高原珍饈 宴彩雲南｜美心中菜搜羅30多款雲南食材 炮製滇式風味

搜羅雲南高原珍稀食材

雲南位處低緯度高海拔地帶，得天獨厚嘅地理環境孕育出多種優質天然食材。為咗籌備今次菜單，美心中菜嘅主廚團隊更親身遠赴雲南考察，深入當地特色市場同餐廳，又參觀「雲南省中醫藥民族醫藥博物館」，務求徹底掌握各種食材嘅味道、營養同烹調技巧。今次菜單嚴選咗超過30多款雲南珍稀食材，包括新鮮金耳、黑牛肝菌等菇菌，同埋新鮮石斛、鮮天麻等珍貴藥材。整個團隊花盡心思，確保每道菜式除咗色香味俱全，更能保留食材嘅天然營養同價值。

三大菜系演繹滇式風味

今次「高原珍饈 宴彩雲南」菜單共有31道菜式，分別以粵式、潮式及京菜烹調手法，將雲南食材嘅魅力發揮得淋漓盡致。

粵菜：滇式風味 精緻之選

粵菜向來以精緻同注重食材原味著稱，今次「高原珍饈 宴彩雲南．粵菜」系列將雲南嘅珍稀食材同粵式烹調技藝結合，呢啲菜式唔單止呈現咗雲南食材嘅獨特風味，仲透過粵菜嘅精緻烹調，帶嚟令人垂涎嘅美食體驗。

三七鮮石斛海螺汽鍋雞：採用雲南獨有嘅汽鍋雞煮法，融入三七散瘀定痛同石斛清熱生津嘅功效，溫潤滋補，適合追求養生嘅人。

堂弄雞湯山珍菌：嚴選雲南八大菇菌，搭配肉質鮮嫩嘅竹絲雞，精心熬製成濃湯，菌香撲鼻，味道鮮美，入口溫潤，令人回味。

西雙版納樹茄石斑魚：靈感來自雲南家常樹茄湯，將石斑魚熬湯，加入新鮮樹番茄、小翠瓜、青檸檬同熱情果，酸甜清新，富含茄紅素同花青素，美味又養顏。

鹿茸菇香燒脆皮雞：嚴選雲南高原鹿茸菇，菇香濃郁，放入三黃雞內一起燒半小時，盡收雞油香味，佐以特製滇式香料，鮮香撲鼻。

諾鄧火腿野菌生煎包：以雲南大理特產諾鄧火腿同野菌切粒製成包餡，拌以高海拔雲南上等紅葱頭製成嘅香菇醬，煎得金黃酥脆，菌香同咸鮮肉香完美融合。

潮菜：山珍精粹 創新演繹

潮菜以擅長處理海鮮同突出食材原味見稱，今次「高原珍饈 宴彩雲南．潮菜」系列將雲南嘅山珍同潮汕烹調技藝結合，菜式展現層次豐富嘅滇式風味。

玫瑰洛神花百香果：嚴選雲南高原玫瑰與洛神花，清香撲鼻，搭配酸甜百香果汁，十分開胃。

金耳伴蝦膠釀羊肚菌：選用有「耳中貴族」之稱嘅雲南金耳，浸潤清甜南瓜金湯，羊肚菌釀入蝦膠，一啖爽嫩一啖軟糯，層次分明。

火焰燒汁雲南鮮菌鱸魚：新鮮鹿茸菌同姬松茸酥炸後配搭炸鱸魚，淋上雲南風味醬汁，上桌時燃點火焰，視覺同味覺雙重震撼。

羊乳片煮雲南小翠瓜：以雲南白族同彝族非物質文化遺產羊乳片入饌，乳香純而不羶，搭配脆嫩小翠瓜同姬松茸，潮式湯煮技法令食材原味更突出。

京菜：滇菜京煮 氣派呈現

「高原珍饈 宴彩雲南．京菜」系列以滇菜為基礎，融入多地烹飪智慧，透過京式烹調呈現雲南高原嘅珍饈。

油雞樅菌拌鮮鮑魚：嚴選昔日朝廷貢品鮮天麻，搭配香氣滿盈嘅油雞樅菌醬，為彈嫩鮮鮑魚增添微辣鮮香嘅味道。

鮮天麻皺皮椒醬炒蝦球：雲南昔日貢品鮮天麻，清香獨特，搭配微辣皺皮椒醬，炒製彈牙鮮蝦球，椒香撲鼻。

玫瑰蜜汁宣威火方：雲南宣威火腿，鹹香醇厚，搭配高原玫瑰蜜汁，佐以微甜洛神花醬，燴煮火方入口嫩滑。

翡翠銀杏嫂子豆腐：以麻婆豆腐煮法，加入翠綠如玉嘅雲南銀杏，綿密口感蘊含護腦抗衰功效，味道溫和，適合一家老少。

酥皮鮮花餅：依照雲南傳統手法烘焙，融入檸檬汁同高原玫瑰花餡，香甜中帶微酸，令人彷彿置身春意盎然嘅雲南。

限定登場 品味雲南

而家由即日起至9月14日期間，「高原珍饈 宴彩雲南」推廣菜式將會喺美心中菜旗下41間指定中菜食府供應，包括粵菜嘅美心皇宮、翠園、八月花、映月樓和翠玉軒；潮菜嘅潮江春和潮庭；以及京菜嘅北京樓。

另外，由8月4日起，yuu會員更可專享儲印花優惠，凡惠顧任何一款「高原珍饈 宴彩雲南」推廣菜式，即可獲贈電子印花一個，儲齊3個印花，即可換領$100美心中菜電子優惠券一張，等大家能可以優惠價錢品嚐到來自彩雲之南嘅珍饈。

今次美心中菜咁有誠意，將雲南高原嘅山珍美味食材帶到香港，大家唔使飛去雲南，都可以食到最地道、最新鮮嘅滇式風味。無論係想同屋企人養生滋補，定係約朋友一齊試新嘢，呢個限定菜單都係一個絕佳嘅選擇。快啲把握機會，去體驗一下呢場彩雲南嘅味覺盛宴啦！

詳情：https://www.maximschinese.com.hk/promotion/326

遊戲條款及細則：

1.參加者必須為年滿18歲之香港居民，並於香港定居，不接受海外之參加者。
2.新假期專人將通知得獎者，並把獲獎詳情及方式以 Facebook/Instagram Inbox (私訊)聯絡得獎者。

3.每位得獎者只可獲獎一次。
4.得獎者須透過 Facebook/Instagram Inbox 回覆並提交個人資料，包括姓名及聯絡電話作領獎之用。如得獎者沒有回覆及提交個人資料，則作得獎者放棄獎品論，逾時不候。
5.主辦機構及贊助商之員工及家屬不得參加。
6.參加者須確保提供的資料均是真實、正確、最新及完整、乃是參加者本人的資料，以及沒有冒用或盜用任何第三者資料。如有不實或不正確之事宜,或發現任何蓄意以空號或假帳戶參加是次活動者，新假期及美心中菜有權取消該參加者的換領資格。
7.回答內容若含有淫穢、煽動性、誹謗、粗鄙、色情,或其他不良或不適當的內容，參加資格將被取消。

8.若參加者遞交的資料有錯漏或不正確導致未能聯絡得獎者或核實得獎者的身份，有關獎賞將一律作廢。
9.任何 Facebook 及Instagram用戶參加是次活動，即代表了解並願意遵守此條款及細則。
10.參加者如有任何舞弊或欺詐行為，將即時取消其參與資格，亦保留因參加者被取消資格而收回有關獎品之權利。
11.對於是次活動之回覆資料及時間，將以美心中菜伺服器所收獲之數據作準。任何因電腦、網路等技術問題而引致參加者所遞交資料有遲延、遺失、錯誤、無法辨識等情況,美心中菜一概不負責。
12.如有任何爭議，新假期及美心中菜保留最終決定權，包括隨時暫停、更改或終止活動及相關優惠之條款及細則，而無須另行通知，亦不需為此承擔任何責任。

（Presented by：美心中菜）