邪惡炸Mozzarella 芝士粒! 平民價、酒店貨街頭小食 |銅鑼灣有咩好食|

銅鑼灣一向多食肆,但價格都偏貴,今次記者Mandy發現鬧市之中多了一間平價西式小食,炸Mozzarella 芝士粒、薯蓉田螺、白酒青口等等都有,從此銅鑼灣掃街不再局限於魚蛋燒賣格仔餅!

新店位於景隆街,正正在小巴站旁,小食全部即叫即整,超級新鮮。主理菜式的Kent曾於多間酒店任職西廚,今次希望以大眾化的價錢,為大家提供平日只有在餐廳才食得到的西式小食。「美味港」開業大約一個月,已有不少熟客仔,其中以炸Mozzarella 芝士粒以及莎莎醬炒魷魚鬚最受歡迎。

炸Mozzarella 芝士粒 $35

Mandy一向是芝士精,今次遇到呢粒炸芝士,簡直食到停唔到口!以麵包糠包裹著Mozzarella 芝士粒,再加上香草,有芝士味之餘亦有香草的香味,好食!另外亦配有蘋果沙律,中和返煎炸食物的油膩感,不過始終是炸物,所以食完都有少少熱氣。

莎莎醬炒魷魚鬚 $38

以秘製莎莎醬加入忌廉,有少少辣,都幾惹味。但Mandy最欣賞的是魷魚鬚本身,超級新鮮彈牙,而且咬開亦水分十足,是我食過質感最好的魷魚!

除了小食,店舖亦有比較飽肚的食品,並將在4月初推出新品,包括以下這款蝦堡。

原隻鮮蝦堡 $45

蝦堡以原隻鮮蝦打成,配上熱熔芝士及沙律醬,超級邪惡,但係同時表示極度心心眼!

美味港

地址:銅鑼灣景隆街5號地下B舖(顯示地圖
電話:92334373
營業時間:11:30am-10pm

延伸閱讀
新開嗲貓貓Cafe! Hea食水準甜品拼盤 |銅鑼灣有咩好食|
Miffy登陸銅鑼灣! 8款得意精品+2大影相位逐個睇|銅鑼灣好去處|

最新吃喝玩樂資訊