芋圓控葵廣插旗！日賣400碗 手搓煙韌芋圓＋包心芋圓＋芋泥球｜外賣食乜好

芋圓控葵廣插旗！老闆：「無您地，我地都唔會一直變好」

人氣甜品店「芋圓控」由一對90後情侶Karl和Yan主理，開業以來一直駐守觀塘工廈區，最近老闆於社交平台公布喜訊，就是小店成功殺入掃街熱點——葵涌廣場！芋圓控主打手搓三色芋圓、豆腐花、仙草凍、芋泥球等，開業期間一直很受觀塘打工仔和芋圓愛好者喜愛。首間分店選址在葵涌廣場1樓，老闆感性表示：「想好好感謝曾經遇過既每位，不論係支持定批評，無您地，我地都唔會一直變好」，並希望小店可以長做長有！

堅持全人手搓製芋圓 由開工到收鋪10小時無停過手

芋圓控的糖水深得港人喜愛並非靠彩數或任何噱頭，而且靠其全人手控製的手工芋圓、芋泥球和各款奶凍。小店主打的芋圓、紫薯圓、番薯圓和焙茶圓全部都是人手控製，由原材料到製成品，整個過程都一絲不苟而且全部真材實料。番薯圓特意選用「西瓜紅番薯」，橙紅色澤果肉飽滿，用作圓類製作水份恰好；焙茶圓則採用日本進口的深烘焙茶粉，茶味濃郁可以食到回甘茶香；另外奶茶凍亦為了配合港人口味，特調茶底貼合港式茶記的風味。每一款食材都花足心思，難怪小店咁得市民歡心啦！

老闆Karl和Yan指出雖然由開工做到收鋪好辛苦，常常食無定時，但因為不想有客人專程來訪但食不到心宜糖水，因此都會盡量做到收工先停手。

最平$36大大碗！多達28種配料：3色芋圓＋包心芋圓＋限定椰子凍

葵廣分店同樣有供應招牌三色芋圓、楊枝甘露、蜜喳咋等固定套餐，除此之外，客人亦可以根據個人喜好自選心水配料，最平$36就有交易！由奶凍到芋圓、再到糖水汁都可以自選，心大心細想試多點的更可以點夠8款配料慢慢歎。其中蜜芋頭、焙芋圓和桃膠為期間限定款式，每日限量發售。葵廣店更加新增了新成員——椰子凍，用上泰國進口的椰漿和椰青水熬煮而成，每一口都充斥住滿滿的椰香。

必試三色芋圓，全人手包製，煙韌QQ之餘味道更十分濃郁，絕對會食不停口！另外，包心芋圓同樣好抵食，粒粒聚手有份量，中間包著蕃薯內餡食完好滿足。還有奶茶凍的茶香出眾，入口滑溜，茶控必點啊！每碗份量足料，相當抵食，難怪會受盡甜品控喜愛啦！

• 餐廳：芋圓控
• 地址：新界葵涌廣場1樓B60B（大家樂對面）
• 電話：6475 1628
• 營業時間：星期一至日1pm-9pm（星期日及不定期休息，留意官方社交平台公布）
• Facebook：tarolover.hk
• 備註：觀塘另設分店