觀塘 工廈6大特色主題café

如果你咁橋去到 觀塘 血拼,行到腳仔軟,最好就係鑽入靚裝的主題 café, 歎杯咖啡食件cake,靜靜地hea吓!略嫌淨飲太單調,咁不如睇睇以下幾家特色 café , 有貓仔陪玩的貓 café ,亦有漫畫任睇的台式咖啡店,仲有三合一單車概念店, 觀塘 內總有一個屬於你的如綠洲。

(最新情報可見:觀塘食店2018最新合集

1.貓奴新竇 Cat Nap

貓出沒!注意!說的是 觀塘 出現了一家以貓為主題的 café 。 café 由兩位90後姊妹開設,因為兩姊妹都是愛貓之人,所以便開了這間貓 café 。叫得做貓 café 當然有喵星人陪玩陪食,這裡共有6隻貓PR 畀客人任玩任抱。有貓陪玩之餘,家姐Kiana 仲會自製cup cake,其中Minions 造型的香蕉瑞士卷是必試之選!仲有綠茶控最愛的宇治金時瑞士卷,同樣充滿homemade 味道。

Cat Nap

地址:觀塘成業街19-21號成業工業大廈10樓1021室(顯示地圖
電話:6974 1376
營業時間:12nn-9pm
備註: 入場費首1小時$50(包飲品一杯);$80(包飲品一杯,甜品或小食一份);其後每小時$30

2.單車主題 Café 歎神秘三文治

店主Queenie 同Hughes 既是情侶亦是單車發燒友,由當初只搞Urban Cycling,繼而在網絡上搞了個「興趣小組」,到後來索性開了這間集單車概念店同 café 於一身的髦民士多。士多除售賣tokyobike、 賣配件飾物、提供簡單的單車維修外,每天亦會供應一款咖啡同幾款花茶。Queenie會親自下廚炮製神秘三文治。佢每日到附近麵包店購買新鮮出爐麵包,再配上新鮮食材,做出各款特色三文治。三文治都不在menu 上, 想食出聲就得!價錢方面同店主一樣隨和,想畀幾多就幾多,悉隨尊便!

髦民士多

地址:觀塘興業街16-18號美興工業大廈B座11樓B11室(顯示地圖
電話:9823 9179
營業時間: 星期三至五2pm-8:30pm、星期六及日12nn-8:30pm、星期一及二休息
備註:不設加一,收現金及EPS

3.時裝精蒲點 Issy Mason Café

Issy Mason 原本是一間設計師寄賣店,7月轉型為 café ,主打天然無添加菜式,大廚更曾是5星級酒店的西菜主廚,無論肉類或菜類都由外國每日新鮮入口,雖然都是大路的西餐,但午餐、下午茶、晚餐加加埋埋卻比一般 café 多選擇。轉型後,店內繼續保持著售賣潮流服飾的一角,供本地設計師寄賣。店主更透露,即將會引入更多古董擺設,裝飾之餘,如客人喜歡便會割愛賣出,看來多多諗頭的店主不久後又會把店舖來個大革新!

Issy Mason Café

地址:觀塘開源道62號駱駝漆大厦1座9樓D室(顯示地圖
電話:2774 1008
營業時間: 星期一至六及公眾假期 11am-11pm、星期日休息

4.家具試用 café HOWE Café

打開升降機門,眼見店內放滿各款家具和擺設,唔講唔知,原來這裡還是一間 café !HOWE 是一家實木傢俬店,除了可買店內現成的一枱一凳外,更可自攜設計圖到店內以實木製作,造出完全合你心意的家具!而且店主希望能夠以輕食令客人仿如置身家中一樣,邊食邊「試用」桌椅!貫徹天然木材的理念,以茶為主打,食物有All day breakfast、沙律、墨西哥手卷等選擇。唔想每個周末都蒲starbucks?這裡絕對舒服到可以令你hea 足一日。

HOWE Café

地址:觀塘興業街19號明生工業大廈11樓(顯示地圖
電話:3689 0085
營業時間:星期一至六 11:30am-10pm、逢星期日及公眾假期:須預約
備註:BBQ套餐由20人起,價格為$6,500,包括了基本燒烤用品和21款食物,須5天前預約

5.盒子裡的良心美食 八一O四生活盒子

八一O 四,組合起來打直看正正是個「盒」字。嚮往慢活的店主Mable 同王承,希望透過 café 跟別人分享生活態度和環保意識。這裡8成食材都是來自本地農民和有機菜,店主亦會採用公平貿易食品,以行動支持良心生產者。每個月首個星期三定為Greenday,只會提供素食,平日會有三款午餐供選擇,晚上更有私房菜供應。餐廳廚餘亦會透過「雅膳廚餘回收計劃」再造成肥料,夠晒環保!店主還會定期舉行工作坊,小小的盒子填滿生活的創意!

八一O四生活盒子

地址: 觀塘成業街19-21號成業工業大廈1樓104室(顯示地圖
電話:3460 4111
營業時間:12nn-6pm(星期日及公眾假期休息)
備註:私房菜$280/ 位( 6人以上3日前訂位)

6.獨賣茶香雪糕

生於茶香世家,屬榮源茶行第二代的Celia 同Maggie,自小就已經愛上中國茶,眼見中國茶可塑性甚高,於是親身飛去台北向當地師傅學做茶味Gelato。返來膽粗粗跟兩位同是80後的朋友開了這家主打茶味雪糕的 café 。六款以中國茶味為主的雪糕採用健康果糖加上靚茶葉製成,軟滑雪糕透出淡淡茶香,除普洱和抹茶外,還有較特別的功夫茶、玄米白茶。想學整亦得,因為定期會有雪糕班,即製即食,100% 新鮮!

慕茶

地址:觀塘開源道55號開聯工業中心A座7樓25室(顯示地圖
電話:6257 9982
營業時間:星期一至四 12nn-7pm、星期五至六 1pm-10:30pm、星期日 1pm-6pm

 

延伸閱讀:
蘇豪酒店廚落戶 工廈 Food Court 【觀塘】
$300種出阿愁 DIY沙畫盆景 【觀塘】

最新吃喝玩樂資訊