火鍋/打邊爐任食推介2024｜7間無限食：雞煲/放題/串燒/無限時
任食火鍋/打邊爐推介1：嚐味/嚐聚：無限時任飲任食火鍋+至抵價加配重慶雞煲/ 原條烤魚/ 串燒拼盤
以海南雞飯為主嘅嚐味/嚐聚，最近推出全新晚市任食火鍋，提供多款配料之餘，價格仲夠晒吸引,，由下午5時半開始無限時火鍋時段，成人$188/位、小童$78/位；晚上7時半前埋單成人仲可以減到$158/位，持樂悠卡長者更可享有老友記優惠$118/位！
任食火鍋仲有其他加配項目，包括：+$20重慶雞煲(任食) / +$68麻辣泡椒烤魚/原味蔥燒烤魚。
嚐聚沙角店另外限定推出+$88串燒拼盤(12串)，尚有超過20款串燒可供單點，每串都只係$10起！打邊爐又點少得飲返杯呢～日本銷量第一嘅Suntory神泡生啤現時以至抵價發售：$38/杯(400ml)及$168/啤酒塔(2L)，再加上霓虹燈設計，讓店舖氣氛更加chill！
- 餐廳：嚐味（大埔道分店）
- 地址：九龍深水埗大埔道52號地舖
- 電話：2779 8838
- 餐廳：嚐聚（沙角分店）
- 地址：新界沙田沙角邨熟食中心9-12號舖
- 電話：3689 2680
- Facebook專頁：DELICIOUS.HK.RESTAURANT
任食火鍋/打邊爐推介2： 斗滾 任食雞煲＋海鮮盛宴＋養生湯火鍋放題
想打邊爐又怕熱氣？主打養生湯火鍋放題的「斗滾」可以讓客人無限時大吃特吃的同時養生美顏！「斗滾」提供5種辣度的任食雞煲，火鍋配料有30款以上，例如蝦滑墨魚滑，丸類及菜類等。邊爐湯底則有足料養生燉湯 ，包括招牌為烏雞燉湯，蕃茄薯仔花甲湯，皮蛋芫茜湯，牛腩湯及涼瓜花膠雞湯，補血美顏，補中益氣！另外更有非常 ig-able的海鮮盤，跟人頭份量食蟶子，元貝，蝦，龍躉等時令新鮮海鮮！餐廳設有生日特別推廣，除了免收切餅費，只要生日正日或前後3日生日提早預訂，餐廳更會送「生日牛肉蛋糕」，打卡又食得，是慶生之選！
- 餐廳：斗滾（西環店）
- 地址︰石塘咀山道54-66號適安大廈地鋪
- 訂座電話/WhatsApp： 6730 6060
- 餐廳：斗滾（尖沙咀）
- 地址︰尖沙咀山林道38號 銀座38 12樓
- 訂座電話/WhatsApp： 6211 1922
任食火鍋/打邊爐推介3：馬祖無限時台灣養生涮涮鍋 旺角任食吃到飽套餐
馬祖旺角店主打無限時火鍋放題，最平$247即可任食，最多可任食！即刻成為火鍋控朝聖地！單是湯底已經有19款可以揀！放題價錢是按所選肉類套餐而定，一共有4款套餐，每款都有不同的指定肉類，如Prime Grade美國安格斯牛肉、SRF極黑和牛肩脊肉、極上Prime Grade霜降牛小排等，任食的配料選擇超過60款，大胃王可以挑戰食足9個鐘！
馬祖無限時台灣養生涮涮鍋更多詳情
任食火鍋/打邊爐推介4：牛大人台灣火鍋吃到飽 多間分店最平$208任飲任食
「牛大人」主打任飲任食台式火鍋，於尖沙咀、荃灣、旺角、觀塘、沙田和元朗等都有分店，包括上等五花腩、西班牙豬梅肉片等4款肉類，也有澳洲和牛套餐，最吸引是有秘製鴨血及Mövenpick雪糕，放題可食足2小時！店內亦提供付費食品，最人氣是「澳洲M9和牛牛丸」，採用澳洲M9級數和牛作原材料，由台灣工場製造，彈牙有嚼勁。
- 餐廳：牛大人台灣火鍋吃到飽
- 分店地址：按此
- Facebook專頁：牛大人Master Beef
任食火鍋/打邊爐推介5：壹號漁船 120分鐘奢華阿拉斯加長腳蟹 + 火鍋放題套餐
打邊爐想再食得特別點？新開餐廳「壹號漁船」推出 120分鐘食原隻新鮮阿拉斯加長腳蟹火鍋放題套餐！凡惠顧阿拉斯加蟹火鍋套餐，可到魚池親自挑選心水靚蟹，再回座位慢慢享受無限追加超過40款任飲任食的火鍋配料及酒水甜品，包括安格斯牛板腱，安格斯牛小排，爽五花豚肉，生牛脷心薄切，沙白蜆，海釣小紅魷，手打鯪魚滑，手打墨魚滑等等！如果想再升級、豐盛啲，更可付費追加，一嘗鮮味追加：鮮海蝦，海斑片，鮮鮑魚，乳山蠔等新鮮海產，壹號漁船場地佔地超過16,000呎，可同時招待多達600位客人，是聚餐的好選擇呀！
- 壹號漁船 BOAT ONE
- 地址：旺角彌敦道610號荷李活商業中心2樓
- 電話：83008142
- Facebook專頁：壹號漁船
任食火鍋/打邊爐推介6：林洪記水產 新蒲崗海鮮蒸氣火鍋放題！任食游水海蝦+帶子+安格斯肥牛
林洪記水產除了雞煲外，其海鮮火鍋放題亦相當受歡迎，其2小時蒸氣火鍋放題包括「招牌8款鮮套餐」——爆膏肉蟹、六頭鮮鮑魚、大元貝 / 蟶子皇、生蠔 / 桶蠔、貴妃蚌 / 大螄蚶、花尾龍躉、大頭蝦及安格斯牛小排；另外可任點任食超過40款新鮮食材，如黃金炒蟹、安格斯肥牛、脆鯇片、鮮魷魚、大頭蝦或游水海蝦、帶子、白貝、即包鮮蝦雲吞等。每位亦可升級至任飲啤酒汽水，非常抵飲抵食，新蒲崗、長沙灣分店都有供應！
林洪記水產更多詳情
- 餐廳：林洪記水產
- 地址：新蒲崗仁愛街2號地舖
- Facebook專頁：lamhungkee
- 網上訂座：按此
任食火鍋/打邊爐推介7：為食火鍋公司 觀塘雞煲火鍋放題
為食火鍋公司以雞煲放題作主打，雞煲用上三黃雞，混和超過20種香料配搭而成的醬汁，超惹味！食害可以套餐價任食雞煲、西班牙黑豚肉、三寶丸、三色餃、蔬菜外，還包一份三色刺身、4-6款是日海鮮拼盤、牛小排及甜品。另外一款套餐，除了有雞煲、西班牙黑豚肉、三色餃、鴨血外，還額外包了五色刺身、海鮮拼盤、廣島蠔、手切牛肩頸、五寶丸、黑白滑及甜品，食物種類超過30款，絕對能捧腹而回。
為食火鍋公司更多詳情
- 餐廳：為食火鍋公司
- 地址：觀塘創業街15號萬泰利廣場地下C號舖
- 電話：3618 8772
- Facebook專頁：為食火鍋公司 Hotpot Foodie- 觀塘店
任食火鍋/打邊爐推介8：潮州滷漢 120分鐘放題食即刨牛肉＋鹵水湯底
打邊爐當然係無肉不歡，想食得過癮就緊係要無限量任食先夠盡慶。餐廳「潮州鹵漢」主打講究湯底調配技巧的潮州火鍋，設有不同等級的即叫即刨牛肉套餐，從特選美國牛肩胛到SRF 美國和牛應有盡有，總有一款能滿足一眾牛魔王的需要，配埋同牛肉至夾嘅鹵水湯底就剛剛好。招牌滷水汁湯底用上鵝的精華和多種香料熬成。鵝肉更會滲出油脂，增強鹵水汁的濃濃鮮味。此外，餐廳的火鍋放題更有多達60款以上的飲品、甜品、火鍋配料等自助形式供應，選擇十分豐富。而且套餐入面更包有啤酒放題，如果選擇B/C 餐 更加有德國生啤任飲，20:30後入座更加可享無限時放題，絕對是超值。
- 潮州滷漢
- 地址：旺角彌敦道620-628號瓊華中心8樓
- 訂座電話：3486 3737
- WhatsApp : 9242 8207
- 營業時間：星期一至日 12:00 – 00:00
任食火鍋/打邊爐推介9：馬辣台式鴛鴦火鍋2.5小時晚市任食+生啤任飲
說到CP值高的火鍋放題，一定唔少得旺角馬辣！晚市$208便可任食2.5小時，牛小排、黑毛豬五花肉、紐西蘭青口、白鱔片、海蝦超過50款配料任食，就連生啤都是任飲，超正！餐廳一共有10款湯底，可以免費upgrade鴛鴦鍋，必點麻辣鍋底，任食肉類必點牛小排，口感軟嫩牛味濃；安格斯黑牛仔，肉質新鮮有口感。海鮮方面都有驚喜，大推海蝦，大隻又新鮮，肉質彈牙！
- 馬辣台式鴛鴦火鍋 (創興廣場)
- 地址：旺角彌敦道593-601號創興廣場14樓
- 營業時間：12:00-24:00
- 電話：2356 7890
任食火鍋/打邊爐推介10：至尊重慶雞煲抵食芝士雞煲+60款配料
放題最怕食得匆匆忙忙，旺角這間開業11年的雞煲放題，出名性價比高，午市最平$168免加一就可以任食4.5小時！當中澳洲牛肩胛、黑毛豬、紐西蘭青口超過60款配料均是任食，連啤酒都是任飲，超豐富！芝士雞煲面頭鋪上厚厚的車打芝士，雞肉大件啖啖肉，十分惹味。除了芝士雞煲，另一必試口味還有皇牌重慶雞煲，用上14款秘製醬料烹調，雞肉嫩滑入味！至於晚市的2個半鐘放題，每個餐都比午市多$30，但就免收加一及提供生啤任飲！至尊重慶雞煲還有品牌自創生產的禮盒裝，包括$78台灣牛肉麵及$68麻辣鴨紅，送禮自用都OK！
- 至尊重慶雞煲 (創興廣場)
- 地址：旺角彌敦道593-601號創興廣場16樓
- 電話：2148 2628
任食火鍋/打邊爐推介11：將軍澳「鬍鬚佬」$68午市／宵夜火鍋放題！
位於將軍澳的這間火鍋店則推出CP值高的$68火鍋放題，分別可以在午市和宵夜時段，以$68任食1小時，當中分別可以自選湯底（9選1）、定量肉食4選1以及自助區供應30多款火鍋配料和飲品。定量肉食供應美國肥牛、手切白羽雞肉、美國天然豬梅肉片和豬頸肉片；而自助區則可以無限任添，分別有多款鍋物、丸類，另外還有小食供應：手拍青瓜、涼拌土豆絲、涼拌皮蛋、涼拌海帶絲、蒜香炸雞等。除了$68任食套餐外，同時還有晚市自助火鍋，設有90分鐘、120分鐘和150分鐘任食火鍋套餐，最平成人$138食到手切白羽雞肉、五花腩片、美國肥牛片和豬頸肉片，另外還有自助區任夾任食，仲不收加一服務費添，真係好抵食。
- 餐廳：鬍鬚佬
- 地址：將軍澳貿業路8號新都城中心三期地下G23號舖
- 電話：6760 1177
任食火鍋/打邊爐推介12：旺角泰式火鍋「泰金鍋」$188放題！任食流水蝦＋牛小排＋無限時火鍋
「泰金鍋」全店佔地約7,000呎，設有約200座位，主打坊間罕見的泰式湯底，並供應多款肉類、海鮮、炸物、泰式串燒及特色熱盤等。夜貓專享無限時火鍋套餐原價$288，包括無限量任食澳洲極選肩胛牛小排、特級牛胸爽、極上牛舌、美國肩胛肉眼、澳洲羊飼羊肩、多款榴槤小食、流水蝦放題及享用自助吧內逾80款泰式熟食、火鍋配料、甜品及啤酒汽水。
網上獨家預訂成人可享65折優惠價$188，小童可享5折優惠價$84，優惠需9點後入座方可使用，並至少一日前預訂，供應期由即日起至10月31日。
旺角泰式火鍋「泰金鍋」
- 餐廳：泰金鍋
- 地址：旺角彌敦道601號創興廣場6樓
- 電話：8118 2228
- 營業時間：12:00 – 00:00
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
