別府拉麵全線結業！屹立28年香港首間九州拉麵專門店不敵結業潮
廣告
別府拉麵全線結業！結業潮繼續擴張，喺香港屹立28年嘅別府駅前料理係前幾日宣布因租約期滿結業。當年別府駅前料理因引入九州拉麵而名聲大噪，其後亦不斷推出各款辛辣拉麵和食辣比賽，係港人心目中都有一定嘅回憶份量，只可惜之後就要後會有期了。
香港首創辣味噌拉麵已成絕響，餐廳：感謝大家多年陪伴
香港人好鍾意食拉麵，但早在九十年代時，在九州拉麵同辛辣拉麵於香港還未曾普及時，將佢哋帶入香港人心入面嘅，就係別府駅前料理。可惜，餐廳在3月14日，於社交平台上公布，最後一間位於青衣的分店都將於3月24日10時後結束營業，並感謝一眾顧客28年來的陪伴。網民都懷緬當年，指「以前細個成日去食血池地獄拉麵，真係好過癮架」。
九州地獄拉麵專門店！港人童年回憶
別府駅前料理亦叫別府九州地獄拉麵專門店，當年以各款新穎味道的拉麵和活動打入市場，如在2018年推出的香港第一碗辣味噌拉麵，和10分鐘勁辣挑戰賽等等。在最輝煌的時間，別府在香港多區，如銅鑼灣、荃灣、屯門、元朗和九龍灣都有分店，但慢慢只剩下青衣一間店舖。
- 餐廳：別府駅前料理
- 地址：青衣青敬路31-33號青衣城1 3樓301A號舖（3月24日晚結業）
- 電話：3912 9748
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：Facebook @別府九州地獄拉麵專門店 Beppu Ramen
