【自助餐放蛇起底組】小欖海邊任食BBQ 周末$100/位食到嘔!

新假期編輯部

May 31 2016

廣告

夏天熱辣辣，最好就是去沙灘曬日光浴嬉水，玩完就可以BBQ醫肚！小欖BBQ場最近有夏日優惠，星期一至五$80/位就可以全日任食BBQ ，星期六、日都只是$100/位，還可以邊涼風扇邊睇電視，立即同大家睇下有咩食！

假日任食BBQ $100人頭費開爐費另收

首先在門口付款後才可入場，每人$80，星期六日都只是$100，開爐費就要另外收費，平日收$30，星期六日則收$40，越多人share一個爐就越抵食！雖然是任燒任食，但其實每個爐只包2包炭，如果用光想再加炭則要另收$16/包。

任食BBQ 在門口先付款後入場，每人收$80，另加$30開爐費。 — 在門口先付款後入場，每人收$80，另加$30開爐費。

任食BBQ 畀完錢職員畀低一疊紙我地，包括開爐紙、汽水紙、餐具紙等。 — 畀完錢職員畀低一疊紙我們，包括開爐紙、汽水紙、餐具紙等。

付款後職員會把一疊紙仔給我們，包括開爐紙、飲品紙、餐具紙等，燒烤爐不用自己生火透爐，會有專人幫手，夠方便。另外再拿餐具紙出去拿餐具、托盤。除了燒烤叉和碟外，還有一卷紙巾、手套及蜜糖，很齊全！

任食BBQ 專人透爐，好快個火就起。 — 有專人透爐，不用自己來。

任食BBQ 專人透爐，好快個火就起。任食包兩包炭，當日我地大概3個鐘先用完一包。 — 每個爐只包兩包炭，當日我們大概3小時才用完一包。

任食BBQ 餐具、托盤都係出面拎，畀張紙姨姨就拎得。 — 餐具、托盤都在食物部拿。

任食BBQ 餐具都幾齊全，有一個大托盤要黎裝嘢食，另外每人有碟、叉、燒烤叉、手套，仲有一卷紙巾同蜜糖連掃。 — 餐具齊全，有一個大托盤拿生肉，另外每人有碟、叉、燒烤叉、手套，還有一卷紙巾同蜜糖及掃。（大托盤隻手是小編拍照中的手，不是靈異照片！）

食物選擇唔多牛仔粒最好味

食物在出面拎，不過就不是自助形式，要叫職員夾畀你。選擇不算很多，每款肉類只有1－2款，但味道不錯。最推介山賊牛仔粒，夠腍及香，另外豬頸肉亦夠爽口。

任食BBQ 食物係出面拎，有咩選擇一目了然，同職員講要咩佢就會夾畀你。 — 食物在出面拎，選擇一目了然，但不是自助形式，要叫職員夾給你。

任食BBQ 擺放燒烤食物放得整齊，而且肉類賣相亦不錯，每件都大件新鮮，加分。 — 擺放燒烤食物放得整齊，而且肉類賣相亦不錯，每件都大件新鮮，加分。

任食BBQ 山賊牛仔粒推薦！燒到7－8成就食得。 — 推薦山賊牛仔粒！燒到7－8成熟便可食用。

任食BBQ 食落肉質超腍，完全唔會韌得黎入味。不過佢唔係粒粒都咁腍，要睇下好唔好彩啦。 — 非常入味，肉質超腍，完全不韌。但不是每一粒都軟腍入味，要看你的運氣了。

任食BBQ BBQ就梗係要燒雞翼，雞翼有兩款味可以揀：黑椒、沙薑。 — BBQ當然要燒雞翼，雞翼有兩款味可選：黑椒、沙薑。

任食BBQ 黑椒上面有好多黑椒粒粒，食落黑椒味好出，但幾惹味。 — 黑椒雞翼上有很多黑椒粒，一吃黑椒味非常突出，惹味！

任食BBQ 雞翼多汁，搽埋蜜糖燒個面夠哂香脆。 — 雞翼juicy多汁，搽蜜糖上面燒就更香脆。

任食BBQ 沙薑雞翼食唔到有沙薑味，而且味道一般，黑椒雞翼完勝！ — 沙薑雞翼吃不出沙薑味，而且味道一般，黑椒雞翼完勝！

任食BBQ 最右手邊果個就係豬頸肉，都係必食！ — 最右邊是豬頸肉，必食之選！

任食BBQ 豬頸肉個樣唔知點解好似三文魚，搽埋蜜糖燒到熟就食得。爽口得黎唔會韌，仲要醃得夠入味，超正！ — 豬頸肉燒完後賣相勁似三文魚，塗蜜糖燒到熟便可食用。爽口之餘不會韌，醃得夠入味，超正！

任食BBQ 喱舊唔知咩黎，應該係牛類，佢超韌而且個味怪怪地，唔推介！ — 這一款不知是什麼肉，應該是牛類，質感超韌而且有怪味，唔推介！

腸仔用廚師腸必試燒豆卜、燒賣

BBQ不能缺少的腸仔！這裡的腸仔是廚師腸，正！還有不同的丸類，其中香菇章魚燒最有趣，裡面有肉餡，好Juicy。另外特式食物如豆卜、燒賣，平時燒烤比較少食，豆卜和燒賣同樣外脆內軟，燒賣裡面比平時吃到的更加腍，好有趣。

任食BBQ 腸仔是必須的，用上廚師腸，界開幾下搽埋蜜糖就食得，肚餓果時燒就最啱，事關最快熟！ — 腸仔是必須的，用上廚師腸，切開幾下塗上蜜糖燒兩燒就可以吃了，最啱餓鬼！

任食BBQ 另外仲有脆皮腸，個皮都夠脆，味道中規中矩，無咩特別。 — 另外還有脆皮腸，外皮都夠脆，味道中規中矩。

任食BBQ 丸類選擇都有，每邊燒陣搽埋蜜糖再燒就食得。 — 有丸類可選，每邊燒一燒再塗蜜糖就食得。

任食BBQ 香菇章魚丸好特別，咬開入面有肉餡，夠Juicy，外面丸亦彈牙。 — 香菇章魚丸好特別，咬落去彈牙，入面有肉餡，夠Juicy。

任食BBQ 豆卜BBQ比較少食，搣開一半再兩邊燒，外面好香脆入面有豆香。 — 豆卜BBQ比較少食，搣開一半再兩邊燒，外面好香脆，入面有豆香。

麵包任拿環境偏熱

除了肉類、丸類外，還可任拎麵包和蒜蓉包，加蜜糖燒就可以食。環境方面，雖然有風扇，但其實都頗熱，當日人流不多，偶有海風吹下會較清涼，如果多人一齊燒應該會幾熱。另外還有些遊戲，例如啤牌等可以買來玩。

任食BBQ 麵包、蒜蓉包都係任拎，但蒜蓉包完全食唔到有蒜蓉味。 — 麵包、蒜蓉包任拎，但蒜蓉包完全吃不到有蒜蓉味。

任食BBQ 麵包每邊搽蜜糖就食得，蜜得黎帶點甜。 — 麵包每邊塗上蜜糖燒一會便可以吃了。

任食BBQ 有一邊係有篷同風扇、電視，喱邊近海嘅就用太陽傘。即使有風扇都幾熱，建議坐近海嘅位置會有海風。 — 燒烤場有一邊是有篷、風扇和電視，而這邊近海的就用有太陽傘。但即使有風扇都幾熱，建議坐有風扇加近海嘅位置，有埋海風會清涼少少。

任食BBQ 01 — 圖片來源:官方網頁

任食BBQ 另外亦有娛樂活動。 — 另外亦有娛樂活動。

總結：不論$80還是$100，任食任燒來計價錢係好平，包2包炭都可以燒到大概6小時，若然你由朝早坐到夜晚不停燒，真的可以食到嘔！食物選擇雖不算太多，但肉類質素幾好，特別是牛仔粒和豬頸肉；丸類亦不錯，還有麵包任拎。環境、設施都OK，但夏天BBQ始終偏熱，如果揀到風扇和近海位其實都OK嘅。

總分：7.5/10

小欖燒烤樂園

地址：屯門青山公路小欖段DD384 LOT253 （顯示地圖）
電話：2459 9928
$80任食時段：星期一至五 2pm-1am
$100任食時段：星期六、日及公眾假期 11am-1am

用餐時間：無限時
備註：$30開爐費（星期六、日及公眾假期 $40）

關鍵詞

BBQ 任食小欖燒烤樂園屯門