佐敦大食代美食廣場手工意粉爆紅！$88包前菜＋意粉＋甜品

相關文章：深水埗西九龍中心手工意粉店Italian Bite爆紅！意籍廚主理$68手工意粉

佐敦大食代美食廣場手工意粉「Italian Corner」爆紅！

佐敦恆豐中心地庫大食代美食廣場新開一間手工意粉小店「Italian Corner」，由外籍主廚主理，主打親民價手工意粉，最平$58就食到！小店標榜每日新鮮即造的手工意粉，提供7款自家手工鮮製意大利粉，包括常見的威尼斯粗麵（Bigoli venetian spaghetti）、扁細意麵（Linguine）、寬扁意麵（Pappardelle）、細通心粉（Maccheroncini）、捲捲麵（Fusilli）等，客人亦可自選醬料，主廚即叫即製，麵條口感彈牙且富有嚼勁，完美吸附醬汁。除了單點，亦有供應抵食$88全日套餐，價錢已包前菜、意粉及甜品/飲品，因性價比超高，很快在網上爆紅，現時需排隊取籌才有機會吃到，受歡近程度拍得住深水埗西九龍中心手工意粉店！

超抵食$88全日套餐包前菜＋意粉＋甜品

來到必試$88全日套餐，前菜有意式小牛肉配吞拿魚酸豆蛋黃醬、芝麻菜車厘子番茄巴馬臣芝士沙律、布拉塔芝士配鯷魚和檸檬及酥炸魷魚圈，意式小牛肉肉質細嫩，口感柔軟且帶有自然的鮮甜，搭配的吞拿魚酸豆蛋黃醬融合了吞拿魚的鮮味、酸豆的微酸清爽以及蛋黃醬的醇厚滑順，層次豐富且口感細膩。意粉方面，套餐提供6款選擇，包括番茄羅勒醬鮮意粉、羅勒核桃巴馬臣青醬鮮意粉、博洛尼亞肉醬（牛肉）鮮意粉、煙燻三文魚奶油醬鮮意粉等，甜品仲可選Tiramisu或意式奶涷，好豐富！