Fans都知,其實他們有個Hidden Menu,就是可以外賣自取的火鍋湯底及配料包,一套有齊湯底、肥牛、生菜、招牌春卷和其他丸類,可以買返屋企慢慢歎,今次繼續推出豬骨清湯底、番茄及麻辣3款湯底,又係時候約朋友打邊爐啦。

南記外賣火鍋包分2-3人份及4-6人份兩種,配料一樣,只是4-6人的份量會是2-3人份的雙倍。每份均是兩碗湯底,足夠盛滿一個火鍋煲,火鍋配料則另設一袋。

今次推介2款番茄及麻辣湯底,湯底送到時仍然是溫熱狀態,稍為加熱就可以立刻開動打邊爐。

酸甜番茄湯

這款番茄湯底以新鮮番茄熬製,味道酸酸甜甜,帶有濃郁的番茄及茄膏香,伴有日本油揚腐皮及番茄肉。

惹味麻辣湯

另一款新湯底是麻辣湯,其實就是南記粉麵平常慣用的麻辣米線湯底,撲鼻有花椒香氣,食落微麻香辣,更有小量肉碎。

火鍋配料逐樣數

除了湯底,南記外賣火鍋包還包括幾款配料,款式也是與以往的外賣火鍋包一樣。記者今次就叫了個2-3人份的火鍋包,即刻數畀你睇,睇下夠唔夠食先。

肥牛

火鍋最重要的當然是肥牛,南記外賣火鍋包一樣有。2-3人份為12oz的肥牛,目測大約10-12大片,中間還可以一分為二,變相就有廿多塊了,肥瘦適中,牛肉味尚可,食落也不算韌。

招牌魚肉春卷

提及南記,就一定想起招牌的魚肉春卷,火鍋包裡面就有9條,足夠Fans回味。魚肉春卷用腐皮包著魚肉,在香港工場新鮮製造。食落鬆化不硬實,內裡的魚肉軟滑鮮甜,鹹香惹味。

西生菜

南記外賣火鍋包還附送一袋西生菜,全部已經撕成塊狀,菜葉上不覺有泥和污垢,似已經處理及清洗過,連洗菜的步驟都可以慳番。

豬肉白菜餃、魚皮餃

想飽肚一點,火鍋包內也有兩款餃類,包括豬肉白菜餃及魚皮餃,前者皮薄餡多,調味剛好;魚皮餃的外皮煙韌,肉餡油潤鹹鮮。

牛丸、貢丸、墨魚丸、魚片

最後還有數款丸類,都是南記的自家出品。牛丸爽彈結實,食得出牛味,不過就稍為細粒;墨魚丸頗彈牙;魚片夠軟熟無腥味,貢丸食到冬菇粒,味道一般。

Uber Eats直送上門

現時不但可以在南記粉麵20間分店購買南記外賣火鍋包,Uber Eats更有獨家提供火鍋包外送服務,現時凡於分店或 Uber Eats 平台購買番茄及麻辣湯底火鍋包,還免費送招牌河一碗,優惠去到11月30日!

不過,Uber Eats只能搜索手機所在地附近周邊的餐廳,無法跨區送貨,所以除非附近有南記,否則就無法用到這個外送服務,想食都要直接到分店買。而且Uber Eats每次訂單也會收取約$20的送餐費,光顧前記得要留意。

南記外賣火鍋包
銷售點:全線南記粉麵分店(須自取)、UberEATS外送服務
價錢:

  • 清湯底:$158/2-3人份、$288/4-6人份
  • 麻辣湯底:$175/2-3人份、$308/4-6人份
  • 番茄湯底:$189/2-3人份、$318/4-6人份

備註:Uber Eats 南記外賣火鍋包送餐服務不設跨區送貨,每次會收取約$20次送餐費

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..