公司電飯煲
公司電飯煲

網民大談公司同事電飯煲奇聞:冇啦啦攞包米出嚟!最誇張係整呢啲

飲食熱話

廣告

打工仔一星期返起碼返5日工,待在公司的時間分分鐘多過待在家,令公司充滿生活感,方便自己,非常之咁正常!但帶米返公司煮是否有點誇張呢?曾經就有網民在討論區分享公司奇聞,突然看到旁邊同事淘出一包米,然後放電飯煲煮飯,坦言被同事的慳家舉動嚇親:「我重(從)來冇諗過會有同事喺office到煮飯」網民紛紛留言,想不到樓主所經歷的只是「碎料」!

公司電飯煲奇聞:冇諗過會有同事喺office到煮飯

職場新鮮事層出不窮,有網民在Dcard討論局分享同事的帶「飯」奇聞,見證公司同事由生米煮成熟飯的過程,令人目瞪口呆,標題為「姨姨同事帶個電飯煲翻嚟煲飯」,發文:「呢個星期翻新工,琴日見到隔離位個同事中午放飯之前,冇啦啦攞包米出嚟,倒啲落個電飯煲,再開制煮。我重(從)來冇諗過會有同事喺office到煮飯。」

帖文立即引來各大打工仔留言關注,似乎見怪不怪,市面上有迷你版電話煲,帶返公司都好尋常:「好似有mini 版嘅飯煲,蒸米嗰啲,不過都只係聽過未見過,好似話健康啲?」甚至有人懷疑文中事主是自己同事:「識人抽獎抽到嗰迷你飯煲,就開始起公司煲飯。唔通就係佢???」

公司電飯煲
市門上有不同品牌的迷你電飯煲。(圖片來源:HKTVmall截圖)
公司電飯煲
迷你電飯煲小巧輕便,帶返公司都唔出奇。(圖片來源:HKTVmall截圖)
公司電飯煲
有網民在Dcard討論局分享同事的帶「飯」奇聞,標題為「姨姨同事帶個電飯煲翻嚟煲飯」。(圖片來源:Dcard討論區截圖)

再誇張都仲有!自製珍珠奶茶及Cocktail

原來對於一班姨姨級的同事來說,在公司煮飯絕對是尋常事,還要開心share,嚴如開大食會般:「佢地一班姨姨原本就好frd,煮好飯之後每人拎一個當日朝早煮嘅餸出黎,變到好似食大餐咁,又新鮮又省錢又豐富」。更有不少人分享在公司烹飪的經驗,「其實我有諗過煮飯,買咗電加熱飯盒同迷你加熱煲仔,lunch淨係淥過米線同蕃薯黎食,煮飯好似好誇張未敢試。」、「我媽有個煲仔煮公仔麵」、「之後中學有老師中午會買餃子同麵lunchtime係pantry煮」。

帖文拋磚引玉,引來網友分享更誇張的事:「老細唔出聲就冇問題,再誇張嘅我公司都有。」包括煮菜、煮麵,甚至自製珍珠奶茶及cocktail:「我公司啲同事會煮菜煮麵,朋友啲同事就會煮珍珠奶茶/整cocktail,都不遑多讓。」甚至打邊爐:「同事煲飯煮麵煮菜打邊爐都見過」。這樣上班好開心喎,似乎增加了大家返公司的動力!難怪網友都話:「令辦公室有生活感都唔錯呀」。

公司電飯煲
係公司都可以打邊爐?好瘋狂,但好正呀!(圖片來源:新假期編輯部)
公司電飯煲
在公司自製Cocktail?同事好chill吓喎!邊間公司呀?大家應該會爭住應徵。(圖片來源:新假期編輯部)
公司電飯煲
連珍珠奶茶都可以自製,Tea Time一定好開心!(圖片來源:HKTVmall截圖)
公司電飯煲
朋友啲同事真係好出色,好有才華。(圖片來源:Dcard討論區截圖)
公司電飯煲
會唔會食到唔捨得放工?(圖片來源:Dcard討論區截圖)

圖片來源:Dcard討論區、HKTVmall、新假期編輯部