龍蝦 包入面真係 龍蝦 ? 4大特點教你分 |Food Wiki|

龍蝦包入面真係有 龍蝦 ?有大大隻、啖啖肉蝦鉗,就是 龍蝦 ?錯!錯!錯!點解?4大特點,即刻分到哪隻才是 龍蝦 ,一於睇睇!
撰文:Ruby|圖片:新傳媒工作室、網上圖片

龍蝦包入面真係有 龍蝦 ?

香軟麵包,啖啖 龍蝦 肉的龍蝦包,好吸引。有厚肉蝦鉗就是 龍蝦 ?等我話你知誰是真 龍蝦 !

4點睇清 龍蝦 -波士頓 「龍蝦」

 

 
1.偽‧ 龍蝦
英文叫Lobster,學名是「螯龍蝦」,而不是「龍蝦」,屬海螯蝦科,「螯」是指蝦的第一對鉗,另外波士頓龍蝦的觸鬚亦較短。以美國緬因州的產量最多、質量最好,當地每年8月還會舉辦大型龍蝦節。

2.價錢平一半
游水貨某西貢海鮮檔約$280/斤,另一集團式酒樓食隻約1磅的$168,比「真・龍蝦」平一半,怪不得二百幾蚊的孖寶套餐,已可吃到龍蝦伊麵再加條蒸魚。(* 1磅=12両,1斤=1.32磅)
3.啖啖肉鮮味少
肉質結實,啖啖肉,鮮味明顯不及「真・龍蝦」,所以烹調時,一般也會多加調味如以芝士焗。

4.最大有半道門高
Size最細、約一磅重的叫「Chicken 」,磅半叫「Selects 」,足兩磅叫「Deuces 」,兩磅半以上便是「Jumbo’s 」。世界紀錄最大隻的波士頓龍蝦,於1977年在加拿大揾到,重44磅,有半道門高!

本地真 龍蝦 !

 

1.真‧龍蝦
本地常見的青龍屬龍蝦科,是真正的 龍蝦 ,英文是Spiny(多刺)或Rock Lobster。跟波士頓龍蝦最大的分別是「無鉗」,殼較硬、觸鬚長而有刺,蝦頭亦多刺拮手。
2.亞太區選手
「真・龍蝦」主要在亞太區出沒,共有三十多個品種,最常見的是印尼花龍,比較大隻的是澳洲火山龍,本地青龍、杉龍、日本伊勢海老則比較細隻。每年6月日本三重縣的「伊勢龍蝦祭」,居民會抬著巨大龍蝦神轎祈福。

3.身價double up
游水貨某西貢海鮮檔約$560/斤,另一集團式酒樓食約$320/斤,比波士頓 龍蝦 貴一半,三斤起才多肉,所以一隻要千多元。(* 1磅=12両,1斤=1.32磅1)

4.鮮甜做刺身
肉質爽彈,肉味鮮甜,簡單調味清蒸食最好。新鮮的花龍和日本伊勢龍肉質更是雪白晶瑩又爽甜,可作刺身食。

總結

無論邊款龍蝦,配合不同的食法,依然好味。講到尾都係各花入各眼,睇你喜好啦!
延伸閱讀:
抹茶?綠茶?點樣分? 抹茶定義 5大特點 幫你分! |Food Wiki|

最新吃喝玩樂資訊