邪惡飲食地圖系列!港台韓美4款奇味 爆谷 比拼!

發掘大街小巷裡隱藏的美味既是我們為食的天性,亦是使命!無論新舊,只要還營業中而且好味有特色的餐廳食店,我們都不會放過。

介紹返今次主角:爆谷!

爆谷_popcorn_爆米花

爆谷 雪糕咁hit,都係因為涼浸浸軟雪糕上面,有脆卜卜的 爆谷 ,食落滿足之餘,最緊要係可以堆到成座山咁高,有晒視覺效果!而且, 爆谷 用來做零食絕對是一個不錯的選擇,就等我哋為大家介紹4款 爆谷 ,港、台、韓、美,總有一款係你心水!

1. 韓國人氣小魔怪爆谷

韓國雪糕品牌Sweet Monster,他們會有一部流動雪糕車,走勻各大潮流區,例如弘大和新沙洞等,成日都大排長龍,今個月終於登陸香港,依然人氣爆登!其中, 爆谷 雪糕仲好受歡迎,好食之餘,用來影相打卡一流!今次記者就淨係買佢哋個 爆谷 來試食,看看會有什麼樣的效果。

爆谷_sweetmonster_popcorn
Sweet Monster 爆谷 總共有五款味道,(左起)分別是草莓、牛奶、焦糖、芝士焦糖MIX和朱古力。
爆谷_sweetmonster_mix
芝士焦糖MIX,$29/盒。
焦糖味甜甜地,與戲院的爆谷味道相似,而芝士味幾香,與焦糖味一齊食,兩隻味道都幾夾。

小總結:味道方面是好食的,同時都算脆,但會有少少黏住牙齒。不過,如果當作零食的話就略為不夠邪惡,唔會食唔停口,所以都係夾返雪糕食比較好食。

爆谷_sweetmonster_icecream
爆谷雪糕 $39。
記者覺得爆谷加雪糕比較好食,加上又可以影張爆谷層層壘雪糕相,放上網呃Like一流!

爆谷_sweetmonster_門口

Sweet Monster
地址:旺角亞皆老街8號朗豪坊三樓10-19號鋪(顯示地圖
營業時間:星期一至日: 11:30-22:00

2.芝士迷必試!超濃郁煙燻芝士味爆谷

Garrett Popcorn在美國已經好受歡迎,他們最出名的芝加哥風味 爆谷 ,即是焦糖加芝士味,有好多人都話會食唔停口。最近他們新出了煙燻芝士味,是期間限定,八月至九月才會有的口味,不論是味道抑或香味都有非常濃郁的芝士味!芝士迷要食就要馬上行動了!

爆谷_garrett_popcorn
煙燻芝士味 $70/大。
濃郁車打芝士味,咸中帶點煙肉味,愛芝士的朋友可以一試!
芝加哥風味,即焦糖加芝士味,在外國和香港都非常受歡迎。
芝加哥風味爆谷,即焦糖加芝士味,在外國和香港都非常受歡迎。
Garrett包裝都幾靚,價錢分兩種包裝收費: 袋裝:$35/細;$50/中;$70/大;$130/珍寶 罐裝:$99/細;$239/中;$449/大
Garrett分兩種包裝,價錢:
袋裝:$35/細;$50/中;$70/大;$130/珍寶
罐裝:$99/細;$239/中;$449/大

小總結:芝士味真的很濃郁!咸得來帶點煙肉味。不過,濃味芝士都比較咸和膩,好快食到飽。

提提你:元朗開了新分店,又有多一個機會去食芝士爆谷了~

Garrett Popcorn
元朗分店
地址:元朗元龍街九號YOHO Mall一樓1072號舖(顯示地圖
營業時間:星期一至日:10:00-22:00
電話:2898 3733

中環分店
地址:中環港景街一號IFC商場一樓1050號舖(顯示地圖
營業時間:星期一至日:10:00-22:00
電話:2234 7494

九龍塘分店
地址:九龍塘達之路八十號又一城UG 24號舖(顯示地圖

營業時間:星期一至日:10:30-22:30
電話:2234 7738

3. 超脆星球爆谷 食到停唔到口

台灣人都愛食的一個 爆谷 品牌,來到香港一樣受很多爆谷迷愛戴。之所以叫做星球爆谷,是因為他們的爆谷的形狀相比坊間的爆谷較為圓,像個星球球體。而他們所推出的爆谷,特別在於有很多得意口味,例如紫菜、粟米湯、泡菜,甚至是三杯雞味。這些味道主要是咸味,那就可以試試甜味焦糖以外的爆谷味道。而且,爆谷吃起來非常脆!也不會黏住牙齒,抱住盒裝爆谷,絕對會食到唔停口。

爆谷_planet_kimchi
星球工房現時有11款爆谷味道,分別是原味、粟米湯、泡菜、芝士、拖肥焦糖、焦糖、紫菜、焦糖布丁、三杯雞、朱古力和抹茶味。
爆谷_planet_popcorn
爆谷價錢:袋裝:$45;桶裝:$70

小總結:泡菜和三杯雞的辣是有其分別;泡菜的味道是酸酸甜甜,都算有泡菜的特質;至於三杯雞味,相比較辣,辣得來都幾香。不過,如果一開始要我估,我未必答得出是泡菜味或者是三杯雞味。另外,記者私下有試食紫菜味,非常香;而芝士味,味道其實有點像咖哩味。

星球工坊 Planet Popcorn
荷里活分店
地址:九龍鑽石山荷里活廣場3樓舖位D(顯示地圖
營業時間:星期一至日11:00-21:00
電話:23899798
觀塘分店
地址:九龍觀塘創紀之城5期apm UC-SP4(顯示地圖
營業時間:星期一至日11:00-23:00

電話:23899798

荃灣分店
地址:香港荃灣荃錦中心 L2 82號舖(顯示地圖
營業時間:星期一至日11:30-21:30

中環分店
地址:香港中環德輔道中68號1樓(顯示地圖
營業時間:星期一至日11:00-19:30

元朗分店
地址:香港青山公路249-251號元朗廣場GF OS-6(顯示地圖
營業時間:星期一至日11:00-21:00

4. 香港特色奶茶味爆谷

香港人對奶茶都會有種情意結,尤其鍾情於茶餐廳奶茶。所以,坊間都會有好多商品都會推出奶茶味來吸引一眾愛奶茶人士。先有奶茶味糖,再有奶茶味雪糕,一推出就馬上有一班食評家發表評論,唔知,今次呢隻奶茶味 爆谷 ,效果又會如何呢?

爆谷_sote_thechacha
The Cha Cha $45/大。
雖然奶茶味道不是想像中的相似,但它的香脆度十分足夠。
爆谷_sote_popcorn
焦糖漿滿佈爆谷表面,賣相不俗。
爆谷_sote_size
爆谷價錢:
包裝:$40/細;$45/大
盒裝:$40/細;$60/大
爆谷_sote_coconutoil
在吃甜味爆谷時,除了吃到焦糖味,亦會淺淺地嚐到椰子味,事關店主用了椰子油來製作爆谷,而椰子油熱量相對更低,就唔怕食多幾粒啦。

小總結:在試食奶茶味爆谷時,會先吃到奶味,茶味在後慢慢滲出來。雖然奶茶味道不是想像中的相似,但它的香脆度十分足夠,值得一試。另外,記者覺得幾有趣的味道是辣椒青檸味,其實食落是冬陰公味,辣得來帶點酸,爆谷味道來說幾有趣。

Sote
地址:半山羅便臣道21號豪景閣地下3B號舖(顯示地圖
營業時間:星期二至六: 12:00-20:00;星期一及星期日休息

介紹完四間爆谷店的爆谷,就來個評分一覽吧~我們會以味道款式、香脆度、美味道、味道相似度和邪惡度來評分,五顆星為最高分。

爆谷_popcorn

 

味道款式補充資料:
Sweet Monster:草莓、牛奶、焦糖、芝士焦糖MIX、朱古力
Garrett:芝士焦糖、焦糖、芝士、煙燻芝士、牛油、原味、杏仁焦糖、腰果焦糖、夏威夷果仁焦糖
星球工房:原味、粟米湯、泡菜、芝士、拖肥焦糖、焦糖、紫菜、焦糖布丁、三杯雞、朱古力、抹茶
Sote:焦糖海鹽、原味、奶茶、檸檬蜜糖、辣椒青檸、咖啡雲呢拿、黑辣芝士、蜜糖肉桂、蕃茄九層塔、椰子甜咖哩、美式辣醬

最多款式

星球工房和Sote同時擁有11款味道。星球工房的款式會帶點台灣和亞洲風味;而Sote的爆谷會帶點美國風味和多辣味款式。

最香脆

星球工房和Sote同樣香脆,但它們的脆帶點分別;星球工房的脆是會帶點鬆化,不會黏住牙齒;而Sote的脆是較為實,會有點像吃果仁。

最美味

Garrett的煙燻芝士味道真的很濃郁!相對其他品牌所推出的芝士味是較為出色,很入味,作為芝士迷絕對會食唔停口!

味道最相似

由於Sweet Monster和Garrett所推出的味道都是大路正常味道,所以,味道相似方面是一定有保證。

最邪惡(即最食唔停口)

作為零食,一定要具備食唔停口的元素;作為爆谷,就一定要夠香脆;而星球工房的爆谷是絕對符合這兩個元素,事關他們的爆谷咬下去很鬆化香脆,質感不黏牙齒又不黏手,如果食桶裝仲邪惡,抱住食真係好容易食唔停口,邪惡指數爆燈!

EmagQRcode
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

最新吃喝玩樂資訊