One Little Room 外賣店 文青必去睇海景歎咖啡 |觀塘有咩好食|
One Little Room 外賣店 文青必去睇海景歎咖啡 |觀塘有咩好食|

One Little Room 外賣店 文青必去睇海景歎咖啡 |觀塘有咩好食|

飲食

每逢放假就想去d少人嘅地方輕鬆一吓,同朋友仔野餐都係一個唔錯選擇,不過次次都要自己準備食物好麻煩,宜家為你介紹一個可以邊食嘢邊睇海景嘅好地方!熱捧咖啡店 One Little Room 喺觀塘海濱花園開分店,不過今次店舖冇座位,只提供外賣,但就有成個公園畀你坐!放假去飲咖啡,仲可以望住維港吹吓海風,慢活人生好寫意。

 

One Little Room外賣店 公園有靚咖啡飲

咖啡店老闆好鍾意到海濱公園跑步,曾經有諗過可以喺海邊歎咖啡,咁啱見到公園招標,便寫計劃書申請,結果夢想成真!呢度不單止有普通咖啡,如濃縮咖啡、鮮奶咖啡等等,還有冰滴咖啡、人手即沖的精品咖啡,等你喺公園都可以享受高質咖啡!

觀塘_One Little Room
外賣店位置較偏遠,但店舖外有不少咖啡的佈置,不難發現它的跡影。

冰滴咖啡 $48 連玻璃樽及杯 $66

觀塘_One Little Room_ 冰滴咖啡
要用12小時滴漏,再需時兩日去冷藏發酵,咖啡味道才會非常香醇。若你怕影響咖啡口感,可以加$18買玻璃樽及杯,好好品嚐咖啡的原汁原味。

精品咖啡 $48

觀塘_One Little Room_精品咖啡
店內每天要有4種咖啡豆給客人選擇,種類會不定期轉換,呢杯精品手沖咖啡採用來自尼瓜拉瓜的咖啡豆。

雲端上的伯爵 $38

觀塘_One Little Room_雲端上的伯爵
伯爵茶上放了一層奶泡,加入少量紅桑子糖漿,令茶帶有微甜,口感更滑。

食物精緻 價錢親民

除咗咖啡,外賣店會有各款鹹甜點,食材與紅磡店一樣,質素有保證之餘,價錢仲比紅磡店平兩至三成。不過,現時只有少量鹹點,有部分食品還未推出,要等下到5月中先有得食。

泡沫咖啡窩夫$40

觀塘_One Little Room_ 泡沫咖啡窩夫
窩夫因加入即磨濃縮咖啡,會有淡淡咖啡味,加上空氣感豐富的奶泡,感覺好似飲Cappuccino一樣。
可可窩夫 $46

觀塘_One Little Room_ 可可窩夫
窩夫用巴西可可仁及可可粉製成,入面仲會有可可仁,有口感之餘,仲食到可可仁的回甘帶酸的味道。

焦糖燉蛋 連蛋殼$38/隻

觀塘_One Little Room_ 焦糖燉蛋
燉蛋略嫌不夠滑,但質地結實,蛋味濃郁。
芝士吞拿魚多士配沙律 $46

觀塘_One Little Room_ 芝士吞拿魚多士配沙律
麥包外脆內鬆軟,吞拿魚蛋黃醬酸酸甜甜,配芝士,夠惹味又唔會太膩。

可借地蓆木箱 邊野餐邊吹海風

有不少顧客光顧後會到公園慢慢飲咖啡吹海風,有見及此,店主為客人提供貼心服務,只要消費滿$120,便可以用$150按金借地蓆和木箱,在公園草地望住海景野餐。

觀塘_One Little Room_地蓆及木箱
消費滿$120,便可用$150按金借地蓆和木箱,木箱更可以當枱使用,非常方便。
觀塘_One Little Room_海景 1
買完咖啡同嘢食,可以坐喺附近草地一路食一路欣賞維港。

One Little Room – Harbour Front
地址:觀塘海濱道183號觀塘海濱花園(近牛頭角九龍貨倉)(顯示地圖
營業時間:星期一至五: 8:30am-8pm;星期六至日及公眾假期12nm-8pm
電話:6760 2050
備註:不設加一、只收現金。

想知更多吃喝玩樂資訊,就快d like Sam拍胃 facebook page啦!

sampakwai

最新吃喝玩樂資訊