華爾登餅店西環傳統老餅 Mirror月餅+心型荷蘭撻|二代掌舵人|外賣食乜好

飲食

廣告

華爾登餅店屹立於西環38年,近年由第三代Naomi接手,老餅荷蘭撻、月餅、三角朱古力蛋糕等保留傳統味道之餘,亦作出嶄新轉變,正如Naomi所說:「不作出改變,只會愈來愈少人留意。」面對著老餅店的新舊交替,兩代人之間是矛盾、包容還是融合呢?

華爾登餅店 西環38年老字號

華爾登餅店,於1984年西營盤皇后大道西開業,當時Naomi的爸爸孫先生,租下了現時舖位,跟Naomi媽媽兩公婆拍住上。起初邊做邊學,之後漸漸上手,留住了一班西環街坊的胃口,而Naomi及她的哥哥,亦不時落舖幫忙打理細務。直至2009年,孫生離世,為這間舖帶來重大的改變。哥哥接手一段時間後希望外闖,故接掌華爾登餅店的重任,就落在當時在做Marketing工作的Naomi身上。「我都考慮咗半年,當時咁啱升職,但如果我唔返嚟,媽咪應該應付唔到,最後我選擇咗返嚟。」

華爾登餅店 華爾登餅店現時由第二代孫太負責製餅,第三代阿女Naomi負責推廣及其他行務。
華爾登餅店現時由第二代孫太負責製餅,第三代阿女Naomi負責推廣。(圖片來源:新假期編輯部)
華爾登餅店 孫太一直跟師傅學習做舊式西餅,邊做邊學。
孫太的做舊式西餅的手藝,是向老師傅邊做邊學。(圖片來源:新假期編輯部)

出手改變 標誌性貓Logo誕生

Naomi接手後,起初3個月的適應期只坐在收銀位無所事事,與媽媽也沒有太多交流,後來Naomi不甘於此,開始想辨法將生意做得更好。「第一想法是在自己的西餅印上Logo。」Naomi花了足足8年時間設計及改版,才誕生了現今廣為人知的「屌屌貓」。「其實原本隻貓就想有『中指』, 不過係做人要有宗旨嘅意思;屌屌貓意思係台灣用語,代表勁咁解,並唔係粗口。」

華爾登餅店 阿Naomi一開始回到舖頭做收銀為主。
Naomi一開始回到舖頭做收銀為主。(圖片來源:新假期編輯部)
華爾登餅店 屌屌貓是華爾登餅店的Logo。
屌屌貓是華爾登餅店的Logo。(圖片來源:新假期編輯部)

傳統西餅印金句 Naomi:希望買走嘅人有開心感覺

第二個改變則是印上正面的字句,用意是希望買走的人開心。Naomi說道:「我希望傳統西餅可以傳承下去,我買咗過百個字模,印喺唔同餅上,好多人會因為句子意思而買。我試過做一個實驗,成盤都冇印字,結果成盤紙包蛋糕都冇人買。」外觀上的改變,但內餡卻保留傳統味道,同樣是傳承的一種新方式。

華爾登餅店 Naomi曾試過將一盤紙包蛋糕沒有加入印字元素,結果整盤都沒有人購買。
Naomi把不同金句印在紙包蛋糕上。(圖片來源:新假期編輯部)
華爾登餅店 店內有過百個印模,除了圖案外,還有香港人的金句。
店內有過百個印模,除了圖案,還有不少香港人金句。(圖片來源:新假期編輯部)
華爾登餅店 當中包括正面話句。
當中不少句子,也會引起香港人共鳴。(圖片來源:新假期編輯部)

臨近中秋,每年華爾登餅店都會做傳統月餅,Naomi再一次拋下傳統框架,別人印上自家舖名、月餅款式,她卻決意印上香港人熟悉的金句,「如果中秋月餅上面印上雙黃白蓮,其實沒有特別意思,只有老一輩才欣賞。」印上金包後的月餅,反應叫好叫座,每日焗足500-600件,假日更焗過千。後來有一年的中秋前夕,正是Mirror當紅之時,作為姜糖一份子的Naomi,想為一眾鏡粉做點事,故開始製作印有不同鏡粉代號的月餅,如「姜糖」、「神徒」、「爵屎」,一開始推出亦引起不少話題。

華爾登餅店 華爾登餅店中秋期間每日日焗過千件月餅。
華爾登餅店中秋期間每日焗過千件月餅。(圖片來源:新假期編輯部)
華爾登餅店 華爾登由上年起推出鏡粉月餅,叫好叫坐。
華爾登的鏡粉月餅,叫好叫坐。(圖片來源:新假期編輯部)
華爾登餅店 身為姜糖的Naomi,當然不少得姜糖月餅啦!
身為姜糖的Naomi,當然不少得姜糖月餅啦!(圖片來源:新假期編輯部)

心型荷蘭撻+手寫散水餅

除了印字的改變外,Naomi還有將傳統老餅荷蘭撻作出調整,將既有印象的圓型煙囪,改為心型煙囪,心心造型同樣受年輕人喜愛!「我很喜歡做啲坊間冇嘅嘢,不過荷蘭撻已經冇可能改變,我就嘗試改變它的外觀。」

華爾登餅店 心型荷蘭撻造型特別,吸引少女心爆發的街坊!
心型荷蘭撻造型特別,吸引少女心爆發的街坊!(圖片來源:新假期編輯部)
華爾登餅店 用來示愛也不錯!
心型荷蘭撻,用來示愛一定很甜!(圖片來源:新假期編輯部)

想當年還未有散水餅這個概念,但隨時時代的改變,Naomi亦將這散水餅元素,加在華爾登餅店當中。手造曲奇坊間處處都有,但她就特別配合手寫字句,用字抵死貼地,例如「唔X撈喇」、「撈嘢搵我」、「Bye Bye你條尾」。想不到少少轉變亦闖出一條血路,至今幾乎每日都接到散水餅訂單。「第一次做其實是婚禮回禮曲奇 ,包裝時每塊曲奇都有我哋舖頭名,之後有賓客看到,就打來問我可唔可以訂造曲奇。呢個世界一定有人升職辭職,咁就需要訂餅。」

華爾登餅店 散水餅每件用朱古力醬人手畫上。
散水餅每件用朱古力醬人手畫上,充滿手造感。(圖片來源:新假期編輯部)
華爾登餅店 不少金句說中港人心聲。
不少金句說中港人心聲。(圖片來源:新假期編輯部)

嶄新的元素 上一代接受嗎?

面對著女兒的嶄新想法,媽媽孫太起初抱著存疑態度,期間亦有過爭執,不過經歷十多年的磨合及溝通後,記者這次問孫太,她竟說:「只要阿女話做咩,我都會幫佢實現。」而Naomi則說:「我媽只係睇成績,過程係點唔太重要。」

華爾登餅店 現在只要阿女有甚麼想法,孫太便會幫忙實現。
現在只要女兒Naomi有甚麼想法,媽媽孫太便會幫忙實現。(圖片來源:新假期編輯部)

「初初唔想仔女咁辛苦,我哋兩公婆已經辛苦一世,到阿女做到有成績有興趣時,我就支持她,佢做得很成功,托賴同感恩大家對佢嘅支持。」孫太雖然已到退休年齡,但一直默默支持女兒,現時維持半退休狀態,去幫女兒實踐她的想法。

華爾登餅店 孫太不打算完全退休,一直協助阿女。
孫太堅持不退休,以協助Naomi完成她的想法。(圖片來源:新假期編輯部)

作為女兒的Naomi,其實對這行沒有太大興趣,不過仍然撐下去,「我一直都叫媽媽退休,但相信她退休後,呢間舖就唔會再係而家咁樣,我都唔知道我入廚房會變成點。冇佢,就冇呢間舖,除咗多謝,就只有多謝。」

兩代人就這樣打造「全新」的華爾登餅店,把老味道傳承下去。

華爾登餅店 孫太繼續做老餅,Naomi大搞創新,以截然不同的方式,一齊守護這間老店。
孫太繼續做老餅,Naomi大搞創新,以截然不同的方式,一齊守護這間老店。(圖片來源:新假期編輯部)
  • 店名:華爾登餅店
  • 地址:香港西環區西營盤第二街120-126號仁福大廈地舖
  • 電話:29152263
  • 營業時間:星期一至日8am-7pm
  • Facebook專頁:wahyeetangcakeshop

常見問題

華爾登餅店散水餅可以訂造嗎?

散水餅可供訂造,詳情聯絡方法按此

華爾登餅店有那些舊餅?

華爾登餅店有荷蘭撻、三角朱古力等,詳情按此

圖片來源:新假期編輯部

最新吃喝玩樂資訊