低卡麵包 麵包
低卡麵包 麵包

低卡麵包!營養師推介7款便利店健康麵包 減肥早餐恩物+甜鹹有齊@Aranth安曼營養專欄|食是食非

飲食

廣告

低卡麵包推介!好的早餐是一天好的開始,能讓元氣滿滿地迎接一天挑戰!但很多時候並沒有時間坐下在餐廳仔細品嚐早餐,往往會需要選擇可以grab and go的食物組合,例如麵包加紙包飲品。究竟「捱麵包」是否一定不健康?以下營養師介紹的7款便利店容易找到的低卡麵包,每個只有不到250卡路里,減肥都可以放心享用。

撰文、圖片來源:Aranth安曼營養實驗室|資料來源:澳洲註冊營養師 Ariel Chan (安曼營養)

7款便利店低卡麵包
7-11低卡麵包精選

1. 日式咖喱牛肉包(228卡路里/85克)

聽到「日式咖喱」四個字,一般都以為會好高熱量。但7–11這款日式咖喱牛肉包每個只有268卡路里,適合減肥是間中想食得重口味少少嘅大家!

咖喱牛肉包配搭一杯無糖飲品,就可輕鬆控制早餐於350卡以內。
咖喱牛肉包配搭一杯無糖飲品,就可輕鬆控制早餐於350卡以內。

2. 紅豆包(228卡/85克)

紅豆包比較上就較低脂低鈉,每個只有約4.7克(一茶匙油)及175毫克鈉質。

紅豆包唯獨糖分較高,關注血糖健康者需要小心。
紅豆包唯獨糖分較高,關注血糖健康者需要小心。

Circle K低卡麵包精選

3. 吞拿魚粟米蘑菇包(228卡路里/80克)

加入吞拿魚後,整體蛋白質含量比較豐富,每個有8.2克蛋白質,高於一隻雞蛋。同時,由於加入蘑菇及粟米,令熱量亦相應下降。

吞拿魚粟米蘑菇包熱量上低於市面上同款約三份一。
吞拿魚粟米蘑菇包熱量上低於市面上同款約三份一。

4. 蜜汁叉燒包(190卡/70克)

聽到叉燒包都會想起酒樓點心,但在配搭西式麵包製造方法下,十分有驚喜!每個只有不到200卡。

這款在一眾餐包選擇下,都仍然屬於非常低卡之選。
這款在一眾餐包選擇下,都仍然屬於非常低卡之選。

5. 果香黑麥軟歐包(190卡/67克)

黑麥麵包纖維含量每個有5.2克,等於每天五份一所需攝取量,非常出色!試食後亦絕非空氣麵包,頗為飽肚。

一般全麥方包不同,軟歐包口感較柔軟,加上蜂蜜及乾果甜甜地非常易入口!
一般全麥方包不同,軟歐包口感較柔軟,加上蜂蜜及乾果甜甜地非常易入口!

759阿信屋低卡麵包精選

6. 小紅莓胚芽餐包(119卡路里/40克)

使用了健康的胚芽小麥粉外,以大豆由而非牛油製成,令這款麵包的飽和脂肪含量極低,每100克只有1.2克,對心血管健康友善。

7. 黑糖提子包(128卡路里/40克)

每100克只有160毫克鈉質,換算成一個黑糖提子包只有64毫克!足足比一般麵包低逾一半,不但適合高血壓人士食用,女士們食完亦不用擔心水腫。

759阿信屋的兩款麵包看上去與一般甜餐包無異,但卡路里卻卻低甜餐包一大截。
759阿信屋的兩款麵包看上去與一般甜餐包無異,但卡路里卻卻低甜餐包一大截。

早餐麵包應該點配搭至「輕盈又均衡」?

選擇麵包時,除了要注意卡路里外,亦應該注意營養均衡性。因為有研究指出,同一餐內有澱粉、蛋白質和纖維下,往往飽足感會更強及更持久!就不用擔心中午前太餓,而去周圍食零食!

健康麵包!營養師推介7款便利店低卡麵包 減肥早餐恩物+甜鹹有齊@Aranth安曼營養專欄|食是食非
有餡和冇餡的麵包,可配搭不同飲品,補充營養。

如果選擇冇餡料嘅麵包,例如甜餐包、麻糬包、蕃薯包等,就建議配搭一盒脫脂牛奶或無糖豆漿去補充蛋白質。相反,如果本身麵包含量蛋白質較充足,例如三文治、加入果仁或全穀物嘅麵包,就可以選擇配搭蔬菜汁或添加了纖維的無糖茶。低卡麵包配以相應飲品,就足以組成一組簡單快捷、又營養均衡的低卡早餐。

Aranth安曼營養健康管理 註冊營養師 Ariel Chan 資深澳洲註冊營養師,兼中醫營養和自然療法學家。 相信「food as therapy」,改變飲食亦可以扭轉健康。可能係最非典型的營養師,鍾意食多過煮,相信只要科學計劃飲食再繁忙嘅都市人都可以嘆住外賣瘦。
Aranth安曼營養健康管理 註冊營養師 Ariel Chan
資深澳洲註冊營養師,兼中醫營養和自然療法學家。
相信「food as therapy」,改變飲食亦可以扭轉健康。可能係最非典型的營養師,鍾意食多過煮,相信只要科學計劃飲食再繁忙嘅都市人都可以嘆住外賣瘦。

 

低卡麵包!營養師推介7款便利店健康麵包 減肥早餐恩物+甜鹹有齊@Aranth安曼營養專欄|食是食非

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..