馬鞍山
馬鞍山

連登仔為馬鞍山美食沙漠之首 除名!邊區才是眾望所歸奪冠?|飲食熱話

飲食

廣告

連登仔為馬鞍山美食沙漠之最首除名!日前有網民以「沙田市中心個邊仲劣食沙漠過馬鞍山」為題出帖,指沙田市中心比以高票數成美食沙漠榜首的馬鞍山更為惡劣,除了為馬鞍山在美食沙漠之首除名外,並大肆批評沙田市中心「成個商場無間好食」,帖文一出獲得不少網友和應,並紛紛留言指「全X部都係快餐」及「九成九連鎖大集團,真係唔知食乜」,劣評如潮,眾網友似乎認為馬鞍山至少一處是比沙田市中心優勝,美食沙漠之首有望改朝換代。

馬鞍山美食沙漠之首 被網民除名: 至少有壽司郎

之前在Facebook群組「香港茶餐廳及美食關注組」中高票當選美食沙漠榜首的馬鞍山,網民批評區內只有大商場,千篇一律都是連鎖店或飲食集團,少有創意小店。

不過日前有連登仔在討論區內以「沙田市中心個邊仲劣食沙漠過馬鞍山」為題出帖,並向一眾網友挑機「不服來辯」,他直言「連鎖快餐得黎仲要食飯時間一定周圍都勁多」,有網友更指「全撚部都係快餐,X,換個招牌,比一樣係快餐嘅嘢我,邊個唔知你地都係果幾間大集團咩,換完招牌再加價上60幾70,死剩果幾間普通野,多人食到」、「日日個邊放飯無啖好食」、「一係無野食,一係得頂樓啲餐廳、連城啲餐廳,貴X到X咁,又唔係特別好食」、「貴夾唔好食,又唔飽,垃圾中嘅垃圾」,而有不少同區人和應指「好運希爾頓都係冇野食,行遠啲瀝源禾輋先多少少非連鎖」,也有區內網友直指「馬鞍山就嚟開壽司郎,沙田乜X都無」,因此馬鞍山應在美食沙漠榜中退位讓給沙田市中心。

馬鞍山區內餐廳被指千篇一律都是連鎖店或飲食集團,無甚特色,而被票選成為美食沙漠之首。
馬鞍山區內餐廳曾被指千篇一律都是連鎖店或飲食集團,無甚特色,而被票選成為美食沙漠之首。(圖片來源:Google Map截圖)
有網民指馬鞍山有壽司郎,比沙田市中心更為優勝。
有網民指馬鞍山有壽司郎,比沙田市中心更為優勝。(圖片來源:壽司郎)

連登仔指沙田市中心無啖好食 網友:你無錢食啫

辯論從來有正反兩方,帖文中有不少持相反意見的網友,反駁樓主只是「窮」、「無錢食就話劣食」,「大會堂對面新城市正門一入地下同三期過邊咪有好多野食尤其一田入面」、「都算多嘢食啦,唔啱你心水啫」、「梅丘壽司美登利同穴都唔錯,不過上面班學生哥無錢食」「平心而論,食物中上,價錢亦中上,久唔久食吓就OK,成日食就免啦」,當中也有人反駁「點解連鎖就係難食?大把小店仲難食喎」,花生友嘲笑樓主「樓主既美食應該要50蚊樓下」、「可能兩餸飯都嫌貴」,而有跨區友也稱樓主身在福中不知福,「你返過黃竹坑就唔會咁講,屎都冇得買食」。睇完兩邊人馬各持己見,大家覺得馬鞍山才是美食沙漠?還是沙田市中心是劣食天堂?

馬鞍山 網民認為,沙田市中心已取代了馬𩣑山,成為美食沙漠之首!
網民認為,沙田市中心已取代了馬𩣑山,成為美食沙漠之首!(圖片來源:Google Map截圖)
馬鞍山 有網民為沙田市中心平反,指吃壽司,沙田亦有日本過江龍梅丘壽司美登利。
有網民為沙田市中心平反,指吃壽司,沙田亦有日本過江龍梅丘壽司美登利。(圖片來源:新假期編輯部)
馬鞍山 有網友認為只得連鎖快餐店的沙田市中心是美食沙漠。
有網友認為只得連鎖快餐店的沙田市中心是美食沙漠。(圖片來源:LIHKG 討論區截圖)
馬鞍山 同時有人投訴在沙田市中心食連鎖店都要大排長龍是該區成為美食沙漠的重要因素。
同時有人投訴在沙田市中心食連鎖店都要大排長龍是該區成為美食沙漠的重要因素。(圖片來源:LIHKG 討論區截圖)
馬鞍山 沙田友指不獨沙田市中心,就連好運或希爾頓中心也無好嘢食。
沙田友指不獨沙田市中心,就連好運或希爾頓中心也無好嘢食。(圖片來源:LIHKG 討論區截圖)
馬鞍山 有網友指沙田市中心的餐廳性價比低。
有網友指沙田市中心的餐廳性價比低。(圖片來源:LIHKG 討論區截圖)
馬鞍山 有網友批評樓主只是嫌貴,在沙田市中心肯花錢是可以吃到好東西。
有網友批評樓主只是嫌貴,在沙田市中心肯花錢是可以吃到好東西。(圖片來源:LIHKG 討論區截圖)

關鍵詞
飲食熱話
圖片來源:Google Map截圖、壽司郎、連登、新假期編輯部

最新吃喝玩樂資訊