食客為兩餸飯認真寫食評被連登仔斥「西客」！網民：40蚊就唔可以有要求？
廣告
兩餸飯價錢便宜又多選擇，是不少打工仔的救星，但是否便宜就不能有要求？日前有網民在Facebook兩餸飯群組出post，為一家兩餸飯寫食評，卻被連登網民cap圖，指食客「40蚊食兩餸飯喺度多多要求挑剔」，引起網民討論。
網民為兩餸飯寫食評指感到失望
該網民在Facebook出post，指自己已不是首次幫襯這家兩餸飯，之前一直都覺得食店不錯，但近日幫襯時發現食店「加價減量」，由原本的$37三餸加至$40，但份量就少了很多，而且指出「蒜心硬」、「生炒骨肉少骨多不脆口」、「椒鹽豬扒細件而且味道變差」、「飯湯不熱」等的食評，表示非常失望。
連登仔斥「40蚊喺度多多要求挑剔」是西客
不久就有連登網民把該貼文轉貼到連登討論區，並以「40蚊食兩餸飯喺度多多要求挑剔，香港人真係多西客」為題，斥該食客「40蚊食碟飯多多要求，仲有上網開人名寫衰人」，指他
40蚊，又要肉頭大件，又要量多爆碟，又要熱，又要煮到酒樓咁好食
多多要求挑剔有無諗過自己付出幾多錢？40蚊咋，m記一個餐都40幾蚊啦
連登仔斥責樓主是「西客」，更指該兩餸飯群組都都由「西客」組成，「對食物多多要求但只想付出最小」對食物多多要求但只想付出最少。
引網民熱議：40蚊就唔可以有要求？
貼文一出即引來網民熱議，有網民撐出post食客「你有要求，佢哋先會有要求」，因此出食評並無不可，更指「飯唔熱抵X啦，40蚊唔係錢？」，又指「40蚊就唔可以有要求？」、「飯要熱都叫西客？」；不過也有網民同意連登仔意見，認為「想食好嘢又多量咪加多$30食自助餐囉」、「幾十蚊想食人隻車 ，三餸飯飽肚咪算」；不過也有網民指「咁認真咁食評碟三餸飯有啲尷尬」。大家又有什麼看法？
資料來源：連登討論區
圖片來源：連登討論區、新假期編輯部、FACEBOOK@香港兩餸飯關注組
