日菜
日菜

【 隱世 日菜 】星級 米芝蓮 Omakase @Dining娜

飲食

廣告

(Presented by 玄鮨)

Photo:Him

我Dining娜每逢同閨密慶生,就想食豪啲,呢個已經係我哋嘅約定。唔夠兩個禮拜就要搞慶生飯敘, Omakase 好考師傅對嚴選時令食材同配搭嘅高超技巧,亦係展現日本料理嘅最高境界同美學藝術,女生一定唔會抗拒,一於搵間隱世 Omakase 賀生辰!

自由度高 Omakase

位處中環雲咸街樓上店嘅玄鮨,剛好坐落喧鬧嘅蘇豪同蘭桂坊之間,環境寧靜雅致,由曾於著名壽司店任職大廚嘅總廚鄭師傅坐鎮。呢度嘅菜式以刺身、壽司為主, Omakase 餐牌有3款選擇,價錢由$1,195至$1,995。

一般嘅 Omakase 都設有固定餐牌,但玄鮨就會經常轉款,師傅會視乎季節性而精選最靚食材。食客預早訂的話,可以因應個人喜好提出更改菜單或食材,例如鮟鱇魚肝、時令蟹, Omakase 餐牌上都冇嘅,想食又係當造嘅話可以預訂,彈性大。

冬天拖羅最肥美

不時不食絕對係 Omakase 嘅大原則,鄭師傅教路,秋冬至春天好多魚類都新鮮肥美,例如大拖羅、大油甘魚、赤目魚等等,油脂豐腴甘香,入口即溶,好多香港人都鍾意食,所以呢個時候嘅 Omakase 都會多用。

4屆 米芝蓮 隱世 日菜

玄鮨每日都有新鮮魚類、海產等食材由日本直送,每件刺身、壽司都好新鮮,每款菜式亦配搭精美,令人賞心悅目。呢間隱世 Omakase 已連續4年(2014-2017年)入選為「 米芝蓮 指南香港澳門」嘅推介壽司店,捧場客以港人熟客同喺附近工作、居住嘅外國人居多,亦有日本客同遊客幫襯。

3大識食hashtag

刺身、壽司每日空運直送,加上 米芝蓮 4年推介,無論新鮮度同創意配搭都唔會令人失望。欣賞呢間隱世秘店採取自由度高嘅 Omakase ,可享受廚師發辦嘅頂級造詣,同時又可以因應喜好作出微調,食到自己最想食嘅菜式。

#Omakase #米芝蓮 #隱世

 

玄鮨

地址:中環雲咸街63號巴力大廈3樓(港鐵中環站D2出口)(顯示地圖

電話:2537 5555

備註:設加一,收現金及信用卡

facebook:玄鮨 Xuan Sushi

 

最新吃喝玩樂資訊