光榮冰室開光榮燒臘店！誓向燒鵝大佬挑機 主攻自家製燒味：燒鵝髀飯＋脆皮燒腩＋明爐叉燒 新張優惠9折送例湯｜區區搵食
廣告
光榮冰室踩過界開光榮燒味舖！光榮冰室以大件夾抵食的三眼仔豬扒飯及煲仔飯打響名堂，今次竟然在深井總店旁邊開設新分店，名為「深井光榮燒臘」，除了有即切原隻燒味外，更有燒味雙拼、乳豬飯、燒鵝髀飯等。新張優惠指定款式仲有低至9折及送例湯！
撰文：艾菲｜圖片來源：光榮冰室、Facebook＠Kay Lo
光榮冰室深井開光榮燒臘店 誓向深井燒鵝兩大勢力挑機
光榮冰室分店佈滿港九新界，不論碟頭飯還是最受歡迎的煲仔飯都大件夾抵食，深得市民喜愛！最近光榮冰室於Facebook官方專頁發出帖文，宣布殺入燒味界，在光榮冰室深井總店鄰近開燒味店，名為「深井光榮燒臘」。帖文指出，光榮冰室的叉燒銷售量日益增加，故開「深井光榮燒臘」提供更多燒臘給予食客。
消息一出，不少食客驚訝，原來光榮冰室的燒味一直都是自家製，其中叉燒意粉、滑蛋叉燒飯都是皇牌產品，怪不得讓老闆萌生開燒味店的念頭！香港人都知，深井燒鵝紅到國際，以往不少遊客都會專程入來食燒鵝，當中裕記及陳記更是兩大地頭，今次光榮燒臘要在深井立足，能否成功就要看其實力了！
自家工場製作燒臘：乳豬＋脆皮燒腩
指定款式新張優惠9折
深井光榮燒臘設有燒臘及燒味單雙拼飯或粉麵，款式超過20款！例如金牌乳豬、燒鵝、玫瑰豉油雞、脆皮燒腩、明爐叉燒等，燒臘可以選擇原隻或半隻，價錢最平$42；燒味飯除有簡單單雙拼飯，也有四寶飯，更有芋頭砵仔蒸鵝飯、乳豬拼飯等特色飯。款款都是即叫即切，甚至早一個鐘頭預訂會即燒！新鮮熱辣，買回家後仍然脆口暖笠笠！
現時新張期間，堂食及外賣均附送例湯，而明爐叉燒及燒腩仔更可以$68一斤的優惠價購買，優惠只做到11月尾，把握機會去食啦！
表面燒得香脆，燒腩脂肪比例剛剛好！（圖片來源：Facebook＠Kay Lo）
打開聞到陣陣的叉燒甜香，入口軟腍。（圖片來源：Facebook＠Kay Lo）
網民反應參半：大力支持 但質素要改善
光榮冰室的Facebook帖文引來接近5,000個讚好、留言及分享，有不少人身體力行買來支持，並稱讚叉燒、燒腩仔品質好！不過也有網民指出掛在舖位的燒鵝火喉過盛，減抵食慾；也有不少網民希望光榮冰室改善食物品質及員工態度，從而讓網民繼續支持！部分網民建議深井光榮燒臘跟隨冰室餐牌風格，例如三眼仔豬扒飯等，發起為燒臘改菜名，相當有趣！
餐牌：
- 餐廳：深井光榮燒臘
- 地址：深井村54號地下（顯示地圖）
- 電話：從缺
- 營業時間：星期一至日11am-9pm
- Facebook專頁：光榮飲食 Kwong Wing Catering
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
