車輪餅店賣 千層蛋糕 ！阿華田＋好立克口味 20層超大件~仲有Nutella和抹茶｜美孚食乜好

記者：Joan 攝影：Tommy

&feature=youtu.be

車輪餅小店

千層蛋糕 4款口味

小店賣車輪餅非常受歡迎，推出千層蛋糕原來只是無心插柳。個多月前，店主上網自學做 Nutella 千層蛋糕，只為送給媽媽作母親節禮物，多手把照片放上專頁，又有人問價，便開始試賣。車輪餅每日供應4款口味，千層蛋糕每日則賣一款味道，除 Nutella 外，還增添了阿華田、特濃好立克和丸久小山園抹茶口味。蛋糕共有20層，吃落忌廉輕盈，Crepe 皮煎得略厚，薄身一點口感會更軟熟，size 大件，記住要同朋友Share！提提你，蛋糕現貨只供應件裝，9吋whole cake 須提早預訂。

蛋糕用料講究，以日本麵粉、泰國大蛋、澳洲牛奶和紐西蘭牛油製作，煎好後放涼備用，淡忌廉打起後加入相應口味的配料（日本小山園抹茶粉、阿華田粉、特濃好立克粉或 Nutella 朱古力醬），一層 Crepe皮、一層忌廉放入9吋模內，疊足20層，把忌廉抹平後，連垂直外圍也塗滿忌廉！雪凍一日後脫模切件，最多放兩日就要吃掉。

同步推出 4款新品

1. 班戟 $15/件

千層蛋糕賣三十多元，店主怕有學生負擔不來，便以Crepe皮和忌廉包成班戟，價錢亦相對便宜。

2. $10/4球、$6/2球雪糕

夏天當然要吃雪糕！來貨雪糕有曲奇、香蕉、豆腐和椰子口味，$10/4球，價錢平還附送Oreo、香蕉片和棉花糖等 Toppings，很抵食。

3.麻糬雪糕球 $6/個

自家製麻糬皮，Q彈煙韌，即叫即包冰凍雪糕。曲奇雪糕會加Oreo、香蕉雪糕會加香蕉片，另外還有椰子雪糕和豆腐雪糕選擇。

4. 自家煲製飲品$8/支

有山楂烏梅、薏米汁和鮮打粟米汁，日日新鮮煲製，只落少少糖。

車輪餅小姐

地址：美孚新邨吉利徑19號50B7號舖（顯示地圖）
電話：6687 1093 / 9079 6687（只限Whatsapp）
營業時間：11am-10pm （星期一休息）

備註：設原個千層蛋糕，須提早最少三日預訂，並需先付款（現金或過數）。切件每日供應口味會於Fb專頁或Ig專頁公布。

延伸閱讀：