中環Zuma日光Brunch放題 3小時任食壽司／刺身／限量生蠔！ 自選和牛/龍蝦做主菜＋香檳無限量供應 ｜自助餐我要
廣告
中環Zuma的Brunch日式放題一向受歡迎，最近復活節加碼，推出長達3小時任食Brunch，可以任點新鮮刺身、即整壽司、爐端燒，仲有得任飲香檳。復活節期間更推出限定巨大復活蛋配合朱古力流心蛋糕，邪惡到爆！
撰文：艾菲｜圖片：官方圖片、ctunglee
中環Zuma Brunch放題
任飲任食3小時！刺身＋壽司＋爐端燒＋天婦羅
中環日本餐廳Zuma一向出名假日早午餐Brunch放題，以高級日本居酒屋作賣點。最近復活節加推星期五，一連三日足足可以享受三小時任食！Brunch放題平時每位$738（包Iced tea，任飲香檳另外收費），復活節期間，食物將會upgrade矜貴食材，每位$888。任點任食的食物有16款，由刺身、壽司、天婦羅、爐端燒等通通有得食。此外，生蠔亦會限量供應，但數量有限，想食的記得要一入座就柯打！
主菜10選1加碼再配任飲香檳！
除了任點任食的頭盤外，每位食客更可自選一客主菜及甜品，主菜有10款選擇，包括照燒三文魚扒、刺身拼盤、黑鱈魚、牛柳等，若想加碼，也可額外多款不同價錢，將主菜款式升級，推介紫蘇牛油烤龍蝦（另加$220）或A4和牛西冷（另加$490），前者龍蝦入口爽彈鮮甜，牛油及紫蘇也提昇了龍蝦的鮮味；後者和牛入口即化，牛魔王必試！如果是酒鬼的話，更可加錢配任飲香檳，收貴以不同香檳牌子而定。
復活節限定！巨大復活蛋+北海道牛乳芝士蛋糕
食完正餐當然唔少得甜品！由4月2至4日復活節期間供應的Brunch放題，當中的甜品拼盤，會推出重磅甜品！拼盤除了有Zuma招牌的朱古力流心蛋糕、北海道牛乳芝士蛋糕及各款水果外，還特別重磅加碼巨型復活蛋，朱古力裝飾既童真又有春日氣氛，大人細路見到都開心！
圖中甜品為復活節限定，包括在任食套餐內。
復活節限定早午餐
- 日期：4月2-4日
- 時間：
預訂時間：11am起（任食3小時）
服務時間：11am-5pm - 價錢：
無酒精套餐 – $888/位
經典套餐（任飲法國香檳牌子”r” de ruinart nv）:$1,138/位
豪華套餐（任飲法國香檳牌子ruinart blanc de blancs nv）:$1,488/位
尊尚套餐（任飲法國香檳牌子dom pérignon）:$2,280/位
小童:$450/位 - 備注：復活節限定早午餐需要電話預訂
周末早午餐（復活節期間除外）
- 時間：
預訂時間：11am起（任食3小時）
服務時間：11am-5pm - 價錢：
無酒精套餐 – $738/位
經典套餐（任飲法國香檳牌子”r” de ruinart nv）:$988/位
豪華套餐（任飲法國香檳牌子ruinart blanc de blancs nv）:$1,338/位
尊尚套餐（任飲法國香檳牌子dom pérignon）:$2,130/位
小童:$350/位 - 備注：早午餐需要電話預訂及只限星期六、日
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
