港島插旗！人龍滷味店~「 元朗鬼巴士 」銅鑼灣都食到！12款滷味＋羅漢果豉油好好食！
廣告
「元朗鬼巴士」專賣涼拌滷味，是元朗街坊至愛的人龍宵夜滷水小店，有爽口生腸、牛柏葉、豬頭肉等12款滷味，配上自家製的羅漢果豉油和黑麻油，食過返尋味！繼早前於荃灣和屯門開了分店後，最近亦於銅鑼灣插旗！港島居民不用過海都食到了，即睇地址和老闆親自解釋「鬼巴士」典故！
撰文：Joan 攝影：Tommy
元朗鬼巴士 港島開分店
鬼巴士元朗店晚晚排長龍（總店直擊），店主陳慶航又曾於多部電影任臨記，好多人認得。繼早前在荃灣和屯門開店後，最新分店竟出現在港島區，在銅鑼灣就食到！雖然不是由元朗店店主主理，但所有滷味均由他入貨及於工場處理，確保和元朗店一樣好味。
有咩食？12款滷味：必食生腸 牛柏葉
銅鑼灣店滷味有12款，開業初期可每串散叫，識食的一定點雜錦，可吃盡所有滷味。陳老闆說招牌是生腸和柏葉，生腸洗得乾淨，腸皮煙韌冇內臟味；牛柏葉爽脆，配上黑麻油和秘製羅漢果豉油，拌勻後入口帶甜甜果香，滿足！而陳老闆亦說若把滷味和黑麻油雪過夜，第2日再加入羅漢果豉油，會更好吃！
元朗鬼巴士（銅鑼灣店）
地址：銅鑼灣謝斐道508號聯成商業中心地下3B號舖（顯示地圖）
電話：從缺
營業時間：星期一至日12pm-11:30pm
備註：葵廣分店亦即將開幕。
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
