錦田新開摩洛哥風Cafe! 土耳其洞穴打卡位+沙漠感異國風情+寵物友善|區區搵食(新假期APP限定)
錦田新開摩洛哥風Cafe! 土耳其洞穴打卡位+沙漠感異國風情+寵物友善|區區搵食(新假期APP限定)

錦田新開摩洛哥風Cafe! 土耳其洞穴打卡位+沙漠感異國風情+寵物友善|區區搵食(新假期APP限定)

因為疫情關係,莫講話踏出亞洲,就連澳門都去唔到,真係好掛住外遊嘅感覺呀!最近發現錦田開咗間新摩洛哥風Cafe,裝修充滿異國風情,好似去摩洛哥走咗轉咁,開業僅僅兩星期,就已經吸引咗長長人龍排隊潮聖,網民更表示朝早10點去到拎完籌都要等到下午4點先有得入座,等記者帶你睇吓呢間餐廳有咩咁吸引!

撰文:Icy|來源:新假期編輯部、IG

錦田新開摩洛哥風Cafe!
土耳其洞穴打卡位+沙漠感異國風情+寵物友善

位於錦田紅磚屋市集嘅La Cafeteria,最吸睛嘅地方就係門口個室外打卡位,仿如土耳其洞穴嘅設計,配合聖母像、花草植物、木製窗戶及擺設,喺藍藍晴天嘅時候去,真係好似去咗歐洲島嶼一樣!加上亦係寵物友善餐廳,可以週末帶住毛孩一齊去郊遊。

錦田新開摩洛哥風洞穴打卡餐廳!沙漠感異國風情+|區區搵食(新假期APP限定)
呢個位置有種別有洞天嘅感覺,彷如走入世外桃園。(圖片來源:IG@dinosaurs_foodie)
錦田新開摩洛哥風洞穴打卡餐廳!沙漠感異國風情+|區區搵食(新假期APP限定)
呢個打卡熱點長期都有人影緊相,無論點影都唔似係香港!(圖片來源:IG@IG@dinosaurs_foodie)

餐廳提供食物種類唔算多,主要提供小食、薄餅、三文治、甜點及飲品。不過價錢都算合理,最貴嘅薄餅都只係$130,味道質素都有返咁上下。另外飲品價錢都相對平,咖啡及茶不論冷熱口味,全部都只係$35杯,反而梳打水同礦泉水最貴,要成$40杯,睇嚟今次見字都未必會飲水!

(圖片來源:IG@)
炸椰菜花 $65(左)、黑松露雜菌酸種包 $75(中)、美式辣肉腸薄餅 $130(右)。(圖片來源:[email protected]
(圖片來源:IG@)
味道酸酸甜甜幾滋味。食物平均味道不過不失,如果再大份啲就更好!(圖片來源:IG@yue0227)

餐廳分室外及室內座位,位置數目唔算多,但勝在環境非常適合影相,而最重點嘅洞穴打卡位並唔會坐人,所以只要乖乖地肯排隊就一定影到靚相。

室內燈光會比外面昏暗,但依然咁「IG able」,全店以木系設計為主,最好襯返淺色衫影相。(圖片來源:IG@)
室內燈光會比外面昏暗,但依然咁「IG able」,全店以木系設計為主,最好襯返淺色衫影相。(圖片來源:[email protected]
重點嘅洞穴打卡位並唔會坐人,只要肯排隊就一定影到靚相。(圖片來源:新假期編輯部)
重點嘅洞穴打卡位並唔會坐人,只要肯排隊就一定影到靚相。(圖片來源:新假期編輯部)

不過由於錦田紅磚屋只限星期六、日及公眾假期開放,連帶呢間餐廳都只會開係週末,想打卡記得要預早去到排隊拎定籌先。

從室內嘅木窗望出嚟,不妨避免正面望鏡頭,可以營造不經意嘅表情,影落就唔會太自然造作。(圖片來源:新假期編輯部)
從室內嘅木窗望出嚟,不妨避免正面望鏡頭,可以營造不經意嘅表情,影落就唔會太自然造作。(圖片來源:新假期編輯部)
用嚟分隔室內同室外嘅木門都係其中一個打卡位,不過呢個位記得要快快手影,免得阻住其他客人出入啊~(圖片來源:IG@)
用嚟分隔室內同室外嘅木門都係其中一個打卡位,不過呢個位記得要快快手影,免得阻住其他客人出入啊~(圖片來源:[email protected]

餐廳亦有樣加分位,就係員工服務態度都好好,亦會主動提出幫客人影相打卡,就算情侶閨密去到都唔驚無張合照見得人啦!

(圖片來源:IG)
閨密夾定dresscode去打卡,有無搵返啲旅行嘅感覺呢~(圖片來源:IG@yue0227)
入座時間得90分鐘,記得把握時間影相!(圖片來源:新假期編輯部)
入座時間得90分鐘,記得把握時間影相!(圖片來源:新假期編輯部)
  • 地址:元朗錦田錦上路祠堂村地段390至400紅磚屋(顯示地圖
  • 營業時間:星期六、日及公眾假期 10:30am – 7:30pm
  • 電話:2482 2188
  • Facebook專頁:La Cafeteria HK
  • Instagram專頁:@lacafeteria_hk
  • 注意事項:
    1)只接受walk in,早上10時會現場拎籌,不設預約。
    2)只收現金
  • 交通:由錦上路地鐵站B出口步行至紅磚屋,需時約15分鐘左右

最新吃喝玩樂資訊