人妻飲茶叫普洱激嬲兩家人當眾鬧交！網民：根本係人妻撩交嗌

與家人去飲茶人妻按自己習慣叫茶被批評

人妻指，當日是結婚後首次相約老爺奶奶與娘家一同去飲茶，當時人妻與丈夫先到。人妻表示從小到大都習慣與家人飲普洱，很少叫水仙香片，因為「我阿爸唔鍾意陣味」，因此當日入座後人妻就按自己習慣叫了普洱滾水各一壺。不久後奶奶來到，見到桌上只有普洱，「問我做乜唔叫水仙嘅」，人妻就回應「我屋企人唔飲水仙我就冇叫，加上你個仔都冇話要叫水仙畀你飲」，結果換來奶奶「黑晒面」，指「水仙先好飲，普洱又濃又苦」。

奶奶當住人妻娘家：「嫁咗人應該理奶奶多啲」

人妻指奶奶坐下後一直「咦咦哦哦」，直到人妻娘家的家人到了仍繼續說，更在人妻家人面前直斥新抱「嫁咗人就應該理奶奶多過自己屋企人，唔應該只係顧住自己屋企人唔理個奶奶喜好」。當時人妻的媽媽才剛坐下，就聽到這番說話，「一怒之下駁佢一句唔啱飲咪開多壺茶囉好大件事咩」，結果兩家人就「連點心都未叫就要為咗壺茶嘈一餐」，更引來茶樓其他茶客關注，令人妻自覺「勁樣衰」，不忿直言「以後一齊去飲茶我係絕對唔會叫茶，一係就叫到成枱都係茶唔洗煩」。

網民斥人妻唔就做人：根本係樓主撩交嗌

人妻的分享引起網民的熱烈關注，有網民表示「10個有9個半奶奶都係咁」，認為人妻不必太介懷；但更多的網民則批評人妻，有網民指人妻回答「我屋企人唔飲」及「你個仔無幫你叫」根本就是故意撩事鬥非，斥人妻「咁寸人，黑面好正常」；也有網民指人妻「真見識少」，因為去飲茶開多少壺茶都可以，直言「開多壺茶好難？我覺得你唔係好識人情世故囉」，有網民也留言「唔好話同奶奶飲茶，我哋同同事出去飲茶都會問下人哋飲乜嘢茶，呢啲係尊重嘅問題」，指「佢哋今日都係你自己做成」、「樓主勁白痴仲要開post」。

原文截圖：

資料來源：香港討論區