傳統月餅
傳統月餅

估唔到咁match! 意想不到的 傳統月餅 新配搭@Dining娜

飲食

廣告

(Presented by 恆香老餅家)

Text: Dining娜 photo: wyman

嚟到2016年,就算係食 月餅 ,都要走在潮流尖「啄」! 如果唔係點呃like喎~ 雖然而家啲月餅口味真係夠晒玩味又好味,外型都夠晒型格搶眼,up上facebook、IG係幾威威豬嘅,但心入面我始終覺得都係要食返件 傳統月餅 先夠應節㗎!

我明,我真係明,傳統月餅比人一種「老餅」feel吖嘛…… 不過講到尾,而家fusion才是王道,今日我就試下將western嘅味道加喺傳統月餅之上,結果係……估唔到咁match!

1/ 雙黃白蓮蓉月 + espresso!

第一樣梗係試everyone’s favourite雙黃白蓮蓉月啦!老字號恆香嘅雙黃白蓮蓉月出名甜而不膩,蓮蓉係用頂級湘蓮子整嘅,啖啖充滿住蓮子香~ 加埋兩個大大嘅鹹蛋黃,真係大滿足呀~

學生活態度講句,要品味人生幾時都要歎杯咖啡嘅~ 今次我就揀咗香濃嘅espresso配雙黃白蓮蓉月,一個香甜,一個回甘,咖啡可以平衡返月餅嘅甜同膩,即刻食多兩舊都okay!仲有種high tea嘅感覺添~

2/ 伍仁月餅 +生果!

伍仁月餅相對嚟講少啲係年輕人嘅first choice,但我細細個已經好鍾意食~ 因為呢,我就好鍾意食花生⋯⋯同其他nuts嘅。恆香嘅伍仁月餅係用橄欖仁、核桃仁、杏仁、瓜子仁同芝麻整成,加上用咗幾十年嘅傳統配方,有好香嘅nuts味,口感爽脆得嚟煙煙韌韌咁,幾得意㗎~

我覺得伍仁月餅味道同口感都有少少似西式嘅peacan pie,所以試下同啲糖漬生果一齊食,又幾ok喎~ Adventurous嘅你可以試下放雪糕添,應該都幾match㗎~

3/ 金華火腿月+芝士!

3種月餅入面,金華火腿月就最惹味!鹹鹹香香,加埋伍仁,少少脆卜卜咁,都幾似平時口痕食嘅零食㗎!你知啦,香港人最鍾意食芝士,所以我就將芝士粒配埋金華火腿月嚟食!嗚啊!成件事唔同晒!如果配埋oppa最愛嘅牽絲芝士,唔知會點呢……?

後記

無論點都好,記住中秋節最緊要都係一家團團圓圓~ 而家有晒至潮新食法,無藉口唔同屋企長輩齊齊食月餅喇~

最新吃喝玩樂資訊