荃灣放題
荃灣放題

荃灣放題中伏 食客怒數煉獄級3宗罪!刺身霉 齋飲維他奶醫肚|飲食熱話

飲食

荃灣日式放題中伏!有食客與家人於母親節當日幫襯荃灣一間日式放題店,指該店「出菜慢到嘔」,同場食客「勁多人被漏單,個個嘈緊,講晒粗口」,點餐後等足「45分鐘只食到幾件霉嘅刺身,狂飲緊維他奶」醫肚,怒數煉獄級放題「兩個鐘要埋單,咁就$754」,聲言「好嬲好sad」力勸網友小心不要中伏!

荃灣日式放題中伏 食客怒數煉獄級放題:漏單上菜慢+刺身霉+食唔飽

該名網民日前於fb群組「自助餐/放題/飲食/酒店優惠情報分享」發文表示,與家人於母親節當日幫襯荃灣一間日式放題店,「入座唔洗3分鐘點完第一round」,但點餐後等足「45分鐘食到幾件霉既嘅刺身,狂飲緊維他奶」,直言出菜慢到嘔,「依家有嘢嚟食我都滿足」,怒斥餐廳完全不夠人手應付客人,力勸谷友「快閃,除非你好鍾意維他奶放題」,聲言今次中伏經歷是「血的教訓」。

荃灣放題 事主投訴入座後45分鐘只能「食到幾件霉既嘅刺身」,不滿餐廳上桌速度及食物質素。
事主投訴入座後45分鐘只能「食到幾件霉既嘅刺身」,不滿餐廳上桌速度及食物質素。(圖片來源:FB群組「自助餐/放題/飲食/酒店優惠情報分享」)
荃灣放題 網友投訴食物水準差,刺身幼過手指。
網友投訴食物水準差,刺身幼過手指。(圖片來源:FB群組「自助餐/放題/飲食/酒店優惠情報分享」)
荃灣放題 等足45鐘後才有刺身上枱,而且質素不似預期。
等足45鐘後才有刺身上枱,而且質素不似預期。(圖片來源:FB群組「自助餐/放題/飲食/酒店優惠情報分享」)
荃灣放題 等待上菜期間,網友只能齋飲維他奶醫肚。
等待上菜期間,網友只能齋飲維他奶醫肚。(圖片來源:FB群組「自助餐/放題/飲食/酒店優惠情報分享」)

中伏苦主集合:得個景靚冇其他優點

一石激起千重浪,此帖一出即激起同命相連的中伏苦主留言 ,有人形容此放題為「地獄級」經歷,「星期六食完,從未食過一間放題咁差,叫咩都話無,海膽手卷赤蝦刺生叫一次就售完,拖羅薄到好肉酸,帶子刺生好似貝柱咁細」、「上星期都試左,都係好麻麻,選擇少,嘢食份量都真係好好細件」,不少網民則指該間店「得個景靚冇其他優點」、「呢間真係好垃圾,個場又污糟邋遢」,同時指出「呢間出咗名伏」,不少訂了位的網友紛紛表示要取消訂位,免得中伏。

不過也有吃過該放題店的網民為該店平反,表示以往並無問題:「上星期先食完!好彩無樓主嘅問題,食物就一般般啦但真係食得飽」、「呢兩日母親節同紅日唔夠人手一定冧檔」。

荃灣放題 有網友投訴等待食物時間太長,食物不夠新鮮,服務不貼心,並表示以後不會再到訪。
有網友投訴等待食物時間太長,食物不夠新鮮,服務不貼心,並表示以後不會再到訪。(圖片來源:FB群組「自助餐/放題/飲食/酒店優惠情報分享」截圖)
荃灣放題 另一苦主投訴入座安排混亂,柯打漏單,食物選擇少。
另一苦主投訴入座安排混亂,柯打漏單,食物選擇少。(圖片來源:FB群組「自助餐/放題/飲食/酒店優惠情報分享」截圖)
荃灣放題 有幫襯過的食客表示沒有上樓主的問題。
有幫襯過的食客表示沒有上樓主的問題。(圖片來源:FB群組「自助餐/放題/飲食/酒店優惠情報分享」截圖)

關鍵詞
飲食熱話
圖片來源:[email protected]「自助餐/放題/飲食/酒店優惠情報分享」群組

最新吃喝玩樂資訊