刨冰7大新口味!愈凍愈要食!|邪惡飲食地圖|

2016年,仲係keep住十幾二十度,完全感覺唔到冬天嘅來臨!這個冬天不夠冷,不如食碗刨冰,重拾冬天嘅感覺。而且各路奇「冰」仲有大把新口味,依家仲同你逐款介紹返!

1. 紅桑苺朱古力撻味刨冰

平時食朱古力刨冰,覺得味道太濃太膩,可以試下呢款紅桑苺朱古力撻味刨冰。氷屋這款刨冰除咗有朱古力醬,仲加入紅桑苺同紅桑苺醬,食落酸酸甜甜,而冰粒刨得好幼細,令紅桑苺同朱古力味道更突出。刨冰入面藏有曲奇脆,令刨冰口感大增!

2. 日式豆腐味刨冰

氷屋亦有白雪雪的豆腐味刨冰。雖然個樣普普通通,但刨冰用料十足,加入咗日本豆腐研磨,再灑滿荳粉、豆腐醬,入面更加入豆腐雪糕。用料眾多但食落唔會太甜,黃豆味超香!

SHARISHARIKakigoriHouse氷屋
地址:銅鑼灣希雲街14號地舖(顯示地圖
營業時間:星期一至四和日:1pm-11pm;星期五至六:1pm-12am
電話:2529 1223

3. 宇治抹茶刨冰

Via Tokyo主打抹茶甜品,今次推出宇治抹茶刨冰!刨冰嘅冰粒做得好幼細,能夠入口即溶。刨冰面上有香濃宇治抹茶醬,回甘味十足,抹茶控肯定立刻愛上!刨冰底仲有紅豆,紅豆嘅甜味平衡返抹茶嘅苦澀味,呢個配搭冇得輸!

4. 焙茶刨冰

除咗宇治抹茶味,Via Tokyo仲推出培茶口味刨冰。雖然賣相一d都唔討好,但千其唔好畀佢略醜嘅外表呃到!佢焙茶味清甜而不膩,裡面同宇治抹茶刨冰一樣都有紅豆,令層次更豐富。

我哋BloggerPoortravellers窮遊都去試咗!「呢個沙冰係可以做到好軟綿,食落口完全係冰粒咁入口即化,焙茶味香濃,同冰一齊溶係口入面,茶味係口入面散發,綿滑清香,完全唔會覺得膩。中間有紅豆,為呢個沙冰加多層味道。」

Via Tokyo
地址:尖沙咀金馬倫道29號A地舖(顯示地圖
營業時間:星期日至四: 12nm-11pm ;星期五及六: 12nm-11:30pm
電話:2385 6388

5. Tiramisu雪奶

Nun嘅韓式雪奶,即係用奶做嘅刨冰,今次新出咗Tiramisu口味。刨冰上不單止有Cream同朱古力條,仲有Tiramisu粉同Tiramisu蛋糕,令你好似同時食緊兩款甜品咁。不過呢款刨冰質感比較硬,同大粒。Tiramisu蛋糕咖啡味香濃,唔會蓋過酒味,如果蛋糕嘅份量可以多D就好喇!

6. Oreo雪奶

鍾意Oreo嘅你一定要試呢個Oreo雪奶,冰上佈滿Oreo粉之外,仲有好多塊Oreo餅乾係旁邊!刨冰上配朱古力醬,雖然食落會比較甜,但撈埋曲奇雪糕食中和返,味道都唔錯。

Nun
地址︰旺角通菜街119號地鋪(顯示地圖
營業時間︰2pm-2am
查詢電話︰2390 43118

7. 紫薯雪花冰

紫薯熱潮停不了,連刨冰都出埋!賣相好靚好吸引。刨冰佈滿紫薯粉,更配有紫薯蓉和藍莓,紫薯味濃郁,好似食緊紫薯咁,食到中間仲有煙韌既迷你糯米糍及脆口杏仁片,口感超級豐富!HKFOODIEXBLOGGER亦有試食!

新推出既紫薯雪花冰($80) 紫薯蓉味道香濃天然但稍稍過甜 冰面層灑滿紫薯粉 內裡係入口即溶既牛奶雪花冰 奶味雖不算濃但都幾香 年糕頗煙韌 但若要我選擇店內我最喜歡既雪花冰我會選擇黃豆粉 評分: 7.5/10 韓冰 銅鑼灣時代廣場9 square 1005B號鋪
hkfoodiexblogger(@hkfoodiexblogger)張貼的相片 於 張貼

新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!

最新吃喝玩樂資訊