自助餐
自助餐

自助餐究竟點回本?網民推心水ITEM!5星酒店前員工揭真實成本|飲食熱話

飲食

廣告

自助餐究竟回唔回到本?每逢大時大節、生日、紀念日,大家都會想吃自助餐,大吃特吃來慶祝一下。不過自助餐通常價錢都會比較貴,憑住我們有限的胃口,究竟是否能回本呢?連登討論區就有人發帖,標題為:「成日睇/聽到D人食自助餐想回本」樓主就覺得想回本根本是不切實際,除非食客是大胃王。網民紛紛留言回應,推介心水回本菜式,當中沙律菜既然最多人提及?!更有5星酒店前員工爆料,大爆所謂回本item的成本價!

自助餐回本不切實際?

大家吃自助餐,除了想吃得多元化外,更會衝著回本菜式來,希望可以回本,但連登討論區就有師兄覺得這想法太不切實際,發文標題為「成日睇/聽到D人食自助餐想回本」,覺得除非食客是大胃王,或是吃勁平$80以下的自助餐,否則無可能可以回本,因為餐廳酒店已計好成本,不會「蝕俾你」:「根本就係不切實際。酒店/餐廳計過度過成本價後再mark up。唔係大胃王根本無可能回本。想回本就咪鬼食自助餐啦,除非你可以80蚊樓下食到。」

食自助餐究竟回唔回到本?
自助餐究竟回唔回到本?(圖片來源:新假期編輯部)
自助餐 8度海逸酒店 餐廳每日有兩款空運到港的法國、美國或愛爾蘭即開新鮮生蠔,再加上肉厚味鮮的鱈場蟹腳、飽滿結實的紐西蘭青口、鮮甜的海蝦及海螺等冰鎮海鮮同樣無限任食!
海鮮經常被視為最回本食品。(圖片來源:8度海逸酒店授權圖片)
連登討論區就有人發帖,標題為:「成日睇/聽到D人食自助餐想回本」樓主就覺得想回本根本是不切實際,除非食客是大胃王。
連登討論區就有人發帖,標題為:「成日睇/聽到D人食自助餐想回本」樓主就覺得想回本根本是不切實際,除非食客是大胃王。(圖片來源:連登討論區截圖)

客人回本≠酒店蝕本

大家似乎不大認同樓主的看法,覺得客人回本,不等於要酒店蝕本:「無人話回本要回成本價」、「食家回本唔代表要酒店蝕本㗎嘛」加上開餐廳都要計人工、租金,不是開善堂,無理由要餐廳蝕錢:「計來貨價黎回本既傻系,人地開鋪唔洗租唔洗人工既」、「人地開善堂咩」、「樓豬回本嘅定義:食到間餐廳蝕錢。正常人回本嘅定義:食到多過平時單點價錢食到嘅嘢。結論:樓豬係弱智。」更有經濟學達人解畫補充,成本價不是重點,重點是客人覺得值多少:「consumer surplus 消費者剩餘,例如自助餐500蚊,消費者認為值600蚊,咁消費者剩餘咪600-500=1000 ,咁消費者咪覺得回本,即使自助餐成本係只有200蚊。」

自助餐 客人回本≠酒店蝕本
客人回本≠酒店蝕本(圖片來源:連登討論區截圖)
自助餐 有經濟學達人解畫補充。
有經濟學達人解畫補充。(圖片來源:連登討論區截圖)

心水回本item!沙律菜呼聲最高?!

提到回本,網民立即推介心水回本菜式,以下是4大回本菜:

4.MÖVENPICK雪糕

甜品控立即提到雪糕,但都是視付雪糕牌子,最極品當然是MÖVENPICK:「食雪糕會唔會好on9?」、「睇咩牌子,如果係movenpick就唔on9,食佢幾杯都唔平。」

MÖVENPIC雪糕是自助餐一大亮點。
MÖVENPICK雪糕是自助餐一大亮點。(圖片來源:[email protected]

3.芝士

有人覺得芝士是被忽略的Hidden Gem:「我覺得芝士係比人忽視,但值得試多d既野食, 但連酒店都忽視。」

自助餐 芝士其實是Hidden Gem。
芝士其實是Hidden Gem。(圖片來源:unsplash@Andra C Taylor Jr)

2.生蠔

網民經常提到海鮮、刺身,「要”回本”就要食有貴食材唔易飽果類,例如海鮮」、「食刺身其實唔難(回本)」海鮮中最多人提及生蠔:「食幾打蠔應該得」食得多可回本,但可能會令腸胃頂唔順:「食夠5打都係值600,但輸左自己健康」。

自助餐 生蠔是必食回本item!
生蠔是必食回本item!(圖片來源:unsplash@Claude Potts)

1.沙律菜

沙律菜既然是呼聲最高的回本菜?!起初網民提及沙律菜時,不少人覺得很傻。「食沙律最撚on9,唔洗煮0功夫,俾7,8舊水入去食菜。」引來大量網民力撐沙律菜,覺得沙律菜在超市買一小包都不便宜,外出吃的話更可能要百多元一碟:「話食菜on9嘅,d菜飛機貨,超市40蚊先得一包仔。」、「唔係講笑,我去親都會食沙律,首先出面餐廳好難搵到靚沙律,再唔係就幾百蚊碟。」、「律菜都好貴,真係要食多幾兜」而且沙律菜成本分分鐘比肉類還貴:「酒店d romaine貴過d垃圾肉」。

自助餐 沙律菜既然呼聲最高?!
沙律菜既然呼聲最高?!(圖片來源:新假期編輯部)

5星級酒店前員工爆料 真實成本價!

每個人都有自己的回本菜,真的各花入各眼,當中就有5星級酒店前員工爆料,揭自助餐回本菜真實成本,呼聲頗高的刺身實際價錢不貴:「全晚計刺身都係幾千蚊數垃圾急凍野,全港酒店都係」而生蠔就$12隻:「我做開5星級,一隻都$12。」同樣被譽為回本必食的鵝肝都要$20件:「鵝肝就一件$20。」最貴的是龍蝦:「預比200人條數,龍蝦就最大,叫成50kg。一隻一百零蚊到。」、「兩年前$125/kg,大龍差不多700-800g,多數斬碎中式炒;小龍做冷盤就500g,以上未計下欄野。」

前員工坦然除以上食材,其他的成本都不高,如果自助餐$800/位,當然是一定回不了本:「其他都無乜貴野。收你$800+10%。就點都回唔到本啦,計條x咩。」而且不要妄想食到酒店蝕本:「我試過做過間,拿過成千蚊1kg既金蠔同 $5,000/兩既冬蟲草番來燉湯做buffet,都未試過蝕本啦」其實好想知邊間咁揼本,值得支持下喎!

自助餐 龍蝦成本最貴!
龍蝦成本最貴!(圖片來源:unsplash@David Todd McCarty)
自助餐 有5星級酒店員工爆料。
有5星級酒店員工爆料。(圖片來源:連登討論區截圖)
自助餐 5星級酒店員工話酒店其實點都唔會蝕。
5星級酒店員工話酒店其實點都唔會蝕。(圖片來源:連登討論區截圖)

關鍵詞
飲食熱話
圖片來源:新假期編輯部、8度海逸酒店、[email protected]、unsplash、連登討論區截圖

最新吃喝玩樂資訊