佐敦
佐敦

|抵食餐廳錄|$188海鮮粥底邊爐!佐敦8大高CP值餐廳(下)

飲食

廣告

大家都說,香港的物價愈來愈高,出街食餐飯,動輒二、三百元,有時遇到沒良心、沒質素的劣食,吃到成枱一肚氣!抵食的餐廳已經沒有了嗎?當然不是。今期我們搜羅了佐敦8間中西日韓菜,性價比較高餐廳,價錢絕不是最平,但就是物有(超)所值,也是我們的拍心口推介!版面有限,當中肯定有不少漏網之魚,如你也有心水選發現,可上「新假期飲食邪惡情報」fb 專頁分享下嗎?

傳統客家人飯堂★醉瓊樓飯店

在香港,傳統客家菜館已買少見少,要吃有水準的,更是難上加難。醉瓊樓,一個以前很熟識的名字。坐落佐敦小街一角,幾乎也被世人遺忘。客家菜做得傳統出色,價錢又十分街坊。要數店內招牌菜,必屬梅菜扣肉和鹽焗雞!梅菜扣肉做到入口溶化,送飯簡直一流!鹽焗雞鹹香十足,亦算有雞味!還有蒸魚和骨髓燜三鮮同屬必點菜式。菜式份量大,是油尖旺一大棚人開餐的好地方。

地址:佐敦西貢街7號地下(顯示地圖
電話:2384 2423
營業時間:11am-11pm
平均消費:$120
備註:設加一,收信用卡

鬼馬百變串燒★川燒

串燒可說是夜鬼至愛,位於佐敦的川燒,自創了不少新式串燒如墨魚八爪魚棒、黑松露燒腐皮溫泉玉子、日本黑豚露筍卷等,就連串燒煲仔飯都有, 真係估你唔到。部分醬料更是大廚自家調配,不似得平時食什麼串燒都係同一種味,款款食落都有驚喜!不夠喉的話,可食埋蜂蜜燒鳳梨和近排勁hit 的法式燒棉花糖朱古力厚多士,吃甜品也不用轉場!

地址:佐敦渡船角文英街17號地下(顯示地圖
電話:2311 1230
營業時間:5pm-2:30am
平均消費:$150
備註:設加一,收信用卡

$188良心粥底邊爐★聚滿坊粥底火鍋私房菜

早前因為歐錦棠一個fb post 而紅起的火鍋店,單憑「頂級過分良心食店」同「呢間店先有資格攞米芝蓮」兩句說話已經引起網上極大迴響!仔細睇佢menu,又真係好把炮!包括了花蟹、鮑魚、瀨尿蝦、大蝦、蜆、鯧魚等海鮮,仲有火鍋必備肥牛、丸類等,海鮮仲要日日新鮮由香港仔運到,上枱時仲識生猛跳跳紮,超新鮮,份量一點也不少,抵食到小記都不禁心諗,其實真係有錢賺?打完邊爐仲可以用粥底把湯煮成粥,人頭費每位都係$188,超值!

地址:佐敦文蔚街44號地舖(顯示地圖
電話:2388 2848
營業時間:6pm-12mn
平均消費:$188/位
備註:不設加一,只收現金;須預訂,兩位起,夠三十人可包場

私房粥底海鮮火鍋★靚粥工房

除了聚滿坊,佐敦另一小店也是以粥底火鍋聞名,聞說想食,要一兩個月訂位!粥底以大地魚加皮蛋熬成,十多款火鍋料中海鮮約佔八成,另配雞件、菇菌類和油炸鬼等。海鮮全是街市即日鮮,種類全由店主當日發辦,通常會有魚、蝦、蟹及扇貝、鮑魚仔等,簡直就是海鮮大會! 食完海鮮,剩下來是吸收了各類海鮮精華的濃稠粥底,不用說都知鮮味十足。$190/ 位,屋企自己買料都唔止。

地址:佐敦上海街24號1A號舖(顯示地圖
電話:5412 6500
供應時間:星期一至六6pm-4am
收費:$190
備註:4位起,須預訂;不設加一,只收現金

 

延伸閱讀:

|抵食餐廳錄|邪惡拉芝豬肋骨!佐敦8大高CP值餐廳(上)

【抵食餐廳錄】 $20有找Tapas!尖沙咀9大中西日韓菜(下)

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..