茄汁豆
茄汁豆

茄汁豆12大食法!網民分享不同做法 焗薯+奄列+做早餐 |飲食熱話

飲食

廣告

茄汁豆12大食法!屋企總有罐茄汁豆看門口,但老老實實,茄汁豆究竟可以有什麼煮法呢?連登討論區就有網友發帖集思廣益:「屋企有罐茄汁豆,除咗就咁食仲有咩煮法?」請教各大隱世廚神,茄汁豆可以有咩搞作呢?網友紛紛留言,想不到總共有12大食法,除了最粗暴直接的撈飯食外,更有家常菜、焗飯,每款都手板眼見功夫,入廚初哥都能輕鬆駕馭!另外更有人用茄汁豆做甜品?!太有創意啦!

茄汁豆食法1.撈飯食

最簡單粗暴直接,也是最多人選擇的食法之一:「有個幾奢侈既食法係撈飯食」、「撈飯食一流」、「認真答你,撈飯」。飯粒混著茄汁豆,香甜多汁,又真係幾好食嘅,果然Simple is the best呀!

茄汁豆 直接撈飯食,爽呀!
茄汁豆食法!直接撈飯食,爽呀!(圖片來源:facebook@delmonte.hk)
茄汁豆 不過網友都問除左撈飯外,有無其他食法。
不過網友都問除左撈飯外,有無其他食法。(圖片來源:連登討論區)

茄汁豆食法2.焗薯

茄汁豆焗薯都是常見的菜式:「配焗薯」,而且做法簡單,先將薯仔洗淨,用叉在表面均勻剌孔,塗上鹽及橄欖油,放入已預熱的焗爐以180度焗1小時至軟身,放涼後切去頂部,用匙羹刮出部份薯肉備用。 再將茄汁焗豆放上薯仔上,灑上芝士,放入已預熱的焗爐以200度焗10分鐘至芝士溶化,即成!

茄汁豆焗薯都是一個不錯的食法。
茄汁豆焗薯都是一個不錯的食法。(圖片來源:facebook@delmonte.hk)

茄汁豆食法3.茄汁豆午餐肉芝士焗飯

有網友覺得茄汁豆焗一焗已經好好味,就可當一味餸:「焗,就咁餸,食到兩碗飯」和午餐肉也是絕配:「焗豆午餐肉」更有位廚神教路炮製茄汁豆午餐肉芝士焗飯:「炒個靚飯底先,另外再炒香切粒午餐肉,再倒罐茄汁豆落去,炒香再加啲喼汁/茄汁/鹽調下味,擺飯面再加芝士焗一焗佢」嘩!聽到都流曬口水呀!

茄汁豆 茄汁午餐肉芝士焗飯,真的好吸引。
茄汁午餐肉芝士焗飯,真的好吸引。(圖片來源:新假期編輯部)

茄汁豆食法4.茄汁豆炒蛋:

網友提議:「番茄炒蛋」,茄汁豆亦可當家常小菜,蕃茄炒蛋都是簡易的菜式,可以額外加入茄汁豆,或是茄汁豆代替蕃茄,吃到粒粒茄汁豆,更有口感。材料只需3隻蛋、一罐茄汁豆、適量水即可,燒熱鑊後下油,下雞蛋煎熟,放焗豆炒均後,加適量水,略炒至熟即成,非常簡單!

茄汁豆食法5.免治豬肉茄汁豆:

加點肉才有肉香,網友推介:「煎免治豬肉,再撈返去茄汁豆度」先煎香免治豬肉,再加入茄汁豆炒均即可,好方便!

茄汁豆配免治肉好正!
茄汁豆配免治肉好正!(圖片來源:新假期編輯部)
茄汁豆 肉汁滲曬入個汁到,送飯一流呀!
肉香滲曬入個汁到,送飯一流呀!(圖片來源:新假期編輯部)

茄汁豆食法6.英式早餐

英式早餐式的做法最多人鍾意,茄汁豆可算是英式早餐的靈魂之一:「英式傳統食法。」、「就咁食,不如買排腸返嚟整english bracketfast」、「煎兩隻蛋、兩條腸,放係茄汁手隔離,再落樓下買兩塊方包 = all day breakfast」配上多士就完美:「整英國國菜beans on toast」、「方包夾」。

茄汁豆絕對是英式早餐不可或缺的食材。
茄汁豆絕對是英式早餐不可或缺的食材。(圖片來源:unsplash@Melissa Walker Horn)
茄汁豆 配埋多士一流。
配埋多士一流。(圖片來源:unsplash@Jakob Owens)

茄汁豆食法7.芝士茄汁豆

網友建議以芝士配茄汁豆:「倒出黎連芝士一齊煮一煮」,簡簡單單就有拉絲效果。

芝士茄汁豆好惹味!
芝士茄汁豆好惹味!(圖片來源:新假期編輯部)
茄汁豆 除了煮之外,焗也可以。
除了煮之外,焗也可以。(圖片來源:新假期編輯部)

茄汁豆食法8.麻婆茄汁豆

有人推介另一味小菜:「麻婆茄汁豆豆腐」似乎都可以喎!酸酸甜甜更加開胃。

茄汁豆麻婆豆腐,應該會更酸甜開胃吧!
茄汁豆麻婆豆腐,應該會更酸甜開胃吧!(圖片來源:新假期編輯部)

茄汁豆食法9.茄汁豆奄列

有網友分享,曾到大排檔食早餐,嚐過奄列茄汁豆:「細個大排檔食早餐,塊奄列入面係茄汁豆」似乎大家都可以在家照辦煮碗,相信都是個不錯的醒神早餐。

茄汁豆奄列不失為一個醒神早餐。
茄汁豆奄列不失為一個醒神早餐。(圖片來源:unsplash@Igor Miske)

茄汁豆食法10.吉列茄汁豆

老老實實,筆者不知道這位師兄的說法是否認真:「隔汁,顏爛d豆,搓成個波,上吉列皮,炸,點返個汁食」步驟好似有板有眼,似乎真的幾吸引,有人笑言:「分子料理」有無勇者夠膽試一試?

吉列茄汁豆球?!有無勇士想試下?好期待!
吉列茄汁豆球?!有無勇士想試下?好期待!(圖片來源:pixabay@Einladung_zum_Essen)

茄汁豆食法11.刨冰/雪條:

真的勢估唔到茄汁豆都可以用來做雪條或刨冰:「雪到變冰,之後做刨冰」、「見過有人雪凍當雪條」。不過茄汁豆酸中帶甜,嗯……用來做甜品,味道應該還不錯吧?

想不到茄汁豆也可以做雪條,甚至刨冰?!
想不到茄汁豆也可以做雪條,甚至刨冰?!(圖片來源:unsplash@Anton)

茄汁豆食法12.撈薯條:

薯條通常都配茄汁醬,何不以茄汁豆來撈薯條呢?可能別有一番風味呢:「撈埋啲薯條一齊食」甚至可能配墨西哥片,當做派對小食也可以。

茄汁豆
(圖片來源:新假期編輯部)

關鍵詞
飲食熱話
圖片來源:facebook@delmonte.hk、連登、新假期編輯部、unsplash、pixabay

最新吃喝玩樂資訊