零食
零食

|今期必試零食|飯粒分明!真•墜手釜飯

飲食

廣告

零食,可以話係生活中必不可缺少嘅食糧!無論係返學放break,考試溫書,做project,返工小休嘅時候,唔少人都會食吓零食。食完零食叉完電,個人都精神啲!所以今期繼續為大家推介各款零食,有鹹有甜,任君選擇。

1. 滑嘟嘟豆腐芝士

外形似足百福豆腐,用北海道牛乳同大豆製造,純淨天然。入口質地亦似豆腐花,滑嘟嘟,香香軟軟,芝士鹹香淡淡,不甜不膩,輕怡討好,外表平凡,但很有驚喜。雖然$68/ 盒略貴,但偶然吃一次,ok 喇﹗

售賣點:city’super
電話:2736 3866

2. 堅•梅酒心朱古力

粒粒梅酒造型,很別致。咬開,果然有滿滿梅酒油心流出, 酒香帶微苦,梅味輕柔,朱古力用上濃味的黑朱古力,可可味很突出,略甜,正好中和酒澀,酒鬼和朱古力狂迷可以一試。

售賣點:松坂庫
電話:2323 8700

3. 真•墜手釜飯(推!)

用陶鍋盛載,以日本6個地區的特產為材料, 試食的是青森帆立貝釜飯。將米和汁料,倒入鍋內,蓋好叮10分鐘。釜飯打開飯香撲鼻,飯粒分明,帶黏性有咬口,飯中有帆立貝碎、蒟蒻粒、油豆腐絲,不算很豐富,但熱辣辣,幾好味,而且陶鍋還可以再用。

售賣點:一田超市
電話:3955 1818

4. 趣味草莓薯片

薯片同士多啤梨蛋糕明明很違和,日本人竟然將之集一身,難得食起來又幾得意﹗ 首先你必要放下薯片一定係鹹的心理包袱,一入口,有點似食士多啤梨百力滋的味道,清楚食到忌廉及士多啤梨的甜香,微甜中,薯香又很踏實,有趣。

售賣點:city’super
電話:2736 3866

5. 懶人即食韓豬手

韓式豬手一向出名,這個急凍懶人版,在雪櫃取出解凍可即食用,勁方便。如喜歡熱食,放入微波爐叮幾十秒亦可。豬手本身已切片,肥瘦均稱,調味亦恰到好處,做小食配啤酒,無得彈;又或者買來做餸,加洋葱、辣椒、蔬菜同炒,也很不錯。

售賣點:一田超市
電話:3955 1818

6. 迷你夾心紫菜

論味道,實在不差。有明海產的紫菜中間夾住章魚燒及蛋黃醬的調味粉, 入口非常香脆, 充滿酸酸甜甜takoyaki sauce的獨特風味。不過,最令消費者不滿是每片紫菜只得3.5cm x 2cm,一包廿來片,食到到喉唔到肺。

售賣點:青木町
地址:觀塘開源道60號駱駝漆大廈3座(顯示地圖
電話:2304 0737

 

延伸閱讀:
|今期必試零食|推介一開八柚子汁! 綠茶午餐肉好鬼伏
|今期必試零食| 超足料!柚子味濃雞丸杯麵!

最新吃喝玩樂資訊