不是發夢﹗$1,600 酒店package 送$1,200飲食coupon回贈@JETSO文
唔經唔覺就快11月尾，想好聖誕節目未？咪笑呀﹗如果想精明又不失霸氣地歡渡佳節，趁早做定功課，是常識吧﹗早兩日，同做酒店的朋友食飯，佢話自己公司推出了超筍 酒店package ，抵到你唔信。原來只要預訂12月的住房，就有過千蚊飲食coupon回贈，即住即用。我查過房價，12月平日最平的園景客房，$1,600有交易，但就足足送返$1,200飲食coupon，計起來，間房才$400，咪話唔抵。
$400住到5星酒店不是夢
忘了告訴你，間酒店係5星級的，就在剛通車的黃埔站附近，距離D2出口只是數步之遙。想浪漫點，就要訂海景客房，平日大約$1,900/晚，都一樣有$1,200飲食劵送。最正係這個住宿優惠，連平安夜、聖誕正日、前後都一樣通行，房價會按入住率斟情調整，但回贈不變。佳節當前，唔使四圍撲，同愛人check in後，換件靚衫，拎住過千蚊飲食coupon，任揀酒店旗下4間餐廳，食盡佢。食飽飽，斯斯然返房，睇埋維港燈飾夜景，拆禮物，仲唔浪漫到暈，最緊要唔使同人迫。
生猛海鮮同維港景互相輝映
靜靜話你知，我就已經book好房，帶老婆去過聖誕，仲訂埋酒店大堂的The Promenade餐廳食buffet dinner。她們的buffet，我之前都食過，海鮮一向出名，手臂長的阿拉斯加蟹腳、又爽又彈牙的翡翠螺、青口、龍蝦仔同大廚即開生蠔，都食得好滿意。聽聞19/12開始的聖誕buffet再加碼，有埋勁厚肉的北海道帶子剌身、甜蝦刺身、香煎鵝肝配松露汁、蟹粉小籠包……當然唔少得主角—烤釀火雞、樹頭蛋糕和白朱古力雪人等繽紛賀節美食，加上詩歌班的獻唱，充滿節日氣氛。
扒房？爐端燒？唔知點揀
我知我知，有些人天生不好自助餐，自覺食得唔多。放心，仲有扒房、爐端燒和歐式佳餚任你揀。扒房也是向海，一列大玻璃，將維港美景引入室內，不論白天晚上，各有美態。來扒房就一定要試足料龍蝦湯、香煎登格斯蟹餅，無花無假，真係食出啖啖蟹肉絲﹗再不成，也可試試正宗爐端燒，日本空運來的和牛、大蝦、鱈場蟹在爐火上烤得香噴噴，兩口子飲住清酒慢慢歎，過一個暖笠笠溫韾聖誕。酒店還有一間名為水雲間的歐式餐廳，最適合三五知己歡聚暢飲，佳節期間，設有烤海鮮拼盤：大蝦、小龍蝦、帶子、海鱸魚柳、吞拿魚柳、藍青口等，全部新鮮即烤，用來慶祝聖誕，最好不過。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
