下午茶拼盤
下午茶拼盤

【3點3啦喂】維港靚景Hea下! 歎$99韓風炸雞 下午茶拼盤 (日限5份!!!)

飲食

廣告

這家專做韓燒的餐廳,通常大家去都是食燒肉,好少人知道這裡其實有個$99 下午茶拼盤 ,拼盤走韓風路線,有炸雞和飯卷,更有窩夫及一堆甜品,咁抵食?記者一於真金白銀試食,究竟食唔食得過?即睇試食報告!

撰文:Joan │ 攝影:Chi

下午茶拼盤 2pm-4pm供應

雖然餐廳門口的宣傳牌指拼盤於2pm-5pm供應,但餐廳4pm便落場,所以實質只能吃2小時。而店員說每天只會供應約5份,當日亦只有記者幫襯這個拼盤。入座前要先選擇飲品,食物即叫即做,等了25分鐘才上枱。

拼盤有甜有鹹,更包2杯飲品,望落幾豐富。

最底層的是一份鮮三文魚青木瓜沙律,附上沙律醬。兩大件三文魚非常肥美,魚味不太突出,但好在沒有雪藏味。沙律菜、青木瓜絲和粟米份量非常多,頗適合吃完炸雞後清一清味蕾。

中間一層的是韓式食物,有4件韓式炸雞,包括各2件的韓式辣醬和原味。雞件上枱時非常熱,外皮香脆,味道不錯,肉質雖未到juicy,但都算嫩滑;原味炸雞更灑上了芝士粉,非常惹味。

同一層更有2件韓國壽司和時令生果;壽司配料豐富,飯粒軟硬度剛好,但沒有加任何調味料;2片西瓜雖幾甜,但好像只為湊多樣食物而一齊放落拼盤,好Hea。

最頂層的有2杯日式麻醬冷麵,一啖可KO,味道正常;另外2件芒果奶王撻和2件生果芝士撻我勸大家可以放棄,撻皮超級腍,芝士餡都算正常,但芒果奶王餡已經是漸變成固體的狀態,很難吃。

餐廳午市亦有非韓燒的自助餐,部份甜品是取自自助餐任食的食物。例如竹炭杏仁豆腐慕絲和香蕉焦糖慕絲,不過擺盤時和冷麵杯放得非常近,已經變了形。味道方便,竹炭杏仁豆腐慕絲豆腐味較出,中間有淡淡杏仁香;而香蕉焦糖慕絲焦糖味非常突出,但由於慕絲已經是軟軟融融的狀態,小試一口還可以,要吃完整個則有點難度。

甜點另有2件比利時窩夫配意大利雪糕(其實是 Dreyer’s雪糕),餐廳非常貼心,送拼盤時不會立即送上窩夫,以免雪糕融掉。窩夫雖上枱時熱辣辣,都是即叫即製,口感較實,似食麵包。

飲品可選黑糖薑母茶、中國龍井茶、韓國柚子茶或手製豆漿,另外加$8可選啤酒、韓國真露或冰滴咖啡,但當日小編點了冰滴咖啡,15分鐘後店員才說今天沒有供應,想喝都要碰運氣!

 

店舖+地址開估!兩區有得食!

餐廳有分韓燒和非韓燒區域,所以食拼盤時都不會沾到油煙。非韓燒區的一邊設計得非常有型和Colorful,更有大電視播放著韓國明星的MV,等待食物上枱時都叫有點消遣。

另一邊韓燒區裝修得同樣鮮豔,更有落地玻璃窗,而且坐得頗闊落。

記者點評:試吃完後,甜品方便有點難下嚥,但主角炸雞和其他鹹點味道不錯,而且環境舒服,潮味十足。埋單$99另收加一,除開一人五十幾元,都可以一試。

Grill n More

地址:油塘高超道38號大本型地下G30號舖(顯示地圖
電話:2149 0828
營業時間:12nn-4pm,6pm-11pm

另於將軍澳分店有售,建議先打電話預留

地址:將軍澳唐賢街9號PopCorn商場2樓PopFood 4號舖(顯示地圖
電話:2149 0368
營業時間:12nn-4pm,6pm-11pm

食完咪走! 上花園吹風睇海景

油塘店位於大本型商場內,吃完拼盤除了可在商場逛街外,記者推介大家可到天台的小花園,有遊樂場和籃球瑒,亦有地方可坐坐,更可望到海景。

花園位於R/F,商場3/F在J-plus舖旁有電梯可上去。

門後便是小花園了

有遊樂場和小水池

行前一點可望到海景和遼闊天空,沒有高樓大廈阻擋視線,所以日落時有不少龍友都會特地過來拍照,如果遇著大日子放煙花,這個位置更加是堆滿人,絕對是睇煙花靚位。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..