【自助餐我要】75折自助餐 即開6款榴槤任食!D24+金枕頭+貓山王|紅磡美食|

今年榴槤當造,榴槤迷當然要食個夠本!紅磡就有酒店搞搞新意思,化身迷你水果市集,大搞水果自助餐,逢星期一、四更有金枕頭、D88、D24等4-6款榴槤,即開即食。指定信用卡,更有75折優惠,十分抵食!

撰文:Eunice |圖片:相關機構、新傳媒資料室

設戶外水果巿集 6款榴槤即開任食!

酒店的自助餐將佈置成戶外迷你水果市集,多款「果王」放在自助餐桌上,像深受大眾歡迎的金枕頭、回甘味濃的紅蝦、果肉濃厚細膩的D88、齒頰留香的D24、香甜幼滑的紅肉榴槤及色澤金黃的老樹貓山王榴槤,作為榴槤迷絕不能錯過。

同場加映還有「果后」山竹及一系列的東南亞新鮮水果,如火龍果、蛇皮果及大樹菠蘿,生果控一定滿足!

海鮮區!波士頓龍蝦+阿拉斯加蟹腳!

酒店設有多個Buffet 區,分散在餐廳不同角落,而且有多個即煮Live Station。 一入門口便是海鮮區和刺身區,海鮮有波士頓龍蝦、阿拉斯加皇帝蟹腳、花蟹、大蝦 、 青口和海螺,選擇算多,而且大廚密密手Refill,去到尾聲都仲有供應,不怕無得吃!

至於熱盤,則設Live Station提供肉類、小食、串燒及湯品,其中即烤即切的肉眼扒就好受歡迎。

即場炮製 法式薄餅+分子雪糕

甜品方面,場內有兩個Live Station,一邊是即製法式薄餅Crepe,有多款配料和醬料可自由配搭,心太軟密密焗製,一舀即有滿滿的朱古力醬湧出!另外分子雪糕也是影相位,一有Order便會即製雪糕,液態氮倒出時立即煙霧瀰漫,非常搶眼!

落地玻璃 眺望無遮掩大海景

酒店坐落紅磡海旁,景觀是一大吸引亮點!餐廳分室內和室外座位,室外可坐擁無遮掩大海景,可吹着海風邊歎自助餐,放鬆身心!而且酒店位置附近較清靜,較鬧市少一份喧鬧,非常Relax。酒店現時提供信用卡優惠,憑指定信用卡簽帳,即享75折優惠,折後五百多元就可以任食榴槤、睇靚景,抵!

 

香港嘉里酒店大灣咖啡廳
地址:紅磡紅鸞道38號香港嘉里酒店3樓(顯示地圖)
電話:2252 5246
東南亞水果盛宴
供應日期:即日起至2018年8月31日
供應時間:星期一、四 6pm-10:30pm
收費:成人$638/位、5歲-11歲小童$447/位
備註:收信用卡、設加一

延伸閱讀:2018暑假酒店自助餐優惠 最平$148!8大Buffet推介 任食生蠔+芋圓+和牛

10款最懷念麥當勞食物~朱古力脆皮新地、將軍漢堡、聰明豆麥旋風齊上榜!

最新吃喝玩樂資訊