荃灣加藤屋結業 親民牛丼專門店 網民惶恐「係咪全線結業？」附官方回應
廣告
加藤屋Katoya喺香港開業8年，致力為香港人製作唔使去日本都食到嘅好味牛丼飯，價錢平得嚟都不失水準。但是，有網民發現加藤屋荃灣店門外突然張貼了結業通知，指荃灣店將於2024年2月25日結業，震驚一眾食客！
荃灣加藤屋公告：初衷係想開一間香港人嘅牛丼店
荃灣店位於路德圍8及12號啟志樓地下1號舖，一直以嚟都係街坊們的便宜之選，而在他們的結業公告中，提到係疫情同其他打擊下，佢地終究都係頂唔住了，宣布將於2月25日結業。網民們都表示難以置信，有人亦擔心加藤屋是否全線結業，但店家指暫時只有荃灣店有此安排，大家不用太擔心！
大份抵食之選！麻辣牛肉飯+和風咖喱豬扒飯
加藤屋最知名就莫過於佢哋嘅牛丼飯，店家更為迎合香港人的口味調配出各種料理，如麻辣牛肉飯，係秘制牛肉汁入面加入花椒，食落就好似麻辣湯底咁，辣味有層次！
和風咖哩飯都係另一招牌作！店家指佢哋花費最多時間就係研發呢款咖哩，務求要令咖喱做到甜中帶辣！網民都亦話，和風咖哩飯系列夠抵食，係糧尾救救錢包的實惠之選！
- 餐廳：加藤屋Katoya荃灣分店
- 地址：荃灣路德圍8及12號啟志樓地下1號舖
- 電話：5295 4135
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：Facebook@加藤屋Katoya
