葵芳壽司
葵芳壽司

港女不滿葵芳壽司店!外賣入口常溫+刺身紙咁薄 圍爐不成反被嘲|飲食熱話

飲食

廣告

港女不滿葵芳壽司店外賣壽司入口如常溫、刺身紙咁薄,圍爐不成反被嘲!近日有網民於Facebook群組「香港壽司刺身關注組」發文,圖文並茂指稱自己在葵芳某間新開的外賣壽司店購入了壽司,15分鐘後返到家中即食,難以置信入口「啲魚生係接近暖」,並怒斥「嚿飯超迷你都算,塊魚生薄過紙接近透明」,還好這個世界有圖有真相,不少網民看罷事主上載的壽司圖片,即紛紛指責她無理取鬧,圍爐不成反被網民嘲笑無知,慘被圍攻,事主最後只好急刪敗走!

港女不滿葵芳壽司店: 壽司變暖唔肚屙要感恩 力數壽司店食材處理差

事緣有網民於Facebook群組「香港壽司刺身關注組」發文投訴葵芳某間新開的外賣壽司店,以$128購入12件壽司、味噌湯及沙律菜,表示自己「15分鐘後返到屋企已即刻食,啲魚生係接近暖」,大力指控店家「大熱天時35度只做外賣無堂食,啲魚生刺身係咪應該要雪凍啲,食完無肚痾要感謝」,女事主更指出壽司店的賣點是即叫即整,讓她在酷熱的街上等足十幾分鐘才獲得「嚿飯超迷你都算,塊魚生薄過紙接近透明,啲飯一夾即散」、質素比連鎖超級市場的還差的壽司,連珠發炮地數落味噌湯太鹹及沙律菜熱,指斥壽司店食材處理差,「壽司師傅無咁嘅功力,用機壓算吧啦」,把壽司店彈得一文不值。

葵芳壽司
(圖片來源:[email protected]「香港壽司刺身關注組」截圖)

港女圍爐不成急刪文 網民嘲笑一致負評

孰料帖文一出,看罷事主上載的壽司圖片後,網民一致負評事主,並不贊同她所指的「塊魚生薄過紙接近透明」,有心水清的網民大大力嘲笑「佢用開咩紙?或者佢係咪對透明有咩誤解」、「舊飯睇唔到有幾細」。另外對於她「魚生刺身雪凍啲」的要求,創意無限的花生友就話「就算無冰袋,都會問舖頭攞啲冰,乜都唔做就鬧人,係咪有啲過份呢」,「就嚟個師傅要好似謝天華去比賽咁,用冰雪住對手之後先整壽司」、「要搵Elsa幫佢雪到冰」。

葵芳壽司 共12件壽司、味噌湯及沙律菜,花費了港幣128元
12件壽司、味噌湯及沙律菜索價不過$128, 大部分網民覺得價錢合理,也不覺「魚生薄過紙」,批事主誇張失實。(圖片來源:[email protected]「香港壽司刺身關注組」截圖)

網民:正常壽司係應該接近室溫,而唔係凍!

另有見多識廣的網民指出「正常壽司係應該接近室溫,而唔係凍嘅,尤其係落完單即做個啲…….超市或者要放響度等人買嘅先會雪住,你嫌佢『唔夠凍』其實即係間接同人講『自己食慣屎』」、「其實係香港人覺得壽司、刺身要好冰凍。魚肉係室溫會釋放鮨味。唔係點會有熟成」,叫事主不識貨也不要自曝其短,鬧人之前最好惡補常識。最後事主圍爐不成反被網民嘲笑無知,最後只好急刪敗走!

葵芳壽司 有網民指「正常壽司係應該接近室溫,而唔係凍嘅,尤其係落完單即做個啲......超市或者要放喺度等人買嘅,先會雪住。」
有網民指「正常壽司係應該接近室溫,而唔係凍嘅,尤其係落完單即做個啲……超市或者要放喺度等人買嘅,先會雪住。」(圖片來源:[email protected]

圖片來源:[email protected]「香港壽司刺身關注組」、unsplash

最新吃喝玩樂資訊