三不館車仔麵殺入觀塘開分店！招牌特濃茄湯湯底＋得獎麻辣汁豬手

三不館車仔麵殺入觀塘開分店！

三不館車仔麵由大埔起家，憑著招牌麻辣豬手、多款特色秘製湯底打嚮名堂打出名堂，開業即成為區內人氣食店之一，同時亦衝出大埔，於荃灣和旺角相繼開設分店。最近店舖更開設第四間分店，選址觀塘工廠區，不少觀塘街坊及一眾打工仔們都感到期待萬分！

兩餸麵$34一碗，餸菜每款餸$9，價錢親民貼地，而且配料選擇豐富，有經典的雞翼尖、冬菇、豬皮、魚蛋等，亦有醬燒豬頸肉、鮮沙薑豬手、秘製香醬鳳爪等特色之選。湯底方面同樣有多款選擇，其中大推招牌鮮茄湯底，以本地番茄和牛茄鮮熬製三小時以上，堅持不加茄膏，湯底濃郁，味道酸香醒胃，而清湯底則以豬筒骨、豬湯骨、豬手、雞腳、大地魚、蝦皮等多種香料熬成，湯底清甜而不膩。

嗜辣的朋友就必試店舖招牌麻辣醬，當中用上20多款香料及醬料秘製而成，麻勁十足，香辣惹味，而且更曾廚藝大賽勇奪大獎，來頭不少。當中必試金牌麻辣豬手，由秘製麻辣醬炆製過，帶有麻香辣風味，加上肉質軟腍，滋味十足，同樣是店舖招牌菜式之一！

舊香港裝修風格 懷舊復古！

店舖除了食物出色外，裝潢風格亦很有特色，店內以50-60年代香港街頭為靈感，加入了多個懷舊復古元素，像是香港舊式招牌、紙皮石牆身等，本土風味十足，大家食飯之餘更可以影相打卡呃like！