馬鞍山賞花滋味遊。歎芝士奄列+抹茶Waffle!

身為「馬鞍山友」的你,知唔知馬鞍山三寶講緊邊三寶?查實就喺礦石、杜鵑花和赤麂(小型鹿的一種),小鹿隨著城市化消失無影無踪,礦石尚有些歷史遺跡可尋,詳見:馬鞍山礦村一日遊。最後的一寶便是杜鵑花了。

春天正是杜鵑盛放之時,我地特別為你準備了馬鞍山賞花+食好嘢行程。打龍之餘,當然要吃盡馬鞍山近期最Hit名食,如大熱芝士奄列、抹茶Waffle和鐵觀音雪糕等,今次行程最perfect之處,就喺所有check point的步程都十分鐘之內,真喺腳骨力都慳番!

行程:第一站 Lunch必拉芝士奄列 → 第二站 杜鵑無限打龍 → 第三站 小歇嚐鐵觀音雪糕 → 第四站 Tea Time抹茶Waffle

1. 馬鞍山店獨有~長拉長有芝士奄列

行程一開始就當然先serve五臟府,位於馬鞍山新港城中心這家日式洋食屋,藏於時裝店之內,主打有兩款馬鞍山店限定的美食,分別為芝士奄列和士多啤梨熱香餅,兩者同樣以煎Pan上保證熱辣辣!其中芝士奄列,奄列內藏大量芝士,拉極唔斷超邪惡!而熱香餅則以熊本縣特產的露之水滴士多啤梨,配以成吋厚熱香餅,色香味都perfect池!

Global Work Cafe by UCC
地址:馬鞍山鞍祿街18號新港城中心2樓2105號鋪(顯示地圖)
營業時間:11am-10pm
查詢:26732105

2.馬鞍山之寶 杜鵑

古代文青、詩人都特別愛賞杜鵑花,愛其色彩鮮艷奪目,花樣百出!每年三月中開始,各種杜鵑花便在馬鞍山各處盛放,本土的6種原生杜鵑花品種、紅杜鵑、香港杜鵑及華南杜鵑等,都可以在馬鞍山找到,要數杜鵑花最為盛放之處,必為馬鞍山公園與市中心一帶,事關歷年馬鞍山的杜鵑花節,居民都集中在公園與市中心一帶種花,加上馬鞍山公園鄰近海傍,賞花望海好relax!

馬鞍山公園
地址:馬鞍山鞍駿街十二號(顯示地圖)
開放時間:6:30am-11pm

3.清香幼滑 鐵觀音雪糕

打完龍,唔餓都要繼續食馬鞍山名物!有幾款下午茶甜品去開要試。先來個鐵觀音雪糕,暫時只有馬鞍山天仁茗茶提供,上月一出即成為排隊名物!鐵觀音雪糕確有鐵觀音清香,也無影響雪糕的幼滑,不過價錢就由早前的 $10試食價提高至 $18,仍屬抵試杯的價錢!還有款必試小食,就喺由台灣阿薩姆紅茶烹煮的茶葉蛋,蛋味甜之餘更有淡淡台灣高山茶的回甘甜味,必試!

天仁喫茶趣
地址:馬鞍山鞍祿街18號新港城中心2樓2038舖(顯示地圖)
營業時間:10am-10pm(雪糕於下午2時開始提供)

4.外脆內彈抹茶Waffle

行程最後一站,來到這家小小的Cafe享受抹茶Waffle,有清香抹茶味之餘,Waffle口感特別,外脆內彈,與其他Waffle外脆內軟的口感大大不同!另外Cafe還有多款特色的咖啡,例如紫薯Latte,有紫薯味又唔太甜,值得一試!

Bro & Sis Yogurt Café
地址:馬鞍山鞍祿街18號新港城中心1期地下4號舖(顯示地圖)
營業時間:1pm-11pm (星期一至五);11am – 11pm(星期六至日)

號外!卡通馬卡龍消失注意!

早前出現在新港市中心的卡通馬卡龍,一出Facebook立即瘋傳,不過可能因版權問題,記者今個星期去已全數消失!

最新吃喝玩樂資訊