滿瀉海膽飯、半打生蠔 只賣$1 ?! 鳴門 扭蛋優惠易唔易中? |旺角食乜好|
滿瀉海膽飯、半打生蠔 只賣$1 ?! 鳴門 扭蛋優惠易唔易中? |旺角食乜好|

滿瀉海膽飯、半打生蠔 只賣$1 ?! 鳴門 扭蛋優惠易唔易中? |旺角食乜好|

早前介紹過$20海膽$10生蠔,今次竟然愈食愈平,$1就食得到!旺角鳴門 魚市場居酒屋,最近推出優惠,只要$1就可以扭蛋抽出中獎項目,有機會食到特盛生蠔飯、半打生蠔等等,百分百中獎,超吸引!記者MandyKatie去實測過,發現都幾易抽中貴價食物,立即睇睇我哋抽中甚麼!

撰文:Mandy|攝影:Scott

鳴門 扭蛋新優惠!海膽飯、生蠔、刺身全部都係$1

今次的$1優惠,每晚限量30隻扭蛋,每4位可以抽1隻,愈多人惠顧就愈多優惠。扭蛋內有機會抽到特盛海膽飯、半打日本生蠔、刺身拼盤、鵝肝飯等等,問過店員,海膽飯及生蠔分別都有3隻扭蛋,中獎機率都幾高!

海膽飯 鳴門 1蚊

愛吃蠔的Mandy一心想抽中生蠔優惠,但最後抽中了原價$398的漁市場刺身拼盤,雖然抽不中心頭好,但係都算唔錯。

海膽飯 鳴門 1蚊

Katie則希望抽中特盛海膽飯,結果一抽即中,超級好運!

海膽飯 鳴門 1蚊

$1食物 質素如何?

漁市場刺身拼盤每日提供的刺身款式都不同,今日供應的有赤蝦、北海道帆立貝、池魚王、金目鯛、三文魚等等。雖然抽中了$1優惠,但食物質素毫不馬虎,仍然非常新鮮,入口魚油香味濃郁。

海膽飯 鳴門 1蚊
漁市場刺身拼盤 原價$598

至於特盛海膽飯,之前做$98優惠時已經大排長龍,大家食過都讚足料,今次來到$1優惠,質素維持不變,今次供應的海膽是北海道馬糞海膽以及韓國海膽。$1就可以食到滿滿的一個海膽山,真的超值!

海膽飯 鳴門 1蚊
特盛海膽飯 原價$238
記者推介配合紫菜一齊食
記者推介配搭紫菜一齊食

雖然店內不設最低消費,絕對可以食完$1優惠就走人,但一場來到,都會心思思想試其他食物,今次就選擇了同樣有機會以$1抽中的日本生蠔以及鵝肝飯。

這款來自日本的「宮城真蠔」,無花無假超好味,有手掌般大,入口海水味淡,質感偏向creamy,蠔身超厚,完全超乎意料地好吃!

海膽飯 鳴門 1蚊
日本宮城真蠔(半打)原價$588

平時「蠔精」Mandy食十幾隻蠔絕對是等閒事,但今次生蠔size實在太大,食了3隻都宣佈投降了。

海膽飯 鳴門 1蚊

至於鵝肝飯亦有驚喜,鵝肝入口充滿油香,超級邪惡,不過驚喜位反而是旁邊的魚子,粒粒都非常飽滿,味道鮮甜,可以中和鵝肝的油膩感。

海膽飯 鳴門 1蚊

30個扭蛋入面,每個都保證中獎,不過抽中邊款優惠,就要視乎閣下運氣了。今次記者們就好好彩,祝大家都好運啦!

鳴門魚市場居酒屋

地址:旺角染布房街12-14A依利大廈地下B號(顯示地圖
電話:2392 6106
優惠日期:即日起至7月31日
優惠時間:9pm至售完
參加方法:每2-4人扭一次、5-8人扭2次,如此類推

延伸閱讀
葵廣 3大新小店!!! 手工製芋圓豆花、足料海膽手卷
想知更多好玩旅遊、生活資訊,留意Mandy facebook專頁

mandy fb like3

想知更多吃喝玩樂資訊,快啲Like Katietong Facebook啦!

KATIETONG

最新吃喝玩樂資訊